بسم الله الرحمن الرحيم
صباح معطر بذكر الله
سويت اليوم لحم بالفرن مع رز أبيض وسلطة
وإن شاء الله يعجبكم
المقادير:
لحم مقطع حاشي أو غنم ولكن يفضل الغنم لان الحاشي يبغى وقت طويل
أ/ 4ملاعق تقريبا صلصة
ربع كاس موية
عصير ليمونة
بهارات مشكلة
ملح
كمون
كاري
ملح ليمون
صفار
ب/شرايح بصل
شرايح طماط
شرايح فلفل بارد
شرايح بطاطس
الطريقة:
نجيب زبدية ونخلط فيها مكونات المجموعه أ كاملة
ثم نضيف عليها اللحم ونخلطه جيدا
نجيب صينية ونغطيها بطبقتين من القصدير ثم نصف فيها مكونات المجموعة الثانية ب صف مرتب
ثم نصف قطع اللحم صف مرتب أيضا ونصب فوقه الباقي من الخلطة
ثم نغطي الصينية بطبقتين من القصدير بس انتبهي لازم تغطينها زيييييين
وبعدين تدخلينها الفرن وتخلينها ساعتين تقريبا وكل ما طولت كان أحسن عشان اللحم يصير ذااايب
يعني دخليها الفرن وانسيها
بعد مرور ساعتين طلعيها من الفرن وهذي هي بعد ما طلعت بالسلامة
قدميها مع الرز الأبيض والسلطة والليمون ولا تنسون الخبز
طعمها رهييييب ما شاء الله
اللي يجربها يقولي رايه
وبالعافية مقدما
تحياااااتي
رد مع اقتباس
المفضلات