السلام عليكم
هذي رسايل متنوعه
حب وغرام وعتاب وفراق
تنهّد والتفت يمّي وقال بْروح فزاّعه
حبيبي يا بعد عمري أحبك ( والهوى غلاّب)
هواك بْمهجتي أقرب من الخفّاق لإضلاعه
وهذا اشلون لا تسأل سألت ولا لقيت اسباب
أحبك كثر ما أكره فراقك واشرب اوْجاعه
أحبك كثر ما تسهر عيون ٍ تنتظر احباب
~¤¦¦§¦¦¤~
يا صاحبي دنياك مهما أضحكت لك
بالك تشوف بْيوم عالناس حالك
باجر تدور أيّامها وأن بكت لك
تضحك عليك الناس وتصبح لْ..حالك
تشوف آقرب ناس همّت بقتلك
لو دامت لغيرك ترى ما وْصلت لك
الدايم الله وغيره الكل هالك
~¤¦¦§¦¦¤~
كل شيء فيني غصب عني
يبيك..ولا يبيني
روحي وقلبي وعيني
وآنا .. ويّاهم حبيبك
ما طلبتك مستحيل أرجوك بس
أفهم شعوري
ودي...لو مرّه أحس الشوق
من قلبك يجيني
وألا تْدري أشلون بسْ.
بينك / وبيني...!
ما أقول إلأ..
أنا وقلبي وعيني
غصب عنك يبونك
~¤¦¦§¦¦¤~
وشهو آخر هالغياب ؟!
أسألي رمل الشواطي
كم كتبت احروف اسمك؟!
كم رسمتك ؟!
كم حضنتك في التراب ؟!
قولي: اشتقت ..
وبسامح!!منهو غيرك ..يرسم لضحكي ملامح ؟!
منهو غيرك ؟!
فلسف بصدري
الكآبه؟!
لين متى وانا
انتظرك في تعاسه؟!
وشهو آخر هالغياب ؟!
~¤¦¦§¦¦¤~
حاولي مره تحسّين الجروح
كل جرح ٍ عانق أحساسك شفى
إيه دام أنتي الهوى بأنفاس روح
أشتكيك البرد وينك يالدفى
~¤¦¦§¦¦¤~
ارسم على وجه الزمن صورة انسان
واثر الزمن يمسح بقاياه فيني
واتخيّله في وسط فكري ف الازمان
واستشعره مابين جفني وعيني
وادري على حفظ الصور مانيْ ندمان
يوم الزمن يتلف هدايا سنيني
ليت الزمان اللي علي مرّ ماكان
ليته سراب ضايع ٍ في يديني
~¤¦¦§¦¦¤~
حبيبي لا تطول في البعادي..
غيابك جرح وحضورك ضماده..
دموع العين صارت شي عادي ..
تزور الرمش حتى في رقاده..
انا شذنبي عشقتك يا ودادي..
ولا غيرك سكن قلبي و ساده ..؟
بعد ما صرت قطعة من فؤادي..
تروح وتترك ايامي نكاده !!؟
~¤¦¦§¦¦¤~
إيه احبك ..
من حكى لك ..
انك انت في حياتي ...
شخص عادي لا تصدق يا حياتي..
من حكى لك ..
اني لوساعه نسيتك في غيابي ....
لا تصدق يا عذابي ..
لو زعلنا من بعضنا وكنت انا قاسي بعتابي...
ومن عنادي قلت انك شخص عادي ...
قولي كذاااب ما تقوى بعادي ....
~¤¦¦§¦¦¤~
ياخذك .. يا دمعةٍ طاحت على خد المواجه
ما عرفتي تصبرين الين ما عينه تروح ؟
و الله اني ما قصدت بدمعتي يا قلب حاجه
بس فاجأني بغلاهْ .. و صممت عيني تبوح !!
~¤¦¦§¦¦¤~
عاشقك يهواك ما يرضى سواك
يوم شوفك في حسابه يوم عيد
كيف تطلب واحد(ن) روحه فداك
مرخص(ن) لك دم قلبه والوريد
انت تآمر انت تآمر ياملاك
صرت لك خادم ومخلص وانت سيد
~¤¦¦§¦¦¤~
نذر علي والنذر مافيه تبديل ..
من يجرحك مايهتني في منامه !!
وان كان ماني مثل .. خيار الرجاجيل ..
قدم لي البرقع وجر العمامه !!
~¤¦¦§¦¦¤~
تصدق كل شي فيني تغير ؟!
ما عاد المطر يهمني إذا بلل ثيابي ..
و لا عاد السهر يهمني إذا ما شفت أحبابي !!
كل شي فيني تغير .. حتى [ إحساسي ]
ما عاد ذاك الأحساس !!
صرت أشوف الدنيا أسود في اسود ..
و ذكراي معك أسود في أسود ..
و ماعاد تجتمع و تلتقي الألوان في عيني معك !!
~¤¦¦§¦¦¤~
يا قريب القلب لو أنك بعيد ..
مستحيل تغيب عني بالخيال ..
صورتك بالعين دايم تستعيد ..
ذكريات العمر يا صعب المنال ..
وحبك اللي صب في ساقي الوريد ..
ماخضع قلبي لغيره واستمال ..
لاحشى بالله ما غيرك أريد ..
من جميع الناس يا صافي الجمال ..
وأعتبرني مت من حبك شهيد ..
وموتي منك اعتبره لي وصال !!
~¤¦¦§¦¦¤~
احبك ولكن...
من يعرف اني احبك ؟
سوى
ربك
وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي تأكدلك وتعطيك الافاده
~¤¦¦§¦¦¤~
ما عادت أيام العمر مثل ما هي ..
ما عادوا أحبابي مثل أول أحباب ..
ما عاد يلفت في الزحام انتباهي ..
لا نظرة عيون ولا كلمة إعجاب ..
أصرخ ..
و صرخاتي مداها شفاهي ..
و أبكي ..
و دمعي على حد الأهداب..
تحياتي
رد مع اقتباس
المفضلات