صدق احراج بس لازم اقوله

[خانقة العبرة]

الموضوع موسهل عساس نتركه بس ها الموقف صار لي وحابه اشوف ايش ارئكم معاي وتشاركوني بالصح بادخل بالموضوع مندون مقدمات
اعرف بنت حبت تعرض موضوع حصل لها الي هي كيف انها تقدر تترك الي صاحبتها طبعا الي صاحبتها شكلينا غير عن الي بقوله وانا شخصيا اعرفها لكن انصدمت لماعرفت انها تحب وتفضل تعاشر بنات عوضا عن انها تتزوج البنت ذي حلوة لدرجه خياليه وجسم وشطاره وادب ولااحلى بس انا انصدمت لما دريت فاحابه اعرف لها الدرجه وصلناان مافي خوف من رب العالمين مدري ايش اقول بس انا حابه اساعد صديقتي لانها طاحت مع كذا بنت وموعالرفه كيف افكها مع انها عاشرتها وصورة جزء من ةجسمها وهي خايفه من البنت ومن اهلها ادري انها غلطت لكن الغلط الاكبر يكون عمين مدري اتمنى انكم تساعدوني عساس اساعدها
مع تحياتي
خانقه العبرة

[إحساس و حكاية]

موضوع كبير من كل نواحيه و الغلط من الثنتين ..
بصراحة ما عندي حل له سوى إنها تستغفر ربها و اتوب و تدعى عسى الله يفرجها ..
ما حبيّت أدخل و ما أرد ..
من خبرتي أقول إنه صعب الوثوق بأي شخصية .. و أتوقع بقوة إن معرفتهم من فترة قصيرة فقط ..
طبعا يرجع لعدة عوامل هذا التصرف و أحسّه زايد بشكل كبير ..
الله يدفع البلا عنّا و عنكم ..
الله يكون بعونها أخت خانقة العبرة .. و المهم إنك تكون بجانبها توعضيها و تسنديها ..
تحياتي ..
يمكن ما أفدت بشي بس نصيحتي إنها تلجأ للواحد الأحد و الله يوفقّها ..
و كل إنسان بنيّته .. أهم شي نيتها تكون صادقة .. و العلي الأعلى سميع عليم ..
في أمان الله .

[أميره الدلوعه]

ممكن توضيح أكثر في الموضوع
بصراحة أنا مافهمت شي
وان شاء الله نقدر نساعدك

[احلى ليل]

لا حول ولا قوة إلا بالله

موضوع حساس بس زين انش تجرأتي وفتحتي الموضوع

الانفتاح الا محدود هو اللي خلى بناتنا ينجرفوا لهالطريق
تخيلوا بنات في عمر الزهور حتى بعدهم مايبلغوا يشاهدوا مناظر خليعة بالتلفزيون
وهالصور والكلام تنرسم بمخيلتهم
وبعدين لين مالقت توعية ومراقبة من الاهل يمكن لها ان تنحرف
بنات السوء في كل مكان
الله يحمي بناتنا وبناتكم عن هالطريق




اني لما كنت بالمدرسة كنت اسمع سوالف بس كنت اتوقع انه هالشي كذب وتلفيق يعني ماتوقع انه فيه بنات كذا

الدنيا صارت تخوف
مو مثل قبل

اني استغرب لما اشوف بنت في ابتدائي تتكلم عن الحب وعندها ايميل وحاطة لها نك نيم حب ومدري وشوه
أجل وش خلوا لفترة المراهقة
الله يعين هالجيل

والسبب الرئيسي للوصول لهاالمرحلة البعد عن الله عزوجل

اختي مدامك تعرفي انه صديقتش على غلط حاولي انش تنصحيها ولش الاجر والثواب

نسأل الله لهم الهداية والمغفرة

موفقين لكل خير

[*زهرة البنفسج*]

بسمه تعالي

عن جد موضوع كبيرر وحساس

والدنيا صارت ماترحم

بس والله الواحد وش اقول البنت ماتخاف ربها دي بعد اتهددها ومصورره

بصراحة اتفاجاة وزين ان صاحبتش صارحتش انصحيها واكيد هي بتخاف من اهلها

شي طبيعي

الله يعينها واله وتتعلم من الغلط مشان ماتابع اي احدد وتصادق وبس
موفقه

[Princess]

مرحبا

شيء غريب فعلا,,,
و تمام انش على ثقه ان الغلط من الثنتين..
هالتصرف بلاء متفشي في هالزمن .. اسأل الله لنا ولكم العفو والعافيه..

صديقتش خلها تكلم اهلها.. ..

تشوف مين الأقرب ليها فيهم...؟؟
وتقعد معاه..وبكل صراحه وتعلمه عالسالفه .. وعن هالبنت .. اذا كانت هي ضحيه غيرها ضحايا .. واذ سكتت بيزيدو ساعتها مايفيد الندم واللوم...

اكيد هي حاسه بتأنيب الضمير والذنب .. والا ماكانت اشتكت لش ...

اذا عندش انتين الجرأه كلمي احد من اهلها بالهداوه وعلميهم انها وقعت ضحيه غصب عنها ..
اذا هم متفهمين راح يقدرو هالموضوع لأنه فعلا منتشر ..

ان شالله ما تسببت ليها بس بضرر كبير يهدم مستقبلها..
وانصحها بالتقرب من الله وقرآة القرآن ,, على شان تهدأ نفسيتها..

واتمنى فعلا يكون للكبار والأهل تدخل على شان يحسمو الموضوع و تتعاقب المجرمه ...

و القتل هو العقوبه الشرعيه لهالأشكال المريضه اذا مافاد وياها لا نصيحه ولا علاج.!!


اسأل الله لصديقتش راحة البال
ولش السعاده والخير


دمتم بحفظ الرحمن

[دموع الاكرف.]

اها موضوع كبير

[looovely]

اختي خانقة العبره..نصيحتي انها تكلم اقرب شخص اليها من أهلها
ماراح ينحل الا بتدخل الأهل لأن هذا شي مو هين عشان ينسكت عنه
وان شاء الله الأهل يتفهموا لأن هذا ضروري لحل هذي
المسأله..واذا كنت تعرفي احد من خواتها المقربات وعندك جرأه تفهميها الموضوع وان الشي راح ينحل وبهدوء وبدون طيش أو تهور وتفهميها ان الانسان مو معصوم عن الغلط ودام هي اعترفت بهذا الشي وتبغى تبتعد عن هالطريق لازم احد من أهلها يوقف معاها..مهما كان الموضوع خطير ومحرج ..ويسارعوا في حل هذا الشي..لأن موضوع حساس وما يتحمل التأجيل أكثر من كذه..
اتمنى اسمع أخبار حلوه عن صاحبتك..ولا تشغلي بالك لأن الموضوع راح ينحل..بس بمساعدتك..والله يفرج همك وهم صاحبتك في القريب العاجل
تحيــــــــــاتي المصحوبه بالدعوات
اختكlooovely

[رحيل القلب]

الله يكفينا ويستر علينا جميعا
انا ما سمعت عن هالسوالف الا لما دخلت الكلية و الجامعة
مع انه صديقاتي اللي ون معه دايما شافوا مواقف مخزية لكني ولله الحمد ما شفت شي لان وقتها ما كنت معهم
هذا الموضوع صار مخيف لدرجة
والاهل بعد لهم دور في هالشي
الفراغ العاطفي اللي ينشأ عن انشغال بعض الاهالي او قسوتهم او تشددهم بزيادة
يخلي البنت او الولد على حد سواء يلجأ لمن يعضه عن فقدان الحب و الحنان ويسعى لمن يشبع هذا الفراغ العاطفي داخله
ولكن للأسف فالبعض كالثعبان ناعم الملس لكن سمه قاتل وهنا يقع الشخص ضحية قلة الخبرة وقلة المعرفة بهذه الامور وربما لحظة ضعف تنهي مستقبله كله

انا الوم صديقتك لانها امنت لإنسانة يمكن هي ما تعرفها عدل واذا كان مثل ما قلت انها معروفة بشذوذها كان المفروض انها تبتعد عنها من اول لحظة شكت فيها مو انها تكمل معها لحين اللي صار وسلمتها نفسها
الله يعينها على ما هي فيه لان الموضوع خطير فعلا

ما لها الا انها تستغفر وتتوب لله وتسأله الستر و الفرج من عنده اذا اكانت توبتها صادقة ونية صافية تتول على الله وأهل البيت سلام الله عليهم وما راح تخيب
سالفة انها صورت اجزاء من جسدها , لانها خبيثة وعرفت تستغل براءة صديقتك, اذا ما كان وجهها في الصور بس جسد انا اشوف انها نقطة ايجابية , تبتعد عنها ولا تدير لها أهمية حتى لو هددتها بالصور , لانها بدون الوجه ما راح تقدر تثبت ان الصور لها وهذا شي في صالحها ,
أما اذا كان وجههافي الصور هنا المشكلة
انا اشوف انها تتركها و تشوف من اهلها اللي ممكن يتفهم الوضع بهدوء , لان البعض يتهور وتصير مصيبة اكبر, وتلجأ له وتتكلم معاه تشرح له الموقف وابعاد الموضوع ويحاولوا انهم يحلوه سوا

ان شاء الله تخبرينا ان مشكلتها انحلت والله ينتقم من الظالم


تحياتي....
رحيل القلب

[jod]

السبب الأكبر أن الأهل ابتعدوا جدا عن أولادهم لا يعرفوا أين ذهبوا ومتى يأتوا وليس هناك حوار بين الطرفين أنا أم وابني الآن في المرحلة الإبتدائية أنا مقصرة قليلا معه ولكن كل مرة يأتي من المدرسة مع إني غير متفرغة له بسبب عملي إلا إني اتحدث معه عن ماذا فعل في مدرسته وعن المصعائب الذي واجهها في البداية كانت صعبة ولكن شيئا أخذ يحكي ولأنني بصراحة أخاف من التحرش الجنسي ولله الحمد ابني صديقي لأني في بعض الأحيان احكي له أشياء حدثت لي عندما كنت في مثل عمره وصاحبة التجربة المؤلمة تعلمي من هذه التجربة القاسية واختاري اصدقائك ياأبنتي بعناية أعرف أن هذه التجربة مؤلمة ولا أقول لك انسي لأن هذه التجربة سوف ترافقك طوال حياتك المهم الصبر والصبر والتقرب أكثر من الله عز وجل ليطمئن قلبك والله يوفقك في حياتك