الحلقة 49 ..
ابو مالك رجع جهة الرسبشن.. ويحس روحه مايسمع شي غير صوت مرت ابوه.. صوت صياحها وهي تترجاه يرفق بحالهم.. وشكل امجد وهو صغير والبؤس اللي عيشه فيه.. يذكر الحريق اللي كان سببه في بيتهم.. عجلة الماضي تسير به وهو راجع الى بته..
بهدوء .. سأل الرسبشن:
ــ سمعتك تقول الساعه 10 فيه زياره
الرسبشن : ــ ايه نعم..
ابو مالك:
ــ علا.. اذا تعبانه روحي انتظار النساء.. بظل هنا للساعه 10
علا مهي فاهمه ويش صاير .. وليش غير رايه.. ماليها الا تسمع كلامه.. وتروح تقعد هناك...
وظل ابو مالك ينتظر متى تجي الساعه 10 على كل دقيقه يحسها ساعه ومتوتر وحالته حاله ..
هشام لاحظ توتر ابو مالك.. جلس جنبه..:
ــ ويش فيك ياخوي على حساب بترجع البيت..
ابو مالك بتوتر:
ــ شفت مريض اعرفه.. قلت انتظر وقت الزياره وازوره ..
ــ اهاا .. عطاك الله العافيه..
ــ الله يعافيك..
جت الساعه 10 .. ابو مالك قام ودقات قلبه تتسارع.. وصل جهة غرفة حميد.. لقى الممرضه طالعه شايله فطوره توه مخلص.. سألها..اذا هي فعلا غرفة امجد عبدالكريم آل .. والا لا..
وقف عالباب مو عارف كيف يدخل وويش يسوي اصلا...
طق الباب ودخل..
لقى حميد منسدح وشحوب مو طبيعي فيه.. التفت حميد عليه ومن شافه.. قعد وهو مذهول..
ابو مالك بهداوه وبصوت متقطع..
ــ السلام.. عليكم..
حميد بخوف ودقات قلبه تتسارع..
ــ عليكم السلام..
ــ اخبارك ..؟؟
حميد سكت ومارد .. وعيونه تحكي حكايه وتسأل مليون الف سؤال..
حميد مذهول ... وساااكت ولا كلمه... وصار يتذكر سوايا ابو مالك فيه وفي امه
ابو مالك تعبان من هالسكوت يبغى حميد يتكلم يقول أي شي..
ابو مالك مو داري ويش يقول.. جى بيكحلها بسؤال:
ــ امك.. اخبارها؟؟
ابتسم حميد ابتسامه صفرا:
ــ امي .. امي الله يرحمها من سنين..
ابو مالك حس روحه عماها:
ــ الله يرحمها... وانت.. ويش اخبارك.. والله كبرت وتغيرت
رجع حميد وسكت..
ابو مالك: ــ تكفى لا تسكت..
حميد بهدوء :
ــ هه ويش تبغاني اقول..!!
ــ قول أي شي ريحني..
ــ الله يابو مالك.. توك تبغى ترتاح.. بعد 15 سنه.. تشريد وتغريب وتعذيب ذقتهم في حياتي..
بعد 15 سنه لاقيت فيهم الشقى.. كم سنه في العراق لا ليلي ليل ولا نهاري نهار .. امي وودعت واحس روحي فيهم بلا ارض ولا وطن.. رجعت البلد بالموت.. ويالتني مارجعت.. يالتني ظليت في العراق ومتت هناك.. عشت مثل الحياوين في صندقه.. على الله وعلى البحر.. صرت حرامي .. صرت شخص عديم الأنسانيه... تمرمرت وتعذبت.. تنكرني وانا اخوك؟؟ تطلعني ميت وتاكل حقي..؟؟ ليش ويش جرمي اذا ابوي الله يرحمه تزوج على امك و جابني للدنيا..؟؟
سكت حميد
ابو مالك مو قادر يتنفس .. وبتعب:
ــ كمل كلامك.. قول كل اللي عندك ..
ــ ماعندي كلام لك.. ليش جاي.. جاي تتشمت وتتأكد من موتي.. ابشرك ايامي معدوده.. وخلاص مرضي اكل جسمي كله.. وافرح بموتي ساعتها.. مع انك ذبحتني ,, من زمان...
ابو مالك ..
ــ ياخوي.. مو جاي اتشمت فيك والله يعلم.. جاي اطلب منك السماح.. سامحني ياخوي .. اعترف لك ظلمتك وعذبتك.. سامحني وكل حقك بيرجع لك..
ــ هه.. اسامحك.. على ويه لو على ويه... وحقي .. حقي ويش اسوي فيه...
ــ تكفى.. انا تعبان نفسيا مو قادر اتحمل ولا اعيش ,, اعز الناس من اهلي خايف افقدهم ,, ياليت العذاب جاني انا.. ياليت حوبة كل مظلوم طلعت علي ولا فيهم..
ــ هههههههههههههههههههههههههههههه
ابو مالك بأستنكار:
ــ على ويه... تضحك؟؟؟؟
ــ عليك.. وعلى ضميرك الحي..
ابو مالك وجهه يعاود الأستفسار..
حميد تنهد من قلب..
ــ ايييه.. يعني لو ماصابتك مصيبه.. ماكنت افتكرت تعتذر ولا طقيت خبر..
ابو مالك سكووت ويحس بأحراج من نفسه..
حميد.. ــ كيف دريت بي اني هنا...
ــ مادري .. واحد سمعته في الرسبشن يسأل عنك..
ابتسم حميد.
ــ ومين يسأل عني ياحسره.. ماعندي بهالدنيا احد غير علي...بس ويش جيبه هالحزه..!!
ــ امجد.. ارجوك لا تغير السالفه ..
ــ ليش بيننا سالفه..؟؟
ابو مالك..ومو عارف ويش يقول..
ــ انا ... مادري
وانفجر صياح.. اعظم من طفل .. انهار وشيبته بللها الدمع...
حميد وبهداوه :
ــ ليش تصيح الحين؟؟
ــ ابغاك تسامحني ,, هذا اللي ابغاه من دنياي وتاخذ حقك لأني تعبت..
ــ وويش حقي؟؟
ــ نصف املاكي ...
حميد بتعب وعيونه طاغيه فيها دموع يحاول قد مايقدر يداريها..
ــ نصف املاكك.. بعد ويه ياخوي .. بعد ويه.. بس يللا .. الله كريم.. سامحتك..
ابو مالك قام وباس راس اخوه..
حميد انحرج من حركة اخوه الكبير...
ابو مالك وعلامات الفرح مرسومه في وجهه:
ــ الله يقومك بالسلامه.. و ان شالله على طول ازورك ...
ــ ان شالله.. جيب معاك مالك وعلا..
ابو مالك ابتسم:
ــ ولا يهمك ان شالله مالك الفجر بكره بينزل البلد
حميد بأبتسامه:
ــ يدرس برى يعني
ــ ايه...
ــ يالله وحشوني هالصغار .. صار رجال مالك وعلا كبرت وصارت مره..
ابو مالك يحس روحه انسان جديد.. انسان توه منولد..
شقد المصايب صحته من غفلته...
وطلع ابو مالك ..حميد انسدح ودموعه بعفويه تنسل ... تنهد من قلب:
ــ عساه خير..
العصر .. اتصل ناصر على اشرف:
ــ هلااااا روميو
اشرف بقهر:
ــ وففف منك ومن تعيلفك ويش تبغى..؟؟
ــ افاا خوش رد .. لا بس باجيك بعد شوي باجيب لاب توب ولد عمي ابغاك تفرمته..
ــ وهذي شغلتك..
ــ اوهووو بتمننا عاد انت...
ــ هههههههههههههههه امزح وياك مالت عليك..
ــ مره اللي يسمع ويش اجيب لك غير الفرمته.. المفروض اسميك اشرف فرمته...
ــ كركر .. باايخ..
ــ مسامح.. ياروميووو..
ــ صبرا جميل..
ــ وبالله المستعان..
ــ يللا اجل انتظرك جيبه ولا تنسى الشاحن سالفة جهاز ولد عمك هذاك..
ــ هههههههههههههههه نفس الجهاز اصلا
ــ بل ماخذ شهر من تفرمت..
ــ ويش مدريني عنه.. من صارت مصيبه قال فرمتووه.
ــ والله ما يبغى له تفرمت الا مخك
ــ ههههههههههههههه فرمته يـــــــــا.. روميو
ــ باي بس باي
ــ هههههههههه جاي.. باي..
5 دقايق الا ناصر موصل لأشرف..
ودخل وياه بيتهم..
ناصر منتبه على اشرف العاده ما ينزل شعره على جبهته.. فصار يتعيلف:
ــ يلعن يوم القصات.. يلعن يوم الحركتاااااااات استررررر عليه..
اشرف يحوس في اللاب توب رفع عيونه على ناصر وعطاه نظره..
ناصر:
ــ يمه يماااه خفت .. اقول ويش سالفة هالقصه الجديده..
اشرف يرفع شعره:
ــ وففففف منك ومن تعيلفك .. جبهتي مضروبه .. ومغطنها..
ــ اف اف ويش هالضربه من ويش .؟؟ شكلها شاايده؟
ــ طايح من درج بيتنا
ــ بل .. أي درج..؟؟
ــ الخارجي...
ــ من ويه؟؟
ــ تحقيق هو.. طحت وبس ,, بعد من ويه .. تعثرت وطحت,.,
ــ مممممممم اييييه.. اللي ماخذ عقلك..
اشرف ببرود وسخريه:
ــ يتهناااا به...
وفي باله:
ــ ياساااتر لو يدري لويه ويش يفكني من تعيلفه...
علا تكلم امل..
امل : ــ هدي غناتي وماعلى سوسن الا الخير ..
ــ ان شالله.. واللي متعبني زياده قلت لليلى عن سالفة صالح..
ــ أي صالح...
ــ اللي عالج ولدش,,
ــ وخير لو قلتي ..
ــ آآآه بلاش ماتدري ..
وصارت تقص على امل السالفه..
امل : ــ ياااربي مسكينه ليلى .. ويش حالها الحين؟؟؟
ــ للحين ماتصلت فيها اعصابي تلفانه واحاتي سوسن.. شوي اذا سكرت من عندش باجرب اتصل.. ولو اني مالي جرأه..
ــ ليش عاد .. اتصلي واسالي عنها.. مايصير تتركيها في هالموقف..
ــ مو كل المصايب تتحذف عليهم مني..
ــ استغفري ربش ويش دخلش انتين..
ــ وجه نحس..
ــ علا.. انتين متوتره وماتدري ويش تقولي .. فهدي بالش وان شالله خير..
ــ ان شالله..
بعد كم ساعه.. جت تريزا لعلا.. وبهداوه:
ــ علا حبيبي.. خلاص اخر هذا اسبوع انا سفر..
علا :
ــ هااا.,,, ياربي كل المصايب تجي في مره وحده.. ليش مابتطولي .؟؟
ــ خلاص خلص الوقت لازم يرجع..
ــ باقي بس 3 ايام ويخلص هالأسبوع.. مو متصوره البيت من دونش..
ابتسمت تريزا:
ــ الله كريم..
علا : ــ بتوحشينا..
ــ ما ينساكم على طول ..
ــ ولا بننساش.. لويه عاد تقولي لي من اليوم كان قلتي لي قبل سفرش بيوم..
ابتسمت تريزا..
ــ تبغي شي علا ..؟؟
ــ لا سلامتش..
ودخلت غرفتها..
تابع<<
المفضلات