ضعنا يا صبرنا...

[المتحير]

يلال البارت بسرعة

[المتحير]

يلا الجزء امييييييييييييييييييييييرة

[المتحير]

على فكرة

في الرد الجاي

[المتحير]

يلا البارت

[Princess]

مراحب
يسلم ربي نور هالحضور
عساني ما انحرم منه...

هالمره
البارت طويل
وعن جد.. شدخني تشديخ واني اكتبه وتالي الونه..؛؛<< شبقه..

اتمنى يرضيكم ويعجبكم
تفضلو الجديد..

[Princess]

الحلقة 40

ابو مالك يحاول يتمالك نفسه ولا يبين ليها شي..


ــ غناتي.. عمري انتين.. ضروووري تشربيها ..


سوسن نغزها قلبها..


ــ ويش فيني اني.. لويه مصرين اشربها كلها.. ويش صاير؟؟؟

الا بدخلة الممرضه تنادي ابو مالك تبغاه الدكتوره...


طلع ابو مالك وهو متخوف ..


وصل الغرفه ودخل للدكتوره اللي كانت تقلب اوراق.. حطتهم وبهدوء..


ــ تفضل استريح..


ابو مالك وهو بيقعد..


ــ ويش النتيجه؟؟؟


الدكتوره تمهد له..


ــ الله كريم ان شالله هذي تحاليل الدم باقي البول بس واضح فيها هالشي و يارب ما يكون فيها شي..


ابو مالك عصب:


ــ ويش فيهااا ؟؟؟


ــ هدي ياخوي.. مافيها الا العافيه.. هي الحين بتدخل الشهر الرابع والأعراض تنذر بأحتمال تسمم الحمل مثل ما قلت لك...


ابو مالك مو عارف ويش يقول ::


ــ والحل؟؟


ــ راح انتظر تحليل البول بعد ونتأكد اكثر واكثر.. وبعدها راح نحطها تحت المراقبه فتره. واذا صارت زينه راح نطلعها من المستشفى بس اتمنى تلاحظوها زين واي اعراض مهي طبيعيه تجيبوها المستشفى


ابو مالك:


ــ عساه خير...


ــ و اهم شي نفسيتها رجاء لا تدري بشي..

ــ يـــــــــالله هي الحين كل شوي تسال وش فيها ...

ــ قولو ليها تعب بسيط نقص سوائل جفاف أي شي..


ــ.. خير ان شالله..


ــ عساه خير...

رجع ابو مالك الغرفه ليهم الا سوسن مهي على سريرها..


ابو مالك..


ــ وين هي؟؟


هشام:


ــ راحت الحمام..


ابو مالك:


ــ خذت غرشة التحليل؟؟


علا :


ــ ايه عطيتها اياها..


ابو مالك بهداوه:


ــ يارب خير..


هشام بخوف :


ــ ويش يبغو فيك.. ويش صاير؟؟


ــ لا بس يقولو فيها جفاف ومهو زين للجنين هالحاله..


هشام مو مصدق..


ــ جفاف وتحليل لويه يشربوها سوائل ومغذي وخلاص..


ابو مالك مهو مروق:


ــ ماااااادرري مو انا الدكتور..


ــ زين.. خلاص..

علا عور بقلبها هشام.. تحسه مرتبك وضايع وخايف على اخته مره... وابوها ماتحسه واقف وياه كل واحد منفرد بهالهم...

ابو مالك استأذن منهم بيطلع يغير جو..

علا قعدت على جنب لين طلعت سوسن اللي سالت على طول عن ابو مالك وقالو ليها طلع شوي والنتيجه جفاف وبس...

شوي الا جوال علا رجع يرن نفس الرقم الغريب


سوسن تطالع فيها..


ــ ماتردي ..؟؟


ــ ماعرفه....


ــ يعني...

سكت ورجع اتصل..


سوسن..


ــ عطيه هشام يتفاهم وياه..

علا عطته سوسن واخذه هشام..


ــ مرحبا..


ليلى ارتبكت..


ــ الو...


هشام سمع الصوت بنيه..


رجع ومده على سوسن..


ــ بنيه.. شكلها مهي غلطانه...


علا مستغربه..


ــ مين؟؟


خذته.. وكلمت... وشوي عرفت المتصله..


ــ اهليين هلاااا وغلاااا.. متصله من وين...


ــ هلا فيش .. مين اللي رد علي .. اخووش؟؟


ــ لاا.. اخو سوسن..


ــ هاا؟؟ يووو انخطبتي؟؟؟


ــ هههههههههه لاااا.. << تلونت مليون لون... تالي اشرح لش السالفه..... هذا رقمش..؟؟


ليلى بفرح:


ــ لاااا مو اني متصله على شان ابشرش...


علا كأنها فهمت السالفه وبعفويه وفرح..


ــ طلع.. علي ... طلع؟؟؟؟


ــ إيـــــــــه...

هشام من سمع علا تقول علي انصرع...


وعلى طول سأل سوسن اللي كانت مبتسمه .. بهداوه واشاره مين المتصل...


سوسن تأشر عليه دقيقه تبغى تسمع باقي المكالمه

ــ الف الف الحمدلله على سلامته... قرت عيونكم..متى طلع..؟؟


ــ امس

هشام مرتبك.. وبعفويه كل تصرف يتصرفه..


ــ مين.. اقوول لش مين المتصل..


سوسن تهمس له بهداوه:


ــ داويه حمصتك محروقه.. صديقتها..


ــ مين علي اجل..؟؟؟


ــ اخو صديقتها..


ــ بعــــــد.. ويش سالفته لويه طارينه..؟؟


ــ كان محبوس والله فرج عنه..


ــ يعني.. ايه.. خير ان شالله..


ــ حق ويه تحقق؟؟ يهمك الموضوع..


ــ هاا.. لا ... بس كذا..


سوسن ابتسمت


ــ ايه.. ربي يحقق اللي في بالي..


هشام يطالعها على جنب:


ــ وويش اللي في بالش..؟؟


ــ اللي في بالك..


ــ لغز هوو..!!


ــ ههههههههه خلاص اهدأ

علا :


ــ الله يسلمش غناتي وان شالله ازوركم قريب.. مع السلامه..


سكرت علا وهي مرتبكه وفرحانه.. وهي عارفه كيف تعبر عن مشاعرها..


سوسن بفرح:


ــ الحمدلله على سلامته والله يديم الفرح عليهم


ــ الله يسلمش ويخليش..

هشام في باله..


ــ وايد مهتمين في الأمر وفرحانين.. .......!!!. اف ويش فيني انا الحين مهتم ...!!

بعد ساعه رجع ابو مالك وكانت نتيجة كل التحاليل طلعت و طلبت الدكتوره ترقيد للملاحظه ولتفادي الأمر ..


ابو مالك.. بشحوب..


ــ غناتي سوسن.. لازم تترقدي في المستشفى كم يوم..


سوسن بخوف:


ــ ليش ويش فيني؟؟


هشام..

ــ جفاااف وترقيد...؟؟؟

ابو مالك يحاول يداري وبعصبيه رد على هشام..


ــ ايه.. جفاف.. ويش فيك.. فيني اللي مكفيني انا زين..


هشام تغيرت ملامح وجهه.. التفت الى سوسن..


ــ مع السلامه خيه... انتبهي لروحش .. بكره ان شالله بازورش ..


سوسن ..


ــ الله يسلمك غناتي انتبه لروحك انت بعد..

وطلع هشام...


علا مو عاجبنها تصرفات ابوها بالمره.. تحس السالفه مو بس جفاف..


طلعو عن سوسن ..


وفي السياره.. حاولت تستفسر من ابوها..


ابو مالك بهدوء..


ــ سوسن... سوسن احتمال يكون وياها تسمم في الحمل..


علا جاها الخبر زي الصاعقه..


ــ يعني ويه..؟؟


ــ يعني الحين .. الحين وضعها حرج.. بتصير تحت المراقبه فتره لو يسقطوها الجنين..


ــ يــــــــارربي .. الله يساعدها.. يارب تشافيها وتقومها بالسلامه..


ابو مالك بصوت خافت بالكاد يسنمع..


ــ يارب..

تابع؛؛<<

[Princess]

وفي العصر..

حسين..

ــ خلاااص بعد ثلاثة ايام بنسافر امريكا للعلاج وياااارب نطلع بنتايج ايجابيه

امل وايدها على قلبها..

ــ يااارب ياكرريم...

ــ الا ويش اخبار بيت ابو مالك من زمان ماشوفش تروحي..

ــ بالي مشغول على ولدي دي كم يوم.. خبري بهم من بداية محرم كم يوم رحت ويا علا وسوسن الحسينيه وكانت علي...

ــ اهاا,, يعني.. واخبارها مع مرت ابوها.؟؟

ــ تمااام للحين كأنهم خوات .. اشوى تطمنت عليها..

ــ الحمدلله..

ــ لويه تسأل؟!!

ــ لا بس قلت الحين اذا سافرنا بتصير علا لحالها وهي متعوده عليش..

ــ لااا الحمدلله مطمنه عليها بالمره الحين ويا سوسن صارت علا اكثر حيويه من اول وتسولف و تاخذ وتعطي و تطلع .. مهي مقصره وياها سوسن بشي .. يالله تسهل عليها وتحفظها..

ــ يارب...

عادل ويا امه والدرس الثاني .. وبسرعه استوعب.. لغايه في نفسه...

وطلب منها تكمل بقايا الحروف للأخير ولا تجزأهم....

ويوم خلصت منهم...

ــ باااققققوووم اطططلللع..

ــ وين بترووح..؟؟

ــ باااههااااايييت

ــ انا لله .. انتبه لروحك زين..

ــ ان شششاااالله

راح عادل غرفته واخذ ورقه وقلم وطلع..

قعد على باب بيتهم ينتظر اشرف يطلع ماطلع..

ساعه .. ماطلع.. سيارته على الباب وينهو؟؟؟؟

قاعد وهو يردد كم حرف معينين في باله .. شويات الا بسيارة ناصر جايه وينزل اشرف وهو يسولف ..سكر الباب ومشى ناصر..

عادل من شاف اشرف طار من الفرحه وقام له يركض..

ــ شششرررريف..

ــ هلاااااا عدووله..

ــ هههلالالاااا فيييك...وييينااا رررحت من زمممااااااان اسسستناااك برررى

ــ طلعت ويا ناصر.. تبغى شي..؟؟

عادل بفرح طلع الورقه والقلم..

سند الورقه على جدار بيت اشرف وبالقلم صار يكتب وهو يقول..

ــ الزززاااء نقطه من فففووووق والياااء نقطتتتتين من تحححت والنووون نقططه من فففوووق والباااء نقطططه من تحتت..

اشرف مفتح عيونه.. عادل بخط كبير كتب حروف اسم زينب ..

ز ي ن ب

وبفرحه عظيمه :

ــ كتببببببببت اسمهااااااااااااا

اشرف مهو عارف ويش يقول... ابتسم ببرود..

ــ عفيا عليك ... يللا اكتب اسمي...

ــ مماااااا اعررررف

اشرف فيه قهر بس يداريه..

ــ شمعنى تعرف تكتب زينب؟؟

عادل بأبتسامه عريضه..

ــ لأني احبهاااااااا

اشرف بلا وعي مسك عادل من كتفه وسحبه بالقوه..

ــ بتتأدب لو لا....؟؟؟

ــ آآآآآآآه ويش فييييييك ...

ــ تأدب .. عن هالحركات البايخه فاهم..

ــ تششيييييييه ويش قلت اناااااا...

ــ لا اسمع طاري زينب على لسانك.. تفهم.. عيب..

ــ اووووووه.. لووويييييييه

ــ بدون لويه.. استح وخلاص..

ــ زين خلييييييني عورررررتني..

اشرف ترك عادل وراح يركب الدرج بيدخل بيتهم.. الا عادل يصرخ حد ماعنده..

ــ اصصصصصلاااااااا لو ماتحبببببهاااااااا مااااا حمقت كذاااااا لووويه ماتعتررررررف

اشرف حمق وينزل له من الدرج بسرعه

عادل خاف وهرب يركض ... وصل لباب بيت ابو علي ..

اشرف بحمق..

ــ هذا اللي ناقص.. قلة حيا....

مامداه اشرف بيدخل الا ينتبه لوحده طلعت من بيت ابو علي وكانت زينب بترجع بيتهم...

اشرف وقف قلبه ووده يروح ويسحب عادلوه من ذاك المكان....

سوى روحه توه طالع من بيتهم وبيروح السياره... ووقف زي الخبل عند باب سيارته وفي باله..

ــ اففففف المفاتيح داخل ما اخذتهم طلعتي مع ناصرووه ويش هالفشيله..

صار يراقب عن بعد..

عادل:

ــ ززززييينب تعلللمت الكتااابه

زينب تسوي روحها ماتسمعه وتمشي..

عادل وراها فرحان ويمد الورقه ..

ــ شوووفي.. كتتتتتتتبت اسسسسمششش

زينب مطنشتنه وتكمل مشي..

اشرف فرحان من تصرف زينب ويراقبهم..

عادل بدى يحس بخيبة امل .. مهو عارف ويش يسوي تعب وهو يبغاها تشوف وهي ابدا ما كنها تشوفه ..

قام وقف قدامه وفتح الورقه بالمقلوووب ..

ــ ششششوووووووووووفي

زينب خلاص وصلت حدها منه واقف ليها في عرض الشارع..

خطفت الورقه منه ورمتها على الأرض..

وطاحت في الطين مع ماي المطر..

عادل شوي وبيصيح..

ــ لوووووويه سوييتي كذذذاااا

مشت عنه زينب.. وانتبهت نهاية الشارع لأشرف الواقف عند سيارته...

زينب في بالها.

ــ ناقصه اني وهذي كل حالتي عاد هالمره ولد العمه مو فاضي لا هو ولا اخته يوصلووني كل مني يوم ما اطاوع ليلو واقعد وياهم لليل...

اشرف ابتسم ابتسامه رضا وتشفي على عادل..

عادل قعد على عتبة باب بيت قبال بيت اشرف... والهم ضاربنه... وحط راسه بين ذراعينه..

اشرف عور بقلبه عادل يوم يشوفه على هالحاله.. وصار في باله..

ــ ويش فيني عليه.. حق ويه انقهر منه.. ماينشره عليه هذا.. ولويه انقهر.. والله يا بت عبدالرحيم منتين هينه.. ويش سويتي فيني...!!

تقرب من عادل..

وبهدوء..

ــ عادل .. قووم..ويش فيك...

عادل مايرد ومطنش اشرف..

صار اشرف يهزه::

ــ عادل قوم.. خلاص... على شان مره ثانيه زي ماقلت لك تتأدب ولا عليك من بنات الناس..

عادل رفع راسه وبحمق شال ايد اشرف عنه .. وقام وبقهر:

ــ ماااااااالللللللك شغغغغغغغغغغل فيني.. وارااويكم انا الحييين

ومشى عنه..

اشرف مستغررب..

ــ يالله .. ويش فيه هالعادل ..

عادل يمشي بسرعه ويصرخ على زينب..

ــ هييييه انتين يازينبببووووه

زينب اختلعت وقفت ودارت عليه

عادل..

ــ ماحبششششش انا خلااااااااااص .. خلي اشرررررررفووووووووو ينفعش..

زينب قلبها طاح وتحس رجولها مهي شايلتنها... وكملت طريقها وهي ميته خوف ..

ــ يارب.. يارب ماحد يطلع ويسمع هالخبل ويصدقه.. بيوديني في داهيه..

عادل بعده يصارخ ويكمل كلامه..

ــ وانت ياا اشررف .. لا تسوووووي رووووووووحك ما تحبببها بس فاااالح تقققووول ليي عيييب وعيييييب..

اشرف راح لعادل بالسرعه..

ــ بس خلااااااص.. اسكت.. ويش فيك انت..!!!

ــ ماااااناااااااااااا ساااااااااااااااكت... ما بسسسسسسسكت.. ولا اطيقكم ثنيييييييينكم..

ــ لا تطيق احد بس اسكت...

ــ قلت لك ماااا بسكت

ويهجم عادل على اشرف ينطحه براسه وهو يصارخ ومحمق

اشرف يدافع عن نفسه ويحاول ما يعطي عادل أي ضربه تضره..

طاح اشرف على الأرض و عادل فوقه..

ماسك بلوزته ويدحن فيه.. ويصرخ..

ــ انت اللي ماتتتتتتتسسسسسسسسسحي .. ثننيييينكم مااااااااااحبببببببببكككككككم.. اخذذذذذذذتها مني انتتتتتت..

اشرف مو قادر .. بيطلعو العالم وبيشوفو الحاله وبتصير فضيحه والسبب عادلوه..

زينب لفت لفة بيتهم ودموعها اربع اربع من الكلام اللي سمعته...

تابع>>

[Princess]

اشرف خلاص مايفيد ويا عادل أي تصرف غير يرد عليه بالمثل..

ويشيله حد ماعنده ويعطيه طراق طراقين ثلاثه.. ويحشره عند جدار البيت ويصرخ فيه..

ــ بس.. خلاااااص قلنا لك...

عادل انهار وصار يصيح..

ــ خلاص.. خلاااص خليني.. مابغاااكم.,,

اشرف تركه..

عادل راح بيتهم على طول.. ودخل..

واشرف كذلك...

ابو اشرف كان بيطلع انتبه لأشرف وحالته..

ــ ويش صااير ..؟؟ متشابق ويا مين.. وجهك مشمخ..؟؟

ــ لا بس سوء تفاهم بسيط مع واحد وانتهى على خير

ــ خير ان شالله ومين هالواحد..

ــ عادل .. مأذي بنات الفريق وملاحق فيهم صدته هون ياولد صار يصارخ مالك شغل فيني مد ايده واجبرني اشلخ عافيته

ــ هههههههه انا لله من هالعادلوه الله يكون بعون امه ماحد قادر عليه الا المرحوم حجي عباس ولا يشيخ بعد.. روح شوف عمرك كنك متشابق ويا قطو..

ابتسم اشرف ومشى عن ابوه وفي قلبه.

ــ يالله لو انفضح انا ويا المخلوقه بكبر الفريق وحنا ماسوينا شي والسبب هالنحيس عادلو... لااازم اتصررف... بس ويش اسوووي مو وقتتتتتتتته... افففففف...

عادل رجع بيتهم شدخ باب الطريق ولاسكره

امه قامت تركض.. وشافت حالته..

ــ ويش صاااااااااااير ؟؟؟؟؟؟

ــ مااااااااحبهم اناااااااا..

ــ منهم.. وويش فيك؟؟

ــ خليني بروووووووووحي..

ودخل غرفته شال كل الورق اللي مجمعنه بيكتب فيه وشققه ورماه والأقلام كسرها .. وانسدح على سريره حمقان ويصرخ..

ــ ولا اشتهيهم.. ولاااااااااا اطيييييييققهم

امه تحاول تهدي فيه وتفهم منه بس مافي فايده.. لين اخر شي خلته بروحه

هدأت حالته.. ونام...

تلفون بيت ابو علي يرن..

رفعته ريما..

ــ الوو..

ام مؤيد:

ــ قووه

ــ الله يقوويش..

ــ ويش حالكم.. وقرت الأعين..

ــ الله يحييش ويسلمش..

ــ وين امش ..

نادت ريما امها..

ليلى : ــ مين؟؟

ريما بسخريه:

ــ ماقلت ليها تراويني بطاقتها..

ــ ظرريفه لو تستظرفي...؟؟

ــ الأثنين.. تصوخي ياللقفه وبتعرفي..

ام علي في البدايه ماعرفت مين المتصله..

شوي:

ــ هلااا .. هلا وسهلا بأم مؤيد.. بشووفة نبيش ,.. حياش غناتي

ريما:

ــ هاا عرفتي...

رزان مهي متذكره:

ــ منو ام مؤيد مر علي هالأسم..

ليلى :

ــ اللي كنا نتسمع في بيتهم العشره الوسطيه..

ــ اهااا.. والله وفيها الخير

ــ ايه درت من ولدها هو الموصل علي..

ــ باين عليهم خوش عالم ناس اجوديين وطيبين.. عجبتني بنتهم ساره..

ليلى :

ــ ايه خوش بنيه..

ريما دخلت عرض:

ــ جميله بشكل... موطبيعي

ليلى : ــ هذا اللي يهمش..

ريما:

ــ ايه ويش يمشي في هالزمان غير الجمال..

ــ مالت

رزان:

ــ ههههههههههه وهي الصادقه..

ليلى :

ــ مالت عليهم...

ريما : ــ ويش فيش منقهره...ويش حارنش يبغو جمال لو غيره..

ــ بس كذا ناس فاضيه..

ريما:

ــ ايه والحين يتشرطو بعد مانبغى الا بيضا وشعرها ناعم..

ليلى بهداوه مقهوره:

ــ ويش قصدش ويا هالوجه... السمران كخه !! .<< ليلى سمراء..

رزان:

ــ افااا... والله ان السمر ياكلون العقل وحلوين ودمهم خفيف ولهم اللي يحبهم ويموت عليهم بعد

ليلى بأبتسامه:

ــ ههههههههه ايه ماعليه..

ــ هههههههههه قسم بالله بلاك ما تصدقين..!!

ريما:

ــ ماتصدق دي وكل طايحه لي بنخطب قبلها..

رزان:

ــ ياحليلها .. هذا وجهي اذا ما توفقت باللي يحبها ويسعدها ويموت عليها بعد

ليلى تلونت..

ــ استحو هااا..

رزان:

ــ ههههههههه فديت الـ يخجلوون..

ام علي جت ليهم..

ــ الليله بتجي ام مؤيد وبتها ساره ..

ليلى : ــ حياهم الله

ام علي:

ــ رزان ابقي ويانا الليله ..

ــ ان شالله خالتي على عبدالرحمن..

ريما: ــ لااا عبدالرحمن ناسي عمره ويا علي .. خليش ويانا بس..

رزان: ــ هههههه الله لا يحرمهم من بعض

ليلى : ــ يالله ياكريم...

تابع>>

[Princess]

وبعد اسبوع..

ابو مالك : ــ الحمدلله عالسلامه يالغاليه نورتي بيتش..

سوسن: ــ الله يسلمك.. منور بكم..

علا فوق تنتظر هشام يطلع حق بتنزل تسلم على سوسن..

سوسن قعدت عالكنبه وجت تريزا تتحمد ليها بالسلامه

وشوي سميره كانت لابسه عباتها بتطلع..

ــ هلا.. الحمدلله عالسلامه و قرت عينك ياخوي

سوسن:

ــ الله يسلمش .. << قالتها بعتب طول الأسبوع مازراتها في المستشفى ابدا..

ابو مالك:

ــ وين رايحه؟؟

سميرة: ــ مشوار...

ــ وين؟؟

ــ لوحده من صاحباتي..

ــ يعني... مين بيوديش..؟؟؟

ــ بتمر علي وحده ثانيه وبنروح جميع..

ــ مرتبين اموركم .. ولو ماكنت موجود بتطلعي كذا على طول؟؟؟

ــ ماعمري خذت اذن من احد ويش اللي بيتغير؟؟

ــ من اليوم كل شي بيتغير..

سميره مو عاجبنها الكلام مامداها بتعترض وبتهدر الا جوالها يرن .. صاحبتها وصلت..

سميره:

ــ عساه خير.. مع السلامه

وطلعت.,.

هشام::

ــ استاذن انا.. الحمدلله عالسلامه خيه وماتشوفي شر..

سوسن:

ــ وين بتروح؟؟

ــ عندي كذا شغله لازم اخلصها.. زين تطمنت عليش .. انتبهي لروحش..

ــ الله يعطيك العافيه..

ــ الله يعافيش .. مع السلامه.. مع السلامه ابو مالك

ابو مالك:

ــ الله يسلمك..

سوسن قامت بتركب فوق..

ابو مالك:

ــ لالالا ويش تركبي..!!

سوسن:

ــ اجل ويه..

ــ انتين تعبانه الحين ولازم كل مرتاحه..

ــ هههههههه عاد مو لهالدرجه..

ابو مالك:

ــ لهالدرجه ونص

ويحمل سوسن..

سوسن فتحت عيونها مختلعه..

ــ هههه ههه نزلني .. مو لازم..

ــ هههههههه مفكرتني شيبت .. بعدني قوي.. وانتين ياحلاتش خفيفه زي الريشه..

سوسن استحت:

ــ لااا مو قصدي .. ربي يعطيك الصحه والعافيه..بس مو ضروري نزلني..

ــ سكتي قريب نوصل..

علا عالدرج.. شافتهم واستحت..

سوسن يوم شافتها استحت زياده..

علا بأرتباك:

ــ الحمدلله عالسلامه غناتي..

ابو مالك ينزل سوسن..

اللي راحت لعلا وحضنتها ..

ــ الله يسلمش يالغاليه..

سوسن طيبه وحنونه.. ماحبت هالحركه من ابو مالك وزادت احراج لما شافت علا قدامهم.. ماحبت تجرح مشاعر علا ولا تحرجها مهما كان تظل مرت ابوها

سوسن بهداوه..

ــ ابو مالك.. باخلي تريزا تنقل اغراضي تحت يكون اريح لي واريح لك.

ابو مالك..

ــ ان شاااالله..اللي يريحش

علا ..: ــ ارتاحي غناتي اني باشوف تريزا وباعاونها..

ــ لا خلا ولاعدم منش..

وسوسن رايحه غرفتها.. تذكرت شي.. ودارت لعلا..

ــ الا صحيح.. نسسييييت......

الى الملتقى..

[Princess]

:) ولمن سألو عن النهايه..

ماقدر احدد متى وكم جزء باقي .. لأني حسب طوولهم وكمية الأحداث امشي مو على حسب العدد...

بس اقول ليكم
تراها قريبه
كم جزء وباودعكم في هالمتصفح..


اسالكم الدعاء
دمتم بخير
وبحفظ الرحمن

[*زهرة البنفسج*]

ياربي على عادلوه فظح البنت وفضح اشرف

ولا زعل بعد يحليله

يسلمو امور عللجدء الطويل والكشوخ

ربي يعطيك العافيه

ننتظر البقيه

موفقين

,,,

[المتحير]

يعطيك العافية عالبارت

[للدموع إحساس]

صبــــــــــــــــــــــــــــــــــــــــــــاح الخيراااات ،،
وااااااااااااااااااااااو الجزء جونآآآآآآآآآآآآآآآآآآآآآآآآآن ،،
أبدآآآآآآآآآآآآآع عاالأخر ،،
بس بصراحهـ كسر خاطري عادل ،،
أقول الغيرة بدت عند الشباب ،،
هشام و شرشف مو قاووويين الصبر أبد ،،
أتوقع أن أم مؤيد بتجي و بتتكلم في ليلى ،،
و يا ســــــــــــــــــــــــــلام أخيراً بتصير فرحهـ في بيت أبو علي ،،
و بعدين بياخذو سارة إلى علي بعد ،،
و عااااااشو دامت الأفراح عامرة في دياركم ،،
و تمسون على ألف خير ،،
أموووورة غلااااتي ،،
يعطيكـ ربي ألف ألف عااااافيهـ ،،
و سلمت يمينكـ ،،
خااالص التحااااياااا ،،
للدموع إحساس ،،

[Hussain.T]

الجزء ابدااااااااااااااااااااااااااااااااااع يا اميرة

بانتظار البارت القادم

تحياتي

[أميرة الشوق]

جزء كشوخ بس لو فيه علي صار أحلى
تشكري أمووور
وبإنتظار البارت الجاي