بسم الله الرحمن الرحيم
اللهم صل على محمد وآل محمد
في زمن قديم مررررررررررره ومغبر مرررررررررره
بس فيه فلاجات
ذهبنا وسوينا هاللقاء ويا أم حسن بياعة الصبعبلي
لنتعرف عن هذا المنتج العجيب الغريب اللي يجدب اليهال
ويخلي الكبار يدوخوا من البروده ومزمزة الصبعبلي
جينا أنا ويايي أخويي شبكه نتمشى في ذاك الزرنوق وسألنا ياهل عن بيت أم حسن
النحيس ما رضى يعلمنا ببيتها الا يوم عطيناه فلافة قروش حق يشتري له صبعبلي على لبن
وصلنا البيت وكان هذا اللقاء
طق طق طق
أم حسن :- من يا غناتي ويش تمبوا ...صبعبلي على لبن ولا على ميمتو ؟
واحد فاضي :- نمبى صبعبلي على لبن وواحد على ميمتو وبعد وياه على برتكال .
أم حسن :- هذي بتسعة قروش ، برزوا بيزاتكم وداني با أييكم الحين
وانتظرنا شوي ويابت لينا فلافة أكياس وشوي الا قالت ....يوه خزى الله ابليس أبو مرره
نسيت أسألكم تمبوا في قلاصات ولا في أشياس (أكياس)
شبكه :- أم حسن نمباه في أشياس ( أكياس) وبعد نمبى نسوي وياش مقابله ونسألش كم سؤال
أم حسن :- يووووه يعني انتون تبع وشوه ....البلديه ولا وشوه
واحد فاضي :- لا لا لاتخافي يا أم حسن إحنا تبع
منتدى الناصره
أم حسن :- إيه إيه سمعت بهالمنتدى من زمان
هذا المنتدى حليو وزين إما زين
شبكه :- بارك الله فيش
أم حسن :- تفضلوا تفضلوا ...يوووه على العين والراس
واحد فاضي :- الحين يا أم حسن نمبى نسألش كيفه تسوي الصبعبلي ؟
أم حسن :- كيفه أسويه بعد ، أييب قلاصات ستنستيل وأحط فيهم الميمتو لو اللبن لو عصير الفودر برتكال وأحطهم في الفريز وتالي من يجمد أبيعه
شبكه :- نمبى نعرف كيفه تسويه من أول شي يعني من وينه تييبي اللبن وكده يعني ؟؟
أم حسن :- يا غناتي اللبنه من عند يارتنا أم محمد عرفتوها بت حجي حسن تعرفوه أكيد ، كل يوم تيب ليي قياسين لبن أقوم أحطهم في غضاره وأحط على اللبنه شوية ماي وتشونة ملح حق يطلع حليو له
واحد فاضي :- زين من وينه تييبي لعصي
أم حسن :- يا غناتي أشوف ليي سحارة رطب وأنقعها في الماي شويه وتالي أكسرها بسكينه وأحطهم في قلاصات السنستيل وتالي أصب عليهم اللبنه وأحطهم في تراي وتالي في الفريز
ومن يستوي أبسط به عدال الباب لو اليهيلات هم يدقوا الباب ويشتروا من عندي
واحد فاضي :- زين واذا ما فيه قلاصات
أم حسن :- ما يقصر ولدي حسن إييب ليي أشياس من الشركه وأسويه فيه وما يحتاج عصي ولا شي
بس أصبه وأربط الشيس وتالي في الفريز
شبكه :- حليو الصبعبلي
أم حسن :- حليت أيامك ببركة الصلاة على محمد وآل محمد
واحد فاضي :- رحم الله والديش يا أم حسن ، مشكوره وما قصرتي
أم حسن :- الشكر لله رب العالمين ، الحين متى بتحطوا هالمقابلة في المنتدى ؟؟
واحد فاضي :- خلاص يا أم حسن موجودة في المنتدى الحين
أم حسن :- خلاص داني با أروح أشوفها
شبكة :- يالله أجل فمان الله
أم حسن :- فمان الله يا غناتي ، جعل ربكم السلامه ان شاء الله
واحد فاضي :- فمان الله
هذي مقابلتنا ويا أم حسن أشهر وحده تسوي صبعبلي في زمانها
اللهم صل على محمد وآل محمد الطيبين الطاهرين
-------------------
لا أحلل ولاأبرأ ذمة من ينسخ أوينقل ماأكتبه دون إذن مني
بسم الله الرحمن الرحيم
السلام عليكم ورحمة الله وبركاته
الله الله الله على الصبعبلي
الله صبعبلي على لبن وعلى فيمتو وتنج بعد
ياعلي ذكرتونا في ايام زمان وصبعبلي ايام زمان
صبعبلي ابو كاس الي كنوا يحطوا فيه اعصي سحاحير ياعليييييييي
والا الي ابو اشياس ياعلي
انا في عندي صور حق صبعبلي << عشان احسركم مع الحر
بس يبغى ليهم تظبيط لانهم كبار اشوي
راح اعدلهم وارد ارجع احطهم الكم
وأعتبروهم هديه مني الكم في هالحر ..
يسلمواواحد فاضي وشبك على تذكيرنا بأيام زمان ..
ودمتــم بكل خير ..
التعديل الأخير تم بواسطة همس الصمت ; 06-26-2008 الساعة 04:45 AM
مرحبا
هههههههههههه ماني قادره على سوالفك خيو
اجل انت وشبكه في الزرانيق و ام حسن
لا وبعد تقولو ليها منتديات الناصره وتقول ايه سمعت به وخوش منتدى ما شالله عالخيال..
شهيتني فيه والله.. احب اللي على برتقال حلووو ولا عاد التانج اما الفيمتو اقل حلاوه ,
,اللبن من يوم يومي هوسيه ما اضمنه
اقول لا يكون منتهيه مدتهويتحسس بطني
بس اسويه لروحي في البيت و الله عوضنا ببوظة اللبن حقت المطرود << قصة حياتها
يسلمووو خيي عالسالفه الجميله والظريفه
والله يبرد قلبك ويحقق امانيك
دمت بخير
وبحفظ الرحمن
ههههههههههه
يسلمو خيو واحد فاضي
القصة رووعة وخيال تراثي ههههه
اما على الصبعبلي الله يرحم ايام زمان كان امي اسوي الينا احنا بعد خخخ
بس الشاطرة هموسه صورته وانا لا خخخخ
باقول الى امي اتعيد الذكريات ههههه امبى صبعبلي على لبن وعلى فيمتو رووعة بجد
بسألك واحد فاضي :
بكم اشتريتوا الصبعبلي؟ وكم واحد ؟ وحسبتونا ولا لا ؟
يسلمو على الذكريات الجميلة
[/CENTER]
من صغري يتمتني يا بويا وبشوفتك ولهانهرحم الله من قرأ سورة الفاتحة
=================
قصة حليوه مرررررررررررره
كلها روح فكاهة..
احنا كنا دائماً نقول
صبعبلي أبو علي
هههههههه
والله ذكرتنا بالصبعبلي خصوصاً اللي على لبن أموت فيه
شكلي بقول لأخوتي يشتروا لي
ههههههه
يعطيك العافية أخوي أبو زين...
موفق لكل خير إن شاء الله تعالى..
..دمت بعين المولى الجليل..
عندما نذرتُ قلبي للحسين
وبقيتُ على قيد الهوىهنالك حييتْ
ياطبيب دمعة .!
ســـــــــــــــــــــــــــــــــــــــــــلاااام ..
مســـــــــــــــــــــــــــــــــــــــــــاكـ اللهـ باالخير خيووو ..
وبعد الســــــــــــــــــــــــلام ..
بـ بداء بـ الكــــــــــــــــــــــــــــــلام ..
والمثل يقول الكلمة إلا تستحي منها بدها ..
وأني بسوي مفلات ما يقول ..
شوف أبو زييييييييييييييييييين .. يعني بصراحهـ ..
ما يصير كل مرة تشهينا في صبعبلي وما تجيب لينا ..
لـ ذالك .. أني قررت أن أنت عليك صبعبلي ..
يعني بتجيب لي صبعبلي بتجيب ..
وأبغى على لبن وفيمتو وكل الأنوااااع .. < تعبت نفسيا
هههه هههه هههه هههه هههه هههه هههه
هههه هههه هههه هههه هههه هههه هههه
أبو زيييييييييييييين ..
بسم الله على عمرك وشبابك ..
كنت أضحك معااااك ..
يعطيك ألف ألف عااافيه على هيك مقابلة ..
شوقتونا لـ أيام زمان .. واللهـ ..
حلات أيام قبل .. الناس على نياتهم ..
مو الحين الواحد ما ينوس يتكلم إلا كل اكلوه بـ قشوره ..
عموما ..
عساكـ عاالقوة يارب ..
وكثر منها .. مقابلات أيام زمان .. وسوالف زماااااااان ..
ونحن سـ نبقى دووووما ..
بـ إنتظار جديدكـ المشرق ..
إلى ذالكـ الوقت ..
أستودعكـ اللهـ وأترككـ بـ أمانهـ ..
تحيااااااااااااااتي ..
للدموع إحساس ..
،،، {
إن لمْ يُجِبْكَ بَدَني عند نِداكَ المُعْلَنِ
وحال بُعْدُ الزَّمَنِ حتَّى غَداً في كَفَني
يُجيب قلبي خافِقاً لبيك يا صوت الحسين
لبيك ثآر اللهـ ،.
بسم الله الرحمن الرحيم
السلام عليكم ورحمة الله وبركاته
وعدنا من جديد مع صور الصبعبلي
بس ان شاء الله يطلعون
عشان الكل يشوفهم ويتحسر
ويالله بخليكم مع الصور
وهذي صورة صبعبلي على لبن
وهذا الاصفر
وعليكم بالف عافيه ان شاء الله
تقبلوا خالص تحايا العطرة ...
ودمـــــــــــتم بكل خير ...
ســـــــــــــــــــــــــــــــــــــــــــلام ..
خيوووه هموسة ..
وش سويتي فيني .. شميت ريحت التانج ..
خلاص شكلي باسوي لي يعني باسوي ..
ما أقدر أتحمل ..
يعطيك ربي العاااافية ..
الصور يخلو الواحد يتسحسح من الحسرة ..
هههه هههه هههه هههه هههه هههه
هههه هههه هههه هههه هههه هههه
يالله ســـــــــــــــــــلام ..
تحياااااااااااتي ..
للدموع إحساس ..
،،، {
إن لمْ يُجِبْكَ بَدَني عند نِداكَ المُعْلَنِ
وحال بُعْدُ الزَّمَنِ حتَّى غَداً في كَفَني
يُجيب قلبي خافِقاً لبيك يا صوت الحسين
لبيك ثآر اللهـ ،.
يسلمو اخوي
ربي يعطيك العافيه
اختي همس الصمت مشكوررره
غناتي على الصبعبلي
امممممممم
شكله مرره لذيذ
صارنفسي فيه
يا أبا الفضل أغثني بحق زينب الحوراء أدركني
ههههههههههههههههههههههههه
ام يمي صار نفسي فية
والله لو انكم قلتو بتحطوة كان سويت الييقبل لا اجي لهلموضوع واتشوق
تسلم يالفضي وتسلم يالناصرة وما قصرتو
انا في الدنيا عارفة قياسي .. وبكم ولا بلاكم بيضل مرفوع راسي
عزيتي للدموع إحساس
وعليكم السلام والرحمة
ها اتحسرتي اشوف
بس ولايهمك تعالي عندي واسويه لك
يعطيك العافيه حبيبتي ....
دمعة طفلة يتيمه
العفوووو غناتي ماسوينا شي
الفضل كله الى الأخ واحد فاضي والأخ شبكة
حطوا النا الموضوع عشان يحسرونا على الصبعبلي
امممممممممممممممم
والله اشتهيته << بسوي والي يبي يجي البيت
يعطيكم الف عافيه واحد فضي وشبكة
وتحياااااااااااااااااااتي الطيبه للجميع ..
دمتم بكل خير ..
خخخخخ..
يسـلمو أخوي فــاضي..
والله زمــان عنه من أيــام الأبتـدائي اشتـريه وأنــااا طـالعة من المدرسة..
همـوسـه اشوفك جهـزتي البسطـه حقتـك..
اغـراء وحـركــات هع..
هــاهـ مـافي توصيل طلبـات..
ربي يعطيكم العــافية جميعــاً..
موفقين..
اللهم إن والدتي جاءت ببابك وأناخت بجنابك اللهم فاجعل عن يمينها نورا وعن شمالها نورا ومن أمامها نورا ومن فوقها نورا ومن تحتها نورا حتى تبعثها آمنة مطمئنة في نور من نورك,اللهم اعف عنها.اللهم أدخلها الجنة من غير مناقشة حساب ولا سابقة عذاب,اللهم آنسها في وحدتها وآنسها في وحشتها وآنسها في غربتها,اللهم أنزلها منزلا مباركا وأنت خير المنزلين..
ههههههههههه
اقول هموسه اني جايه بيتكم وسوي لي كم كيس صبعبلي على فيمتو مفلج ههه بس بدون بيزات خخخ
لانك حسرتينا
اي والله ذكرتنا اختي سلوان احنا بعد نشتريه لما نطلع من المدرسة عنا وحده تبيع بعز الظهر الله يعافيها
وتبسط بالبياعة فدعواتكم بهي بحاجة لدعائكم
يسلمو خية هموسه على الحسرة خخخ قصدي على الصور
[/CENTER]
من صغري يتمتني يا بويا وبشوفتك ولهانهرحم الله من قرأ سورة الفاتحة
=================
مرحبااااا خيي...
بصراااحه مقابله رااائعه جدااا
واسم المقاابله مره حلووو
احنا جارتنا تبيع صبعبلي تبغوون اشتري لكم ..على كيف كيفكم...
الله يعطيك الف عاافيه ع هييك طرح
لاعدمنااا جديدك
تحياااااتي
****
خيتو همس الصمت تسلمي ع الصبعبلي اللذييذ >> كأني ذقته ..
الله لايحرمنا منج ومن كرمج الحلوو
تحياااااااااتي
ماني أبغى صبعبلي لبن
همووووووووووووووووووووووسه
حسرتيني عدل
اي شذى أبغى صبعبلي بـ5 ريال ههههههههههههههههههههههههه كله على لبن..
روحي الحين اشتري لي
ههههههههههههههههههههههههه
امزح.هههههههههههههههههههه
عندما نذرتُ قلبي للحسين
وبقيتُ على قيد الهوىهنالك حييتْ
ياطبيب دمعة .!
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات