ضعنا يا صبرنا...

[عوامية صفوانية]

يسلمو على البارت الرووووووووووعة

الصراحة زينب كلا مواقف في مواقف تذكرني بصديقتي خخخخخخخ

اي وزينب واشرف ( ومن الحب ما كسر الغرشه هههههه ) قلبت المثل = ومن الحب ما قتل = خخخ

واني شاكه في سومسن ترى من دخلت بيت ابو مالك ما دخلت مزاجي بسوي المشاكل والمصايب والنوايب خخخخ

وعادلوه ما طلع في هالبارت غريبه شفيت عليه

وليلى الله يساعدها على ما جاها والله تكسر الخاطر (( حرام عليش اموره بس واااايد عليهم مصايب )) هونيه وتهون


يسلمو اميره

[دمعة على السطور]

رووووووووووعة ترابط الأحداث روعة دائماً روعة..
كروعة صاحبة القصة.
أني احس إن سوسن ماتسوي شي غلط وهذا أخوها..>> بدأت المفتية في الهدرة..

صحيح كبرياااااااااااااء زينب ويش فيها نست عمرها
بتحب أشرف..
وعلي شكله بيصير من نصيب علا..
الله اعلم..
بطلع لااخرف واسبق الأحداث >>بعد ويش

بانتظار القادم إن شاء الله تعالى.
موفقة لكل خير إن شاء الله تعالى..
..دمتي بعين المولى الجليل..

[دمعة الاحزان]

اهلين امور
الحمد الله ع السلامه
ومبروك عليك الوظيفه ولاتنسي زي ماتفقنا اول راتب اوكيك
اما القصه مو رووعه ابد مو حلوة نهائي<<نغير الكلام كله ينعاد
هي صح صحيتنا اكثر من ضحكتنا بس
يقولك الي مايصيح قلبه قاسي
وكثرة الضحك تميت القلوب
فكذا احسن بعيد عن القسوة وبعيد عن موت القلوب كفايه هي ميته من الاحساس
تسلمي غنلتي وموفقه

[دموع الوحدة]

اموووووورة مرررررررة هالجزززء روووعه مررررة حليوووووو
وناااااااااسة عبوود ما مات<<هع هع خخخخخخخخ
وزينب مسكينة كسرت خاطري كل ماتشووف اشرف يصير ليها موقف يحرجها مسكينة
وليلى مرة كسرت خاطري ياعمري تعوووور القلب الله يعينها ويصبرها
المصايب تحل عليها من كل جهه الله يعوضها ان شاء الله باللي احسن منه ويطلع علي من السجن<<سوت القصة حقيقة ههههههههههههههههه

طولت بكلامي
صحيح مبرووووك على الوظيفة

ننتظر البارت الجديد على أحر من الجمر

تحياتي/دموع الوحدة

[المتحير]

روووووووووووووعة

انا اول ما شفت اسم الموضوع ما عجبني وقلت ما ادخله>>>>>>>الاعتراف بالحق فضيله

وبعدين عجبني وقريته كله ونحارس الجزء الجديد

وهالجزئ روووووووووووووووووووووعة وامبا اسئل سؤال:القصةحقيقة لو خيالية

[Princess]

مرحبا
تسلمو لي والله والله يعافيكم ويبارك فيكم..
ولاااا يهمش دموعه من عنوووناتي..
يعجبني تفاعلكم ويشجعني دوم اعطيكم ولا ابخل عليكم
لأنكم ما تضيعو تعبي ..
تعجبني تخميناتكم.. اللي مره تصيب ومرات تخيب .. تحسسوني كأنكم عايشين في خيالي وتشاركوني مع الأبطال الحكايه ..
احتمال تصير اكثر من 30 جزء حسب الأحداث وترتيبها مابغى تتسارع الأحداث على وتيره مفاجأه وتخترب النهايه اللي في بالي ...

المتحير .. ياهلا فيك خيو... تعجبني صراحتك تسلم ومن ذوقك..
القصه خياليه مع اقتباس بعض الأحداث من حقيقه كمثال .. السجن مع الظلم... هذا واقع...بس الشخصيه ماكانت هذا حالها.. ومافي وجود لعبدالرحمن اللي استشيع و صار صديق وفي ...
التناقض بين الأخوات ريما و ليلى هذا واقع.. بس ما كان الكلام والأحداث كذا...

يعني تقدر تقول ..
اخذت الأحداث الحقيقيه كرؤووس اقلام مع التتغيير الكامل في الحوار و السيناريو ....

انتظروني الليله بأذن الله..
راح اغير النظام..
فقط ليلة الخميس مافي جزء
وباقي الأيام فيه..
الله يقدرني اخلصها معاكم بما يرضيكم..

دمتم بخير
وبحفظ الرحمن

[الــــنـــاري]

زين خلي لينا ليلى جيبي فيها دعاية >> mbc
هههههههههههه
ولا تتسرعي في طرح القصة عشان تجي النهاية Vري Gود
والله يوفقك لكل خير
وتتحقق كل احلامك
تمنياتي لك بالتوفيق
دمتي بحفظ الباري

[سفيرة الاحلام]

روعه الجزء كثير

تسلمي

لاتطولي علينا اميره

لاهنتي على القصه الحلوه مثلك

[دمعة على السطور]

هيه
بانتظار الليلة هيييييييييييه
موفقة لكل خير حبيبتي..
..دمتي بعين المولى الجليل..

[الــــنـــاري]

الساعة كم تنعرض الحلقة&+&
<< الظاهر في تلفزيون لازم في نفس الوقت كل يوم
>> خيتو اذا عندك وقت محدد للكتابة او لطرح قوليه لينا زين
انا تعبان وبقرأ جزء اليوم بشار الصبح
فمان الله خية
بيت المعمور
سلامة وسلم

[Hussain.T]

لا تفوتني الحلقة

الانتن تبعي يوشوش

ومو راضي يصطلح

متى الاعادة

دقيقة المسلسل ينعرض على قناة السعودية الاولى؟؟لانها الوحيدة اللي طالعه

بنتظار الحلقة

تحياتي

[المتحير]

يلا اميرة الاعضاء ويا الزوار ينتظرو يلا متشوق عالجزء بسررررررررررررررررررعة

[المتحير]

يلا اميرة

[Princess]

مرحبا
ههههههههههههه ياربي النعسانين المرات الجايه لا ينتظرو شي .. ينامو لاحقين على الجزء مابيطير..
والله اني الأخرى تعبانه ونعسانه بس دام بكره اوف لازم اكتب ليكم شي ..
ومن عيوني واسمحو لي عالتأخير
بس هذي ظروفي

تفضلو الجديد..

[Princess]

الحلقة 25

هلي الدمع ياعين صبح ومسيه..
بانت ليالي حسين .. و أعظم رزيه. عـاشور و أهواله .. من أول هلاله هِلي الدمع يا عين .. صبح و مسيه.

وهل هلال محرم... هل بالحسرات.. والآلام... ليلى حاطه القصيده تسمعها.. الا بدخلة ريما الغرفه شادخه الكتاب على جنب وراميه روحها على السرير .. وحد ماعندها :
ــ افففففففففففف يلعن ابو النحو..
ــ بدينا.. هذا اول يوم,, حق ويه ما ذاكرتي من البدايه ..؟؟
ــ مسوا شايفه الأوضاع تشجع..
ــ استغفر الله ربي والله الأوضاع مهي حجه
ــ اهووو الله عاد والنسبه اللي باجيبها .. فكينا ,, زاده جبتيها و دخلتي الجامعه والحين موظفه..
ــ اسكت عنش احسن لي..
ــ يكووون احسن..
وطفت ريما المسجل..
ليلى حمقت : ــلووووويه طفيتيه؟؟
ــ راسي يعورني وبانام .. قاعده من الصبح اني..
ــ صليتي الظهر حق بتنامي..!!
ــ اذا قعدت
ليلى بتطلع من الغرفه:ــ ايه هين.. الله يهديش..
ريما تتغطى بالشرشف :
ــ الله يهدي الجميع..طفي الليت وسكري الباب وراش..
ــ ان شالله عمه..
وطلعت ليلى من الغرفه... قعدت ويا ابوها شوي..
ابو علي : ــ ليلى ..
ــ هلا..
ــ ويش فيش يابتي ؟؟
ــ مافيني شي ..
ــ هدووء لا تسولفي ولا شي من زمان على هالحس وحشنا..
ابتسمت : ــ ربي لا يحرمني منكم ان شالله... الحين بدت محاضرة السيد الفالي احطها ونتابعها سوا تغنينا عن كل السوالف..
ــ أي والله يابتي تسوي خير..

حطتها ليلى وقعدو يتابعو..



ام مؤيد: ــ سليمه تصكه هالقطو..<< تقصد توم..
جود : ــ سليمه تصك الفار هو النحيس ...
ساره دخلت عليهم : ــ سليمه تصك بليس .. وين الريموت ؟؟

ام حسين: ــ ماشتهي القطاوه .. زين يسوي فيه لكن ..
جود تخشه تحت ثيابها ...
ساره انتبهت عليها :
ــ يااااربي جووود التلفزيون مو بس كراتين الحين محرم نبغى نشوف محاضرات نتابع برامج هالشهر لا تعوري راسنا..
ــ ماني ماني .. ابغى توم وجيري
ام مؤيد : ــ أي والله اني ماعرف لهالتلفزيون ولا اعرف اغير قنواته.. هالنحوس الطشونه احسن مني جابت رقم فيَيع تون ,, حقهم دي وبسطت..
ساره : ــ اهوو جودوه جيبي الريموت..
ــ ماني ماااني ..
ــ تالي تروحي النار .. الحين يشوفو العزا شهر محرم .. ما يحبش الحسين عليهالسلام بعدين..
جود خافت : ــ لالا اني احبه ابغاه يحبني..
ــ جيبي الريموت اجل ..
ــ هااش ....

ساره : ــ ما بتتسمعي اماه العصر ؟؟
ــ ايه شوي وباروح .. بتروحي وياي؟؟
ــ لا .. سموعة حريم ماروح اني.. الليل باروح محاضرة الشيخ ...
ــ علي ياعلي ولا بتغيري رايش..
ــ اهوو استغفر الله بتخليني ارتكب ذنوب.. ام عبدالتواب ماحسها تعرف تقرا.. تكفخولا افهم شي .. اهم شي في السموعه الواحد يفهم حق يتفاعل .. كل اللي يتسمعو ليهاضبعان.. تقرا كلمتين من الكتاب و الباقي مافهمه..

ــ استغفر الله ربي دي اللي بتخسف بنا خدامين الحسين ما يسخرو عليهم ,, اجل اني بعض كلام الشيخ مافهم له ولا ادري ويش يعني..
ــ وربي مو قصدي اسخر وعليها بالعافيه .. بس ماحب اني ولا افهم لا تحاوليفيني..و بالعكس ويش فيها المحاضرات .. .. الشباب..المتحضرين ..
ــ ايه خلف الله عالضبعان المتخلفين..
ساره تلصق في امها وتدفها بمزح : ــ يللا عاد امااااه مو هذا القصد ..
ام مؤيد تسوي روحها زعلانه ,,
ساره : ــ الحلووه زعلاااانه.. الحلووه زعلاااانه
جود : ــ حرام يغنو في محررررررم..
ساره : ــ هههههههه دخيل الفهيمين اني ..


عادل لابس الطاقيه السودا.. وثوب اسود صوف ورايح ركض للحسينيه اول سنه يحضر فيها بألحاح من امه شان الله يهديه ويغير حاله..
كان يخاف ولا يدري ويش يصير .. علمته وصارت تفهم فيه قد ما تقدر ...
والسنه صار اول الحاضرين .. وقعد قدام وتسند خوش مكان...

شوي امتلت الحسينيه ..
قومو عادل في البدايه على شان رجال شايب.. عادل قبل هالشي ..

شوي صارو يقومو ويقعدو فيه.. مسكين على حساب ما يفتهم .. ناس تحس ليها الأحقيه في صدارة المجلس.. لين وصل ورى .. شوي قوموه لياهل يقعد محله..في البدايه مارضى عادل يقوم.. بعدين شاف الكل عليه يلحو انه يقوم ...

وسمع ناس يتكلمو عليه بمنتهى الوقاحه ويقولو هذا ويش مجيبنه هالهبل مضايق علينا ,, وليش يفهم هو على شان يجي و و و...

عادل ما تحمل جت له الغبنه.. وطلع من الحسينيه وقف على بابها.. الا بجية اشرف ومعاه ناصر..
وكانو يسولفو عن مالك اللي بيسافر يوم ثاني الصباح استراليا..
اشرف : ــ قوه عادل..
عادل ما يرد ووجهه مبين عليه زعلان..
ــ عادل ويش فيك؟؟
صار يصيح..
ناصر : ــ ويش فيه دا؟؟
اشرف : ــ مادري علمي علمك!! عادل مين اذاك ؟؟ على ويه تصيح؟؟
ــ ممماااااييبغووني وياااهم.. كككل ممماااا قعدددت في محححل طررردووني..
اشرف مسك ايد عادل :
ــ سلام الله عالحسين.. امش ولا عليك من احد..
ودخل اشرف قعد هو وناصر وقعد عادل جنبهم..
اشرف : ــ اللي يكلمك بيشوف شغله..
عادل فرحان ويحس روحه ملك وحوله حراس ..

بدا الشيخ يلقي المحاضره...
ربع ساعه... عادل استمل ...وفصخ طاقيته وحطها في صبعه السبابه وصار يلوح بها..
ــ مررررووووحه..وززززززز
وتطير على وجه واحد من القاعدين..
اشرف فتح عيونه : ــ داويه عادلوه اعقل هااا..
عادل حط ايده على وجهه : ــ ززززين..
رجعو له الطاقيه .. لبسه اشرف :
ــ خلاص اركد واتسمع المحاضره..

تابع>>