●
لاتسويلي إضافه !!
كل [ ماسنجر أخافه ] ..
كان مافيها كلافه .../
[ طنّش ] إيميلي عشاني ....!!
كلّها ../ هوتميل .. ياهو !!
شوف جرحك فيني [ كاهو ] ..
ماهو حزن وهم ماهو ../
ويل ... بس شيٍ خذاني !!
لايغرّك عزف بوحي
لايغرّك نزف روحي
ماني متحمّل جروحي !!
شوفني جالس أعاني
ما أبي حتى رساله !!
زدتني طيش وجهاله
منطعن حد الثماله
خلّني .. والعمر فاني !!
أنت لو فعلاً تبيني
كان ماشيّبت عيني
تدري وش سوّيت فيني
فوق ماسوّا زماني !!
●
الجادل الي تقهر أنصاف البنات بطولها
الله يخلّيها ويسعدهـا وينصـر دينهـا
أليا مشت ماكنّ أحد معها ولا أحدٍ حولها
العطر يرقبها ونام الورد فـي خدّينهـا
●
أشعليني
ولّعيني
وأحرقي قلبي وعيني
عاشقٍ بردان بدفا
وأنتي حضنك موطني ../ وأحيان منفى !!
ما أبيني
آه ياشين الشتا
كان مابه حضن دافي ...!!
وآه يازين الشتا
لأحتواني حضن دافي ...!!
بس متى ../ بس متى
دلّعيني
وديري بالك تزعليني !!
طفلك المجنون طايش
شرّعيله كل أبواب المحبه .. والدرايش
ودلّعيه أكثر وأكثر
ناقص شويّة حنان ../ وناقص شوّية أمان
وناقص شويّة دلع !!
عايش وماهو بعايش
والزمن يابنت ذا ماله خوي ../ وماله أمان
وأنتي وصلك موت
وبعادك ممات ...!!
وأنتي بعدك موت
و وصالك حياة ...!!
جمرتك
صرت أشتهيها
بحترق منها وفيها
أشعلي بركان فيني ../ له ثلاث سنين خامد !!
وأنسفيني
لي متى والقلب صامد
يابنيّه
كان عندك للقا والوصل نيّه
ذي يديني
مدّي حبالك ../ قبل حبل المنيّه !!
●
الشتا ../ ملح الفصـول الأربعـه
حتى لو يزعل علي فصل الربيع !!
الشتا ../ نبض السنين الموجعـه
والدفا والبرد .. ضدّين وجميع !!
●
حسبي على [ قلبك ] ../ عليك !!
لو متّ ../ لو تهت ... شــ [ عليك ] !!
مغرور ماهمّك أحد
هذا وأنا ميّت .../ [ عليك ] !!
تخنق يديك أنفاسنا !!
نذبل ../ يموت أحساسنا !!
وأنا وقلبي يا حراااااااااام
دايم تطيح براسنا !!
●
لو للكلام شفاه !!
لو للوجيه أشباه !!
لو للصدور أي شيّ ...
غير الألم والآه !!
ماكان غنّيتك ........ /
[ بحر وصعب مرساه ]
واللي نساك أنساه !!
واللي هواك أهواه !!
واللي قدر فرقاك ../ تقدر على فرقاه !!
لا تشتكي وتلوووم
عمر الحزن مايدووووم
والعمر فيه كم يوم ../ حتى نعيشه بــ آآآآه !!
●
رد مع اقتباس
المفضلات