ضعنا يا صبرنا...

[آسوآآر الآلــمـ]

سبحان الله كل ظالم له يوم

الله لايبلينا .. الله يعطيكـ العافية أختي

جزء مرة روعة عورت قلبي علا شكل مرت أبوهم بتأذيهم

موفقة أختي وننتظر الجديد ،،

[*زهرة البنفسج*]

امورة جزء روعه تسلمي عللطرح

مو قادرة ارد عليش ذكرتيني بشي بهللمرض الله يكفينا شره

موفقين لكل خير

[دمعة على السطور]

ماابغى حميد يموت باهالسهولة
ابغاه يلتقي ويا علي أول
ابغى اسمع نقاشه
تبريراته
كلامه
اشوف وش يقول له؟؟؟؟


وهذا أبو مالك رجع بعد هالعمر..ومتزوج
إنا لله...
لاوعلى شينه قواة عينه بعد..


روعة...مبدعة دائماً...
هي انتي غاليتي...
دمتي ودام الإبداع لكِ رفيقاً..
موفقة لكل خير إن شاء الله تعالى..
..دمتي بعين المولى الجليل..

[دمعة الاحزان]

مسكينه ام علي من شي لشي الله يعينها
وهالمحامي جعل صاعقه تنزل عليه وتدمرة طلع نذل وخبيث ومايستحي بعد باقهم وانحاش
وحميدوة التهاب كبدي جعله المحامي بس لايموت الحين خليه يتعذب
اتوقع مايموت الابعد مايعرف ابو مالك وجسوم يعرف سالفته وبياخذ حقوقه
وبيكلم علي وبتسامح منه واذا ماتغلب عليه الشيطان وهو وجسوم بيروحوا القسم وبيعترفوا
وبيتبرا علي
بس سين سؤال ليش امجد مدري حميد اذا عنده كل هالشهادات يعني يعرف ان اخوة ابو مالك ورجل اعمال
ليش ماحاول يرجع حقه او يحاول بدل البوق وتهم خلق الله بس ننتظر ونشوف شنو تجيب امور في حلقاتها الممتعه
ايه صح نسيت نقطه بالقصه قال انه مات وهو صغير يعني لو جاب وثائق ابو مالك ظالم
وقادر فبيطلع وثائق الوفاة<<كأنها قلبت الموضوع وعفست الدنيا وماخلت شي <<ماعليكم منها حابه تهربد مع نفسها شوي ولو كانت كتابه

عوافي عليك امور غناتي وموفقه

[ارجوان]

ياعلي ياعلي اميرة ويعلش السعادة وزيارة علي واولاده قولي امين <<< خوفتي البنية خخخخ حق واى بتموتي حميدوا عساه ماادري ويش لالاا خليه بس اشوي مثل مااقالت خيتو دمعة على السطور وياخذ حقه وحق ابو جاسم من ابو مالكوا >>>>>> ويش هالحقد على الرجال يستاهل لكن مصدق حاله هالعيوز وان شالله تطلع زوجتةخوش وحدة و تعوض علا حنان الام والصديقة لانها من سنهاااا

ومسكينه هالزينب لو انا منها ما طلعت وين شروف عنها<<<<مخرطش مااتطلعي
...جزءوااجد وااجد هلو خيتو تسلمى ايدك...
... تقبلي مروري على صفحتك وجاري الانتظار ...

[Hussain.T]

هالجزء روووعة

انتظر البارت القادم على احر من اليمر

تحياتي

[الجعفرية]

مشكورة غاليتي
روووووووووووووووووووعة يمكن الكلمة قليلة
تعجز حروفي عن التعبير
فلا يسعني إلا الدعاء لك بالتوفيق
ومبارك عليكم مولد الاطهار عليهم السلام
تحياتي: الجعفرية

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله

جزء أبداااااااااااااااع

تسلم الايادي أمووور

بالانتظار

سامحينا على التقصير بس هاليومين مشغولين

[دمعة على السطور]

بانتظار الجديد

موفقة حبيبتي..لكل خير إن شاء الله تعالى..
..دمتي بعين المولى الجليل..

[آخر شقآوهـ ..~]

يآآآآآآآآآي أجزاء روووعه تجنن
بس عفر ماتراكمت عليي واجد<<<هع بس عيوني راحت فيها
والله وناسه تتراكم عليي اجزاء هاع
تسلمين قلبي ع الاجزاء الكشووخيه
يعطيك ربي العافيه
تحياتو

[Princess]

مرحبا

والله احلى مشاعر احس فيها لما اقرى ردودكم وتعاليقكم
احسكم معاي تشاركوني اللحظه
و تقرو افكاري احيانات وايدات..
تسلمو لي والله من كل مكروه

ضحككككوووووووه بطيخووه هلا وغلا والله يتقبل غناتي .. << ماشبكت المسن اليوم كله ولا دريت بش ولا قالت لي ام الخونه كبرياؤوو..
نورت ياحلاها الناصره برجعتش.. قرة عين حبايبش والسنه وكل سنه..

.
.
.
مع الدنيا .. نظل نمشي..ولا ندري وش المكتوب..
شلون نترجى باكر .. وحنا متعلقين بماضينا..
نتقاسم همومنا ونتعب و نتسامر مَعْ حكي القلوب..
حكي.. يشتت الهوجاس و تتزايد به امانينا..

اليكم الجديد..

[Princess]

الحلقة العشرون..

جاسم يتأمل حميد... دموعه بدت تصب ... شوي صار ينحب..
مسك كف حميد وضغط عليها.. وصار يهمس بصوت مبحوح:
ــ يارب .. تقوم بالسلامه.. يارب تفرجها على ولد عمتي.. يارب ارحم حميد وادفع عنه البلا..

مالك رجع البيت.. حس في شي متغير...
استقبلته عمته:
ــ هلاااا.. هااا رجعت..
مالك يستظرف : ــ خخخخخ لا بعدني..
ــ عن الظرافه.. قرة عينك..
ابتسم مالك : ــ اوه اوه.. سلم الله عمررش .. انا قااايل البيت متغير فيه شي صاير.. وانتين بعد قرة عينش.. وينهو ابو الشباااب مانا شايفنه؟؟؟
ــ ههههههههههههه اما ابو الشباب .. ميه ميه.. نايم الحين..
ــ افا.. وين علا اجل؟؟
ــ في غرفتها اكي .. روح ليها وشوفها بس ..
ــ ليش ؟؟ ويش صاير؟؟
ــ بس تزاعلت ويا ابووك..
ــ بل .. توه وااصل .. على ويش تزاعلو؟؟
ــ روح ليها وهي تعلمك..
ــ خاااطري يوم تعطيني وجه هههههههههه مافي امل
سميره تداري ابتسامتها : ــ اهوو روح يللا عني..
ــ هههههههههه زين زين..

طق باب علا .. مره.. مرتين.. ثلاث..
ما ترد..
قرب بوزه من الباب..
ــ علا.. علووه.. افتحي .. جايب لش حاجه بتفرحش..
علا تمسح دموعها:
ــ ويش تبغى؟؟
ــ افتححححححي ما يصلح كذا..
ــ مالكوه .. تالي .. مالي خلق الحين..
ــ ياربي .. اقول لش شي بيفرررررحش افتحي لا اشلخ الباب..
ــ مافي شي يفرح بعد اللي سمعته..
ــ ويشو.. ويش سمعتي.؟؟؟. افتحي لا كف..

فتحت علا الباب.. دخل مالك لقاها حالتها حاله..

ــ ويش صاير..؟؟
بلا شعور ضمت علا اخوها وصارت تصيح...
مالك منصرع ويش فيها.. صار يهديها ..
ــ علا .. غناتي خوفتيني .. ويش فيه ابوي؟؟ وويش قايل لش؟؟
ــ تخيل.. عرس ..!!
مالك مندهش:
ــ هااا.. مين؟؟؟ ابووي؟؟
ــ ايه.. ووحده من جيلي اكبر مني بس بكم سنه..
ــ يالله ... صحيح عاد..
ــ والله .. وبجيبها تسكن ويانا..
ــ مستحييييييييل اقبل ..
ــ ويشو مستحيل.. نسيت انت كلها اسبوع بالكثير وبتروح استراليا.. وعمتي يمكن تروح وياك اسمعها تقول حق مشروعها اللي هناك مدري ويه... عاد كنها اذا ظلت باحس فيها..
ببقى اني و الهم.. مرته بقابلها..
مالك صار يهدي في اخته:
ــ ريحي بالش .. وكان علي أأجل انا هالكورس للسنه الجايه لاحق..
ــ لااااا ويش تأجل .. خلصه بس وافتك.. تتعطل على حسابي..
وتمسح علا دموعها وتبتسم..
ــ هااا ما قلت لي ويش الخبر اللي يفرح؟؟
ــ اووه.. ههههههههه نسيتيني بدموعش يقطع شرش وبهالخبر اللي يسد النفس.. خمنننني ويشوو؟؟
ــ ويشوو مافيني مخ والله
ــ ههههههههههه اما مافيش .. صدقتي.. قوطي..
ــ ههههههههههه مالكووه عن اللعانه..
ــ مكينة بيت ابو علي ...
علا ابتسمت حد ماعدنها وصفقت :
ــ اصطلحت خلاااص
ــ هههههههههههههه اييه..
ــ هييييييه.. ما شالله بالسرعه.. شقد متشوقه افرح هالبيت بأي شي اقدر عليه..

مالك يغمز ليها..
ــ اتصلي يللا .. ومشينا نوديها ليهم...

واتصلت علا لليلى وخبرتها...
ليلى فرحت وراحت لأهلها تبغى تطلعهم من جو الكآبه اللي هم فيه..
ــ اماااه المكينه استوت وبتجيبها علا بعد شوي..
ابو جاسم مستغرب:
ــ المكينه.. ليش وديتوها مصلح؟؟
زينب : ــ لا .. صديقة ليلى اخوها يعرف يصلح وصلحها وبيجيبوها..
ابو جاسم : ــ خير ان شالله..

ربع ساعه بالكثير وصلو مالك وعلا بيت ابو علي.. بنفس الوقت ابو جاسم و زينب قايمين بيرجعو البيت ..
ابو جاسم بيفتح الباب الا في وجهه علا ..
علا شهقت من الخلعه..
تنحت علا على جنب .. طلع ابو جاسم :
ــ يالله .. يالله..
زينب طلعت .. وسلمت على علا ...
مالك نزل من السياره بيطلع المكينه.. سلم على ابو جاسم...
مالك ابتسم : ــ كني شايفنك من قبل ؟؟
ابو جاسم عرفه وبدون شعور حس قلبه تغلي فيه نيران.. حاول يداري اللي فيه.. ابتسم ابتسامه صفرا : ــ عفر شفتني ... في مزرعة ابو ناصر
ــ اييييييه صح صح.. تذكرت..
ابو جاسم : ــ ويش عندك هنا؟؟
مالك مستغرب من سؤال ابو جاسم .. طلع المكينه من السياره:
ــ جايب دي..
ابو جاسم : ــ اهااا يعني انت اللي ماخذنها تصلحهااا
مالك ابتسم : ــ ايه..
وفي باله: ــ يازعم انا خخخخ..
ابو جاسم راح له:
ــ جيبها عنك جيبها..
مالك : ــ خلها عنك حجي ثقييله..
ــ جييييبها بس قال ثقيله قال.. شغل في هالأراضي لين قلنا بس ما استثقلنا شي ..
واخذها ابو جاسم.. ومالك مستغرب منه ..
ابو جاسم يكلم زينب.. : ــ افتحي الباب
ودخلها وهو يتحمق بهداوه ..
ــ مو قاصرنا الا انت ندخلك بيوتنا..
علا سمعته.. وهزت بدنها الجمله..

وتجرأت و سألت زينب: ــ ويش فيه ابوش علينا؟
زينب انحرجت : ــ هاا.. مادري .. هههه.. هو كل كذا ترى متحمق ..
علا طنشت الموضوع فرحانه بالمكينه وتبغى تفرح ام علي ..
مالك : ــ بتمشي .. لو بتدخلي؟؟ وانتظرش لو ويش؟؟
علا : ــ انتظرني بدخل دقيقه باسلم وبرجع..
ــ زين..
دخلت علا .... وظلت زينب واقفه برى.. الباب تسكر دخلة علا ... ومالك واقف فاتح باب السياره ومتكي عليه..
زينب مهي منتبهه لعمرها وتفكر في كلام ابوها لا يكون حز في نفس علا لو تقول لليلى الحين لو شي.... << مسكينه كل مفهيه هالبنيه..
مالك يطالع في البيوت وسرحان..

ابو جاسم يزحف زحيف بالمكينه .. يمشي وهو مفوشح رجوله.. ويصرخ وصوته مضغوط:
ــ خيييييه.. بطلي باب دارش ..بطليييه..
ام علي قامت تركض .. فتحت باب غرفة الخياطه..
حطها ابو جاسم .. وهو ينزلها .. طق ظهره:
ــ آآآآه ...آآه آآه ويلي ..
مسكه بيده وصار يدلك فيه:
ــ غربله الله غربال من ظهر اغبر..
ام علي خافت عليه: ــ ويش فيك ياخوي.. سلامتك.. حق ويه شايلنها عاااد .. ثقيله..
ابو جاسم بقهر يعض شفايفه من الألم:
ــ لا اجل اخلي ولد الذين يدخلها..
ــ أي ولد لذين؟؟
ــ ولد خالدو آل ..
ام علي حست على اخوها وعاذرتنه مو قادر ينسى الماضي:
ــ ياخوي ما يتجارمو بذنوب ابوهم.. والله ماشفنا من هالعلا واخوها الا كل خير...
ابو جاسم : ــ خير.. ايه .. عساه خير.. يللا مع السلامه..
ــ الله يسلمك..

تابع>>

[Princess]

علا ويا ريما وليلى في غرفتهم..
ليلى : ــ تسلمي والله مو عارفين شلون نرد ليكم جمايلكم..
علا : ــ حشا.. شدعوه لا تقولي كذا .. لا ازعل ترى..
ريما : ــ والله ما قصرتي ويانا .. خوش وقفه وقفتيها..
علا : ــ تستاهلو كل خير ...

ابو جاسم مفكر بته دخلت..وقف في الصاله ونادى.
ــ زينب .. زييييينب..
طلعت ريما من الغرفه :
ــ مهي هنا.. طلعت..
ــ يعني.. اجل اشوفكم على خير ,, و لا تفكرو وتحاتو .. تنحل ان شالله وتتدبر .. ريح بالك ابو علي .. وان شالله خير..
ابو علي :
ــ اييييييه .. الله كريم .. يسمع منك ان شالله..

ابو جاسم يحاول يفتح باب الحديد .. صاير ثقيل عليه من ظهره مره مأثر...
ويسحبه حد ما عنده .. وطرااخ يصفق الجدار..
وتتصروع زينب وتشهق شهقه..
ومالك ينتبه من سرحانه ويطفر.. وبلا شعوور يدخل السياره ويسكر الباب عليه

ابو جاسم باله بال ظهره ومفكر زينب سبقته للبيت .. مايدري بها واقفه برى ومفهيه..
من شافهم ثنينهم اختلعو من صوت الباب وطلعته.. ومن شاف مالك اندعس في السياره..
ــ اححححااااااااا .. ويش تسووي كنتي وياه.؟؟؟.
زينب منصرعه: ــ هااااا.. منهووو
ــ هاللي اندعس تشنه فار خاف على عمره..
مالك ما يسمعه مشغل المسجل ومسكر النوافذ .. يشوفه بس يشبر و يهدر ولا يدري به ويش يقوول..
زينب : ــ وووو اني ويش درااني .. ما سوينا شي .. بيني وبينه عشرة امتاار..
ــ هااا.. لا يكون تعيلف فيش لو قال شي ..
زينب ترفع سبابة يمينها لين خشمها .
ــ وقسسم بالله حتى نفسه ما سمعته..
ابو جاسم يعدل غترته..
ــ ايه.. حسبالي.. امشي قدامي.. خبله.. ماتعرفي تدخلي يعني..
زينب تمشي وهي تتعثر من الخوف..
ابو جاسم يمسكها :
ــ اررررفعي عباتش خبابوووه..
زينب تمسكها شوي .. وتحاول تضبط عمرها..
وهم يمشو ما سمعت الا ابوها وراها:
ــ اوووو.. افففففففففف..
دارت له الا ماسك ظهره ورافع راسه فوق..
مسكته : ــ يباا ويش فيك..
ــ اهو اهو.. بس ظهري تقرطع شوي.. الحين ان شالله اشوف جاسموه يمرخه لي .. ويعتدل..
ــ امسكك؟؟
ــ امسكي عمرش بس لا تطيحي علينا بهالطريق.. وارفعي عباتش شوي خميتي الطرقات صايره جرفليه..
ــ يااعلي .. ويشوو ارفعها..
ــ اجل تخمي الطرقات.. ؟؟
زينب بخوف : ــ ماا علي دلاغ.. << شراب ..
ابو جاسم : ــ اهاااااا.. قووولي كدا من الصبح.. وحق ويش بالله ماعليش .؟؟ ويش مطلعنش وضاااربه لي مشواااار لين الزراعه ومن الزرااعه لبيت عمتش وانتين كذا..
زينب ترجع ترفع سبابتها لخشمها:
ــ والله والله عباتي طويله ولا رفعتها ولا حتى سانتي واحد.. دنت تشوفها مغبره وحالتها عدم.. لأني طلعت بسرعه ومالي باله .. ما انتبهت..
ــ اييه.. لا تعوديها هالحركه نوبه فانيه لا اكسر كراعينش ... وويش سالفتش كل دقيقه رفعتي لي هالصبع ..
زينب جتها ضحكه: ــ كراعيني .. تشيه خروفه.. هههههههه خخخخخخ
ــ شب .. فضحتينا.. امشييييي .. لا بارك الله في بليس.. يللااا
زينب متصروعه :: ــ هه.. زين زين..

ام علي تركب الواير في الكهرب..
تجربها بالصلاة على محمد وآل محمد..
اشتغلت..
ام علي حطت ايدها على راسها وصارت تضحك وتحمد الله وتشكره.. وتدعي لعلا ومالك بطولة العمر والصحه...
ليلى فرحانه.. وريما تصفق وترقص ..
ابو علي برى الصاله من سمع صوت المكينه تشقق من الفرح..

وعلا الدنيا مهي سايعتنها وهي تشوف فرحتهم .. ولا هي عارفه شلون تشاركهم هالفرحه.. بس واقفه ومبتسمه ..
علا : ــ يللا الحمدلله .. اصطلحت وصارت زينه.. الحين باخليكم اخوي واقف برى من زمان..
ام علي : ــ قعدي ويانا يابتي .. مو بس جايه تجيبي المكينه.. ريحي وبعدين خله يرجع لش..
علا : ــ لا مره ثانيه خالتي .. ابوي رجع من السفر وباروح البيت ما شفناه من زمان..
ــ يعني .. قرة عينش غناتي..
علا مهي عارفه ويش يردو على هالجمله !!
ريما واقفه جنبها .. صارت تغششها:
ــ سلم الله عمرش ..
علا تلونت من الخجل .. ايتسمت :
ــ سلم الله عمرش..
ريما : ــ خخخخخخخخخ.. ويلي .. احم..
علا تطلع في ريما على جنب وتهدد فيها .. صبري علي ..

وطلعت علا ..
من طلعت علا .. ام علي فرغت كل العواطف اللي بداخلها.. صارت تصيح.. صياحها هالمره بأبتسامه.. فطر قلب بناتها عليها.. وهي تدعي ..:
ــ ياربي يا حبيبي .. زي ما رجعت رزق هالبنيات ترجع سندهم واخوهم.. ترجع ضناي ياااارب .. سالم معافى ..عاجل غير آجل..

جوال ابو مالك يرن..
ــ هلا حياتي..
سوسن : ــ هلا عمري .. وينك؟؟ ويش فيك ماترد علي من متى واني ادق ..
ابو مالك يتثاوب : ــ كنت نايم.. ها اخبارش ويش مسويه؟؟
ــ نوم العافيه يااارب.. زهقت.. ما صار لي كم ساعه.. اشتقت لك..
ابو مالك مصدق روحه ..
ــ الله.. اشتقتي لي.. انا بعد اشتقت.. خلاص الليله ما انام قبل لا اجيبش..
ــ صج.. انتظرك اجل ..

ابو مالك طلع من غرفته الا علا راكبه بعباتها توها راجعه..
ابومالك: ــ من وين راجعه؟؟
علا : ــ بيت صديقتي...
ــ وانتين كذا تطلعي على طول ؟؟
علا استغربت من ابوها : ــ مالك موصلني وعمتي سميره تدري ..
ــ ايه حسبالي تطلعي كذا وبس .. لا حسيب ولا رقيب ..
علا وجهها تغيرت الوانه .: ــ لا ما اطلع وبس .. مالك يوصلني كل مكان ابغاه وعمتي تدري..
ومشت عن ابوها بتروح غرفتها..
ابو مالك : ــ الليله استعدو ترحبو بخالتكم سوسن باجيبها..

تابع>>

[Princess]

علا وقفت وهي مختلعه ودارت لأبوها:
ــ انت ما قلت اليوووم قلت كم ييوم وبتجيبها !!
ابو مالك : ــ أأأصصصصص.. انا اللي احدد متى اجيبها و في أي وقت..
علا عيونها غرقت دموع..
دخلت غرفتها وقفلت على روحها الباب..
الا بركبة مالك ..
ــ هلاااا يبااا.. قووه .. الحمدلله عالسلامه...
ويحب راس ابوه..
ــ الله يسلمك.. هاا.. سمعت الكلام اللي قلته من شوي لو لا
مالك مختلع وفي باله:
ــ بل ما قال ويش احوالك ولا ويش مسوي على طول سمعت لو لا..ما كأنه ما شافني من سنتين
مالك : ــ ها.. ايه.. سمعت..
ــ وويش بعد عندك اعتراض زي اختك..
مالك بأبتسامه عريضه..
ــ لا .. اعتراض ويه.. لا اعتراض على حكمك يارب..
ــ تستظرف ..؟؟!!
ــ لا تشيه ويش قلت..؟؟
ــ زين.. عقّل اختك بس .. وقول ليها لا تتصرف أي تصرف مو لصالحها الليله.. وخلكم خوش ولاد ..
مالك بأبتسامه مصطنعه:
ــ ان شاااالله يبا..

وراح غرفته وهو في باله مخطط يطلع الليله ولا يرجع الا الفجر..
وفي الليل ...
ناديه في بيت اهلها..
ــ امااه والله البنيه ملتزمه وادميه وحليووه خووش بنيه ما تتعوض..
ام مؤيد : ــ ويش اسوووي في اخووش ها.. شبدي فوحت من كثر الحنه عليه.. مو راااااااااضي .. والله مناي الله يهديه.. لا سند ولا ولد.. قاعد لي وشايل الهم في القلب..

ناديه: ــ افففففف منه زهقت كل مره يطلع حجه في اللي اختارهم له واذا ما لقى حجه يقول مابغى ومو مهيأ انا للزواج حاليا و ماهي من مستواي الفكري ومادري ويه.. من كلماته الجهنميه ..
ساره تضحك : ــ هههههههههههه استااذ عربي بعد ويه .. فديته..
ناديه : ــ اف وهذا اللي ماخذينه منش انتين الضحك بس ..
ــ ووويش تبغيني اسوي ..!!
ــ حاولي فيه وياي .. اقنعيه... هو يحبش و يدلع فيش يمكن يسمع منش..
ساره بسخريه : ــ انا لله .. ههههههههههههه تبغاني احن عليه ويكرهني تالي..
ــ ويش قصدش هاا .. ويش قصدش .. يعني يكرهني ..

شوي الا بجية جود وهي تصيح : ــ آآآآآآآآآآآآه..
ساره : ــ وي على قلبي العسل قلبوو.. من مين... اكيد يا منتظروه يا كراروه..
جود وهي تصيح : ــ مادري أي واحد فيهم شوفي ..
ومدت ذراعها وفيه شمخ طول بعرض..
ساره تمسحه ليها بنشاف.. ــ توتوتو ..بسم الله عليش .. ناديوه قومي لولادش الخوبال .. كفايه ما تفرق بينهم هالفقيره,,, خوبلوها .. الا بعد كل جيه ليهم ينتفو ليها من لحمها شوي..

ناديه : ــ اوهوو.. عساش تجيبي زيهم يااارب
ساره : ــ وي وي بسم الله علي لا .. مابغى توائم .. الخاصيه التوأميه مهي لآل ... ...,,, هالخاصيه لآل..... <<< تقصد بيت رجل ناديه...
ناديه : ــ ههههههههههههههه بتجيبي ياعيني .. << قالتها وهي تحرك حواجبها..
ساره فهمت عليها : ــ انا لله.. ندري .. ملتزم .. واخلاق .. ويدورو له على عرووس.. ناديوه بجيش طرااااااق .. قلت لش لا تحَرْجي علي ..
وقامت جود من حضن خالتها ساره ورجعت تلعب ويا ولاد خالتها ناديه..

ناديه..: ــ ياعلي جزاتي اللي ابغى الخير لش ولأخووش..
ساره تلعب في خصلات شعرها:
ــ والله تشني البخت .. شحلاوتي قمر .. ورزقي مو لحميش ...
ــ استحي هااا.. استحي..
ام مؤيد : ــ وبتي الصادقه.. وعمتش نيتها تنوع .. ما تبغى من بيت واحد .. فلا تحرجي على بتي..
ناديه بعتب : ــ حتى انتين اماااه...
الا برجعة جود تصيح...
ساره : ــ والآآآآآآآآآآآخييرررررر ويا ولادش
ناديه تصرخ حد ما عندهاا..
ــ منتظرررررررررررررررررووووووووووه.. كررررررررااااااارووووووه وخناااااااااقه..
ام مؤيد تحط ايدها على راسها:
ــ علي علي .. ارتجت طيفان بيوت الفريق الغربي ..
ساره صارت تدحن من الضحك..
ناديه: ــ بلاكم ما تحسو فيني ..
ام مؤيد : ــ وعلى قلبي.. الله يعينش ويساعدش .. يكبرو وتنسي..
ساره تبحلس : ــ خخخخ ماحد قال لش جيبيهم..
ناديه تشيل قوطية النشاف وتصفق بها ساره:
ــ ذلفي بس.. ياعساااش 7 في بطن..
ــ ويلييييي بسم الله علي ,, ههههههههههههه عساااش انتين في الجايه..
ام مؤيد تمسح شعرها : ــ لمسنا الصووف والشر عن بتي مصرووف بالصلاة على محمد وآل محمد.. لوييه.. تبغي تدبحيها انتين.. هي فنين ومهي قادره ومتغربلين وياها بهم .. مو 7 بعد..

شوي الا بجية مؤيد.. وناديه طالعه للحوش بتجيب ولادها عن الصفقه والبرد..
من شافها قال : ــ هلاااااا.. هلاااااااا بالخطااابه
ناديه حمقت: ــ اهووووو..
ــ هههههههههههههههههههههه انا داري .. لازم كل جيه لش سالفه .. اتحداش الحين خَلِيّه وما عندش شي..
ــ لا تتحدى ولا تتحدى .. تعال اسحب وياي واحد منهم..
ــ من هم.؟؟
ــ مين بعد.. ولادي ...
مؤيد يسخر : ــ كرار اسحب لو منتظر.؟.؟؟
ناديه بقهر : ــ اللي هو .. حظك نصيبك .. شدعوه تفرق بينهم انت
ــ هههههههههههههههه ياعلي .. تجنني ندووشه وانتين محمقه...
ناديه تبتسم وتداري ابتسامتها بعصبيه: ــ اهووو...

في صندقة حميد..
جاسم ينبش في الأوراق .. عل وعسى يشوف شي غريب وله قيمه.. لو خيط يوصله لهالأسرار اللي بحياة حميد..
الا بطيحة الذيب عليه..
ــ جاسموه.. ويش تسوي؟؟؟

والى الملتقى..

[كبرياء]

يؤؤؤؤؤؤؤؤؤؤؤؤؤؤؤؤؤؤؤؤؤ

يؤؤؤؤؤؤؤؤؤؤؤؤؤؤؤؤؤ

وش بيصيرررررررر ..؟؟

هااااااااه << شهقه ..

ان شآلله ألحين أقوم لك هااا << مرره بتقولي لي اووف

بتذبحي جاسمو بعدددددددددددددد ..؟؟؟؟؟؟؟؟؟؟

أميرووه بذببحك ..

ماانااا وش بيصير في حميد ما قلتي << خايفه عليه هااااع

جززززء رهيب بس دوخني سالفه ناديه وسآره يبغى لي أقرآآ مرره ثآنيه ..

أييييييييييي كأن بعض الناس اللي يقروآ ويآآي فهمووني هااااع ..

<< مضيعه

بآنتظآر الجززء الجديد ..

قهررني أبو ماالك داااااااا النحيسسسسسسس

وابو جاسمو بعد شرير ..

ووووو بس

تشكراااات ..

ننتظر بشوووق لا يحتمل المتابعه خلف الكواليس هع هع هع


تحياتي

كبري ـآء