ضعنا يا صبرنا...

[دمعة على السطور]

ونحن بدورنا جاري الانتظار..
والجميع يقدر تعبك وظروفك..
بس لأن القصة تجنن ماشاء الله
عشان كذا متحمسين >> وانتي وش دخلش يالملقوفة..


الله يوفقك دوم يــــــــــــــــــــارب..

بالانتظار..

[المتحير]

بالانتظااااااااااااااااااااار

[الــــنـــاري]

والله امس مانمت الا 3 ساعات متقطعة
وبعدين قعت رحت الدمام وماجيت الا مع اذا الظهر
قت اشوي وصليت ونمت
وقعت المغرب والحين بنام اعناد
<< لاني مريض اصلا
ادعو ليي يروح المرض قبل لايكمل سيطرته
لاني اذا مرضت امرض عن جد او بلاش منها
يعني تمرني سنة مامرض عادي بس اذا مرضت تجنين سنة مابرى
الحمد الله على النعمة
وسمحو ليي على الهدرة
بقوم انام ولي مو عاجب لايصوم بكرى

[براءة طفله]

اخوي الناري ماتشوف شر

الله يشافيك بحق هالشهر


خيوووووه نحنا في الانتظااااااااااار

[فاطمة المعصومة]

شكرا على الجزء الروعة
والله ليلى تعور القلب
وتقبلي مروري
تحياتـــــــــــــــــــــي
فاطمة المعصومة
soso

[Princess]

مرحبا
تسلمو والله لا يخليني منكم ومن تواجدكم الجميل
نورتوني .. وان شالله دوم..
ربي يعافيكم.. ويحفظكم..

سلامتك خيو الناري ما تشوف شر..
الظاهر زيي مرضتك شايده ويمرض البيت كله وياك

الا كل ماهو آت قريب..
ولكل ما في الأرض من حيٍ نصيب ..!!

تفضلو الجديد..

[Princess]

الحلقة 31

بعد الأنتهاء من المجلس في فاتحة حجي عباس..
ام جاسم : ــ عظم الله اجرش ...
ام عادل : ــ اجرنا و اجرش..
ام علي : ــ الله يعوض عليش غناتي .. ويخلي لش عادل ان شالله..
ام عادل: ــ يالله ويفرج عن علي بقرب وقت..

حريم على جنب يتساسرو..
ــ تتوقعي كم ورثت الحين منه.. ؟؟
ــ مادري بس يقولو خير واايد.. والله عوض عليها وفكها من هالبخيل
ــ لا حول الله.. نذكر محاسن الموتى احسن..
ــ استغفر الله ليش عنده حسنات..؟؟
ــ ماعلينا من احد..

شوي الا بدخلة عادلوه ليهم يناقز على جنب ويصفق ومستانس..
ــ عباسسسسو مات.. عباااسسسو ماااات ..
الحريم اختلعو منه.. واللي قامت تتغطى.. واللي صارت تهدر ..
و انا لله,,امه مهي عارفه ويش تسوي..
قامت له مسكته وسحبته برى..
وهو يصرخ ويضحك:
ــ ماااااااااااات.. ما بيطققققني الحييين احدددددددد...
اجبرهم عادل يبتسمو ..
عباس مات.. فعلا مات.. ليش من متى كان حي؟!
ام عادل تحبس عادل في غرفته.. وهو يناطح في الباب..
ــ اففففففففتحييييييييييه بااااااشللللللللخه ترررررررى..
ــ فضحتني .. استح عيب .. احنا في عزا عمك..
ــ عممممممممت عيييينه ..
ام عادل شاتت الباب : ــ بعد تعرف ترد .. هين بس يروحو الناس اراويك..
ــ تششششششيه؟؟ عللللمش عباااسسسو الطققق.. اهووووو بس ..

تركته امه..
صار يحوم في غرفته... طلع التيل من مخباه.. وقعد قبال الباب وصار يرميهم عليه..
ومع كل شدخه للتيله يتفجر ضحك.. ويقول .. عباسو مات..

مافي عزا للرجال.. مافي احد يعزوه على شان فقد عباس..
عباس ماله علاقه في احد من يوم يومه.. كل علاقاته مصالح..
غير ان اهله ساكنين في فريق ثاني ’’ من سنين خبره فيهم لدرجة انهم ما يدلو بيته...
ما يبغى احد من اهله يحتك فيه.. خايف على حلاله..
ما يستغربو منه الناس الا في اصراره على الخلف... ويش خلف وهذا حاله..؟!!
قليل اصل مع اهله .. بخيل على مرته و الناس ...!!

في الزراعه ابو ناصر وابو اشرف.. يسولفو عن حجي عباس ..
وابو جاسم قاعد يحوس في الزراعه..
ابو ناصر:
ــ ايييه.. كنه توه امس ويانا بالزراعه و يتعيلف في حجي عبدالرحيم..

ابو اشرف : ــ الله يرحمه ويحسن اليه.. انا لله الله يخفف عنه كل عذاب ويغفر له كل ذنب..
المرجع لله.. قول على هالثروه اللي عنده .... قول سوى له مشروع خيري.. بنى مسجد حسينيه.. أي شي ... ابدا.. ولاااا شي ينذكر به.. شان خلف ماميش ... عمل صالح ذخر له بعد ماميش..

ابو ناصر بأستياء: ــ خلني ساكت بس .. قال ويه مسجد وحسينيه... كنك ما تعرفه..
ــ رحمة الله عليه.. مال البخيل ياكله العيار.. ويش الحين مين اللي ورثه.. غير مرته الله يعوضعليها.. وولدها الله يغير حاله..
ــ عليهم بالعافيه.. صبرت مرته.. صبرت وايد ونالت.. الله يغفر له ويوسع عليه في قبره..
ــ يارب ياكريم...
ــ الا ويش سبب موتته بالضبط..؟؟
ــ خسر فلوسه كلها في صناديق التأمين.. طاح السوق في الحظيظ .. وطارت فلوسه.. جته سكتهاللهم ادفع البلا .. وراح..
ــ يادفع البلا .. يالله ترحمنا برحمتك..

ابو جاسم..
ــ يبغى لي اوفي ديني له.. لأم عادل.. انا لله وانا اليه راجعون..

بعد كم يوم...
ابو علي .. في صالتهم..
ريما حاطه الكتاب على رجولها.. هذا ثاني اسبوع اختبارات..
وقاعده تشخط بالقلم رايحه جايه على هذا السطر اللي لو الود وده سطرها من كثر التسطر.. والتأفف عندها زايد..

ابو علي :
ــ حق ويه ما تذاكري في غرفتكم..؟!
ــ ليلو مقابلها ما يسر ولا يفتح النفس..
ــ يالله .. تأدبي عن اختش.. فيها اللي مكفيها..
ــ اهوو.. الحزن في القلب .. يوم يومين.. مو كذا.. ما شغلتها الا صياح.. تفتح الدفتر اللي منعنده تقرا شوي وتقعد تحن وتصيح.. تعبت اني .. ما ينطاق الوضع..
ــ طقوش ورضرضووش .. ابدا مافيش احساس.. من زين المذاكره عاد.. يللا .. سكتي بسالشرهه علي يوم اكلمش..

ريما عيونها صارت حمرا شوي بتصيح.:
ــ ماعندي احساس.. ايه زين مابغاه الأحساس..
ابو علي يشدخ بالعكازه في الأرض:
ــ قومي قام صلبش من طويلة لسان قشراا.. يللا فارقي ...
ــ زييييييين...

دخلت غرفتهم وصفقت الباب.. ليلى ابدا هدووء ولا كنها تسمعها...
ابو علي :
ــ انصفق راسش..
ام علي طلعت من المطبخ:
ــ ويش صااير؟؟
ابو علي :
ــ بتش المنتحسه ويش صاير بعد..
ــ ايه.. الله يهديها..

في بيت ام مؤيد...
مؤيد: ــ اماه.. تتذكري صديقي علي ايام الدراسه.. اللي كل تمدحي فيه وتقولي خوش رجال شايل اهله و يعتمد عليه..
ــ ايه .. رحم الله ايامه.. من زمان ماشوفك تسولف عنه.. !!
ــ آآخ يا يمه.. الزمن والأشغال ما تقصر.. ما شوفه صرت وايد وهو رواه حمل ومسؤوليه وانا التهيت في همي فتره.. الله المعين..
ــ الله المعين.. ويش احواله؟؟
ــ انا الحين ذكرته لش ابغى اعرف احواله؟؟
ــ ويش تقول ياولدي ماني فاهمه عليك!!
ــ سمعت انه مسجون .. ابغى ازور اهله واعرف سالفته.. بس متحرج اروح لحالي خصوصا انمن زمان ماشفته..
ــ يعني ويه.. تبغاني اروح وياك؟؟!!
مؤيد بأبتسامه مرتبكه..:
ــ ايه... ماعليش امر..
ام مؤيد متردده:
ــ مادري .. ولا عمري شفت امه ولا اعرفها.. مادري ياولدي...
ساره دخلت عليهم..
ام مؤيد:
ــ هلا امي.. ويش حالش اليوم..
ابتسمت:
ــ الحمدلله ...
قعدت جنب امها..
مؤيد بلهجة ترجي..: ــ ها اماه.. بترووحي وياي لو ويش ..؟؟
ساره: ــ وينا؟
ام مؤيد تعلم ساره بالموضوع..
ساره: ــ اييييييه اخو البنيه اللي درست وياي في ثانوي.. ليلى اتوقع اسمها اذا ما خانتني الذاكره..
مؤيد : ــ ايه ليلى..
ام مؤيد: ــ و انت ويش دراك..؟؟
ــ من عادلوه اللي علمني بالموضوع و طراها..
ساره : ــ وي وي .. لا تطريه لي..
ام مؤيد : ــ طراها في ويييييش..!!! هذا عادلوه بنات العالم نصهم يعرفهم.. عسى ما فضح البنيه في شي بس..
ساره : ــ ويلي على روووحي .. الحين بيوصفني للعالم كلهم..
مؤيد : ــ يخسي .. خله بس يفكر يسويها .. لأقص لسانه.. ولاعطيته فرصه يتكلم عن البنيه...
ساره : ــ اذكرها ليلى كانت خوش بنيه هادئه و طيبه وحبوبه.. الله يكون بعونهم اذا صحيح اخوهم مسجون....
مؤيد: ــ مو هذا اللي ابغى اعرفه....
ساره : ــ روحي اماه..
ام مؤيد: ــ استحي بلا موعد ولا شي..
مؤيد : ــ يللا امااه ما بنطول دقايق بس...
ــ ممم زين ماعليه.. باجر العصر ان شالله..
مؤيد يبوس راس امه:
ــ تسلمي لي يا احلى ام في الدنيا..
ــ هههههههههه ويلي منك ومن سوالفك..

تابع>>

[Princess]

الساعه 8 في الليل .. المطر يطيح..
سجاد عند النافذه قاعد على كرسيه.. مسك برواز النافذه.. حاول يوقف ,,,

امل جايه له بتناديه للعشا.. شافته يحاول .. وقفت تطالع فيه عن بعد..
كان شاد على روحه باقصى حد..

ارتفع شوي .. و سيقانه وذراعينه يرتعشو...

وقف لثواني.. ماتحمل رمى نفسه... على كرسيه..
وغطى وجهه بكفينه..
جت له امل تركض..
حضنته .. ومسحت دموعه... ضمت خدوده بكفينها.... باست جبينه:
ــ امي .. انت حاولت وقدرت توقف شوي.. صدقني .. بجي يوم وبتمشي فيه...
سجاد ابتسم ..
حسين :
ــ ويش تسووووووووو....
امل بفرحه:
ــ سجاد.. سجاد حاول يوقف وسواها..
ــ اوووووه ما شالله.. ولدي بطل .. قدها وقدووود...

سجاد مو عارف يعبر عن شعوره.. مكتفي بأبتسامه تطغى عليها الدموع..

صندقة حميد.. تخر .. والماي عبى الدنيا عنده...
حاط الزقاره في بوزه.. ويشفط الدخان.. و شارد ذهنه..
ومع كل سعله يحس شبدته خلاص تفتت..

الا باب الصندقه ينفتح..
حميد شال الزقاره من بوزه وببرود..
ــ و انت هذي سالفتك.. هالصندقه مهي ملجأ لك.. فارقني..
جاسم ماسك في ايده ملف بلاستك...

ووقف قدام حميد..
حميد رمى الزقاره .. وبعصبيه:
ــ خير .. ويش عندك؟؟؟
جاسم طلع شهادة الميلاد..
ــ الأسم.. امجد عبدالكريم آل .... .. اسم الأم...
ــ بس .. بس خلاص .. ويش تبغى انت؟؟ ويش غرضك؟؟
ــ غرضي واضح وتعرفه... مين انت.. بالضبط؟؟
ــ هالموضوع مسكرنه انا.. مو شغلك .. ولا تتدخل..
ــ بتقول لا قسم بالله.. ما بيحصل لك خير..
ــ الله عاد ويش بتسوي خوفتني..
جاسم ببرود يتمشى رايح جاي .. وماسك الشهاده يهوي بها على نفسه:
ــ اممممممم ,, ويش باسوي .. ويش باسوي.. اقلها يا الحبيب..
باروح اقدم بلاغ عليك.. انكمزور شهادة ميلاد..
وهذي فيها قضيه ترى.. وبتروح في ستين داهيه..
وكاااااااان نفذت من قضية السرقه.. ما بتنفذ من قضية التزوير..
ــ والله ماتسويها الا ابلغ عنك انت بعد واوديك وياي بالستين داهيه..
ــ بلغ حبيبي بلغ..
ويطلع نسخه من بطاقة الأحوال تبع الذيب..
من الملف ويصير يقرأ الأسم..
ــ طبعا هذا الأسم ..ما تعرفه...
ويعطيها اياه..
ــ هههههههههه تأمل بس في هالوجه

حميد مسك الورقه وصار يقراها وهو يتنافض ..
ــ من .. من وووين لك... كيفا جبتها...
جاسم صار يضحك من قلب...
وطلع من الملف البطاقة الأصليه..
ــ نسخت هذي .. بعد من وين جبتها؟؟
حميد فتح عيونه :
ــ لااااااا.. منت هين ياجااسموووووو.. منت هين...
ــ هذي البدايه وياكم.. والجاي اكثر..
ــ تراك تلعب بالنار..
ــ خلني العب دامكم حطبها..
ــ جاسم اعقل و اقصر الشر..
ــ ما بقصره .. واعترف..
حميد خلاص .. حس نفسه منهار.. ومهو قادر يداري اكثر..
شد على الورقه ما بين اياديه..
وبهمس تعبان..
ــ طيب .. بعترف..

قعد جاسم على باب الصندقه.. وبدأ حميد حكايته.. من اول ما توفى المرحوم ابوه....


على فراش ابيض... اعتلتني حمى شديده... وددت حينها ان اكون بينكم..
اذكر ايامكِ حبيبتي.. واذكر مداراتكِ لي .. مع اقل عطسة .. و ابسط خدش..
اذكر كأس الليمون.. كالأطفال ابتهج حين قدومه.. واذكر ضمادات الجروح يا بلسم جروحي..
هنا في الغربة لوحدي.. ارتجي طيفك .. ليمسح بحنانه المي .. اشتاقكِ

سالت دمعه على الصفحه.. سيلت الحبر...
سكرت ليلى الدفتر.. حطته تحت مخدتها وانسدحت..
ريما :
ــ انا لله .. بدينا..
ليلى مطنشتنها بالأحرى ما تسمعها..
وفي بالها تجر الحسره..
ــ آآآخ يالغالي.. قاسيت الغربه وعانيت.. الله يرحمك..
ريما رمت الكتاب .. وقامت طفت الليت .. بتنام..

..

في بيت ابو مالك...
سوسن ..
ــ تعبانه حدي..
ابو مالك..
ــ سلامات غناتي.. ويش فيش؟؟
ــ مادري ويش فيني .. كل داير راسي..
ــ داير راسش ؟؟ من متى!!
ــ صار لي فتره.. وشبدي لايعه.. شاكه في روحي..
ابو مالك ابتسم..:
ــ ياارب يثبت الشك..
سوسن:
ــ حرام عليك.. بعدني عروس..
ــ هههههههههههه صحيح تتدلعو وايد.. بتكملي السنه هذا اذا ما كملت .. يللا انتهى وقت الدلاعه وجاء وقت الجد..
ــ افااا...
ــ هههههههههههه فديتش .. تتدلعي على ابو مالك في أي وقت..
سوسن ابتسمت..
ــ تتوقع لو صحيح.. والله رزقنا.. ويش باسمي..
ــ مممممم ما في بالش اسم..
ــ صراحه.. عاجبني اسم امجاد اذا بنيه.. و امجد اذا صبي..

ابو مالك انعقدت حواجبه..
ــ امجد.. لالا.. مو حليو.. امجاد ماعليه اذا بنيه..
سوسن : ــ ويش تفرق .. امجد مشتق من امجاد..
ــ لا .. ماحب هالأسم.. بلاه..
ــ زين براحتك .. الله يكتب اللي فيه الخير..

تابع<<

[Princess]

علا .. في غرفتها.. ظلمه ومشعله ليها شمعه.. حاطه ليها عزا.. وقاعده تفكر .. في علاقتها ويا سوسن... شلون كانت وكيف صارت.. و في ليلى اللي من زمان ما كلمتها...
تمنت لو عند ليلى جوال عالأقل ما تتحرج تكلمها في أي وقت.. وفي بالها نفسها تاخذ ليها بس تخاف تفهمها ليلى غلط وتصير مشاكل وهي مابغت تتعدل الأوضاع بينهم..

وشوي صارت تفكر ويش ممكن يصير في تاريخ 23 ... ومتحمسه لهاليوم..
طفت الشمعه.. و نامت..

عادل على باب بيتهم قاعد الساعه 12 الفجر..
ــ قدددد كككااان عننددددي بلبلووووون... حللللو طوووويل الذنننب .. اسكنتتته في غرررفتي ..في قفصصص من دههههب... هههههههههههه دهب.. دههههب ويييه.. وييييا عباااسسسسوحددددي رااانققووول..
ويضرب جبهته ويضحك..
ــ اه.. ههههههههههههه عباااسسسوو ماااات...
ام عادل فتحت الباب..
ــ عادل.. عادل..
عادل عاطنها اذون الصمخه..
وتمسكه من كلر ثوبه من ورى.. وتسحبه..
ويصرخ..
ــ آآآآآآآآآآآآآآآآآآآآآآآع .. آآع .. اع اع.... فطسسسسسسسسسست...
ويرفس وهي تحاول فيه يدخل...
لين دخل ..

ــ باااناااااااااام ويييييييييياااااااااااش..
امه محمقه:
ــ لا .. تنام في دارك.. استح على وجهك رجال انت..
ــ ماااااااات عببباااسسسو الحين مييين يناااام وييياااش في السرررير..
ــ ياربي ارحمني برحمتك.. روح غسل رجولك ويللا دارك..
ــ تنوووسي تناااامي لحاااالش..!!
ــ ايه انوس .. هذا انت ما تخاف لحالك ليش بس انت اللي ماتخاف؟
ــ كبيرررررررر عليش السريررر لحالش..
ــ اللهم طولش ياااااااااااروح .. عاااااااااادلووه..
ــ هاا.. هاا.. خلاصصص خلاصصص..

ابو جاسم كل شوي يكح ويهتز السرير..
ــ كحححح.. احححححححااا..
ام جاسم تتحمق..
ــ لا بالله غمضت عيونا الليله.
ــ عن التعيلف يا مره..

هدوء شوي زين.. ما يمديها عيون ام جاسم تغفو..
ــ كححححح كحاااااااااا..
ام جاسم طفرت.
ــ بسم الله على عمري .. ويلي.. من هالقدو ...
ــ كح كححح ... فكينا.. سدي ادونش..
ــ السرير يهتز من كحتك..
ــ اه.. والآآآآآآآآآآآآآخيرررررررر.. قلت عن التعيلف.. ويش اسوي لش !!؟؟ اقسم السرير نصين !!

ام جاسم تشيل مخدتها..
ــ اووه.. اروح انام ويا بتي اريح لي..
وتقوم من السرير
ابو جاسم يمد رجوله .. لمحلها..
ــ كححح احححححااا توفررري محل...

راحت غرفة زينب.. لقتها مشغله الليت وقاعده تقرأ في روايه..
مسكت مخدتها..
ــ اففف..
زينب فتحت عيونها..
ــ وووويش صاااير؟؟؟
ــ ابوش اذاني..
ــ تشابقتووو؟؟
ــ ليش يمر يوم ما نتشابق..
ــ طررردش؟؟
ــ لاااا.. طردت روحي.. ازعجني بكحته..
ــ ههههههههههه يعني.. حياش تعالي .. طفي الليت وياش...

حميد..
ــ عرفت الحين السالفه...
جاسم هدوووء....
حميد بصوت متكسر .. وشوي بدى يصيح..
ــ تعبان انا.. وماحد يرحم في هالدنيا.. الاقيها من وين لو وين..
جاسم شد على عمره وحاول يداري حزنه على سالفة حميد..
وبنبره هاديه وكلها قسوه..
ــ مايفيدك.. لا تتمسكن..
ــ جاسم تكفى خليني في حالي .. وربي الي فيني مكفيني..
ــ اقول... آخر كلام لي وما في غيره..
ــ ويش بعد..؟؟
ــ لازم نسلم نفسنا...
ــ هااااا........!!!!

الى الملتقى..

[آخر شقآوهـ ..~]

حيــــــــــو..<---- الأخت نعسآنه ومخرفه
وأخيـــراً أفتكينآ من الجلف هدآ ..
ألحين عآدلوهـ بيستجن زيآده عشآن عبآسوه مآت مآحد بيشلخه ولآ أحد بفلع عيونه بالبتري <---- هآع كبريآء تخيلي الموقف
أني أتوقع حميد وجسوم بيسلمو نفسهم لآنهم تعبو من تأنيب الضمير
تسلمين أمووورتي ع الجزء الرووعه
يعطيك ربي ألف عآفيه
تحياتي
ضحكوه البطه

[عوامية صفوانية]

يا زين هالبارت رووووووعة بجد وتسلمي يا الغلا أمورره


عاااد زين هالمره ما اتأخرت في هالبارت


عدووووووووله يضحك هههههه على عباسسووووه انه مات ( الله يرحمه ) افتك منه
وامه المسكينه اللي ابتلشت به بزياده

وان شاء الله سجاد يمشي عن قريب والله افرحت له

وليلى بس وااايد عليها اصياح ( يبى لأم علي اتغبي عنها الدفتر خخخخ اخرب عليها ههه بس الصراحة مسكينة

ولا الاخت سارة توصف ليلى بعد لأخوها مؤيد مو كفايه عااادل هع هع

وعلووووي ( علا ) طلعت حامل صح هااا

وحميد وجاسم ان شاء الله يعترفوا ويطلع علي من السجن بس وااايد عليه ابرووا ذمته

واما تعيلف ام جاسم وايااا ابو جاسم لا صار ولا استوى ههههه خوش تعيلف

وأغنية عاااادل الي فيها عن بلبووولون ههه وقفص من دهب بعد ههههه
موتتني من الضحك ههههه روعة يبلي احفظها ( ما تنعطى وجه هالبنت ههههه )

لا عدمنا جهودك خيتو

وتسلمي والله يعطيش العافية

[اسير الهوى]

حريم على جنب يتساسرو..
ــ تتوقعي كم ورثت الحين منه.. ؟؟
ــ مادري بس يقولو خير واايد.. والله عوض عليها وفكها من هالبخيل
ــ لا حول الله.. نذكر محاسن الموتى احسن..
ــ استغفر الله ليش عنده حسنات..؟؟
ــ ماعلينا من احد..

هههههههه

ماعلينا من احد بعد ويش

حش في العالم

وبعد ين اللهم لم اقل شيئا او اللهم لم اسمع شيئا ههههههه


غفر الله لهم


ههههه


.........

يعطيك العافية اميرة

ويسعد ايامك

والله يكون بعونك

ويتقبل اعمال في الشهر الشريف

كوني بخير

[Habit Roman]

ههههههههههه كهكهكهكهكهكههك
جد البارت روعة تسلم إيدك الحلوة
اما عدوله ذا حكاية ثانية خخخخخ يبغى ليه حكاية لنفسه <<<<<<<<< اه مادري متى بس بيعقل هالولد
لا وكبير عليش السرير خخخ
وام جاسم وابو جاسم "هههههههههههههههههه" أجل يهتز السرير هههههههه
وسوسن حامل لحول ابو مالك اعجل ويصير عنده ولد خخخ يصير تحفة خخخ بدال مايكون حفيدة يكون ولده
وإن شاء الله حميد " امجد" وجسوم يسلمون نفسه حرام علشان يطلع علي

وننتظر جديدك خيوه
في الانتظار ................................. loading.......................
تحياتي العطرية والمحمدية لكِ

[الــــنـــاري]

وعلووووي ( علا ) طلعت حامل صح هااا

اختي عوامية صفانية الي حامل سوسن
مو علا << بعدها مايخطبها هشام ههه

بصراحة الجزء روعة
ولا عاد حشة اهل لول
يحشو وبعدين استغفر الله وكلمو الحشة ههه
مشكورة اميرة على الطرح الرائع
يعطيك العافية
>> تراني هونت مابمرض <<
تمنياتي لجيمع بالتوفيق

[كبرياء]

هههههههههههههههههههه آلله يغررربلك يآآ ضحكوووه جين جين جين .... << تعرف تهدد ..هـآآآع
ومـــــــآآت عـبآآآسوووه كشخه عدل عدل ..
بعد ليلى أذبحيهآ عـآد جآبت لينـآ المرض ههههههـآآي ..
أوومـآ من جد جزززء حلوو مرهـ ..
يسـلموو أميروه ..
بآنتظآر الجديد ..
لآعدمـ ..
كبريآء