غـــــــــــــااااز ويبغى له ولاااااعه ..!!!

[Princess]

كالعاده .. تغيب اميروه شوي زين عن العام .. وترجع بهدره .. عسى بس هدرتها مهي ثقيله وتعور الراس….<< لا تقعدي تسألي .. وخلصي هدرتش خخخ..

المهم... مع زحمة الأيام وكثرة الضغوط النفسيه..
تجي فيوم ... تفتح عينك من فجر الله .. تلاقي مزاجك متعكر .. ياربي يالله صباح خير .... تشيل عمرك شيل من هالوكر الهادئ.. وتسحب روحك سحاب .. تدخل الحمام.. اكرمكم الله .. تجي تغسل وجهك.. تطلع المرايا .. وتتحنطب على هذاك الوجه المتنفخ والعواين اللي كنهم تيل خخخ : " ويش هالحاله اففف . مع هالوجه" .. ويامسكين هالوجه.. وتقعد تكفخ الصابونه من جهه ومعجون الأسنان من قوة الضغط تقول بتغسل اسنان فيل ياادافع ..خخخ . .. تطلع وتكفخ البيبان .. واذا ما كنت مجهز ثياب لك .. من النوع اللي حزة الحزه يشوف ويش الدنيا وويش عنده .. .. يامسكين يالكبت " الدولاب "
.. تقلب احواله فوق تحت .. ويالله تخلص و تلبس ..شبااق عاد ويا هالثياب .. .
و ان كنت رجا ل .. يللا دق سلف السياره.. واستناها تحمى في هالصبح.. واف واااه . وانااا لله .. وخذ لك غفو على الدركسون.. وشغل الإذاعه .. وخل ضغطك يرتفع زود يا اما مع مياعة مذيعه .. او مع اخبار تجيب الهم والفجيعه ... و انت مره واصل حدك... . تحس نفسك توصل في لحظه لقمة الغضب ..و يدق عندك عداد الخطر . وابد منت راضي تخفف السرعه .. وتغلط في الشارع ... و...لا ااا ..و تسب بعد .. لاحوول . ويوصل دمك لراسك... وتعض على اسنانك. وتوصل شغلك او مكان دراستك ... خاطرك تكفخ اللي قدامك ..
. سلام عليكم .. ما ترد .>> عجييب السلام لله .
والا ترد من طرف خشمك >>. كان لا رديت .
والا ترد ببتسامه بارده << زين نعمه من الله ...
. وتبغى متى اليوم يقضي على خير
وان كنتي انثى .. من تركبي السياره والا الباص رايحه شغلش والا مكان دراستش . او ل ..الغيث... كفخه لباب السياره.. وان كان ابوش بيقول يالله صباح خير .. كان اخوش بتلاقي لش شوي زين من السبايب كان سواق المرجع لله بيتأفف مابيده حيله .... و تقعدي طول الطريق فبالش تتحججي و بأقل شي .. مع اقل لفه تلتفي معاها . نفختي . اففففف ... ويـــــــــــــــــــاكثر الأف ...
وان كنتي ربة بيت .. لما تصحي الصبح لأولادش تصيري معصبه ... وتصارخي عليهم واقل الشي انقهرتي .. واذا راحوا مدارسهم تجيش حالات تأنيب الضمير ..!!!
بالمختصر ..الحال في هاليوم .. غاااز ويبغى له ولاااعه...
وليش ..؟؟
الجواب الغريب و الغير مقنع ... ماااا ادري ...!!!
كذا قعدت لقيت نفسي ماني رايق ..×××
طيب... شذنب اللي حولك.. ؟؟؟
اااا.. صدق ماليهم ذنب.. بس غصبن عني .....
الكل يمر بهالشي ... واني اعترف تجيني ايام .. اهاوش حتى الهوا ... بس مو دايما,,,
القهر والعتب .. على اللي دووم عافسين هالخشه.. خاطرك تشوف ابتسامه على وجههم.. مافي امل .. واذا ابتسموا .. معجزه .. بسم الله .. وامحق من ابتسامه.. صفرا وتجيب الكدر...
مصيبه معاشرة هالأصناف.. العمر معاهم يقل ...دوم شكايين .. حنانين.. ما يعجبهم العجب.. دووم يحسوا نفسهم نااقصين اشياء وااايد مع انهم والحمدلله احسن من غيرهم...
تحس نفسك ضاايق ومكتوم بمجرد شوفتهم.. وكأنهم هم على القلب...

وان كنت طويل البال وقلبك وسيع ,, تحاول قد ما تقدر تحتويهم.. تهديهم .. ترسم البسمه .. تضحك وياهم...
صنف صلوات على محمد ,, يتلحلح معاك.. يتجاوب .. ويحاول يغير طريقة نظرته للدنيا .. وتفرح انت .. لأنك تحس نفسك انجزت شي عظيم .. غيرت ذات انسان للأحسن..

وصنف والعياذ بالله .. تلعن وتندم على الساعه اللي فكرت فيها تكلمهم .. لأنهم بجد غااااز ,, وكلامك ومواساتك بمثابة ولاااااعه ... ويـــــــــــــاويلك اذا صرت من ضحايا الإنفجار ..×××
من فينا ما يتعكر مزاجه .. ويعصب .. من فينا ما يصير فيوم ثقيل طينه وما ينطاق .. بس يكون هاللحظه يمر بمرحله .. ازمه .. تعدي .. وصاحب الإبتسامه والقلب الطيب والمرح... اذا مرت به هالحاله.. تلاقي الكل حوله .. ولايزعلوا منه لو غلط عليهم.. ليش؟؟
لأن هذا مو طبعه ..فمقدرين حالته ووضعه .. غير اللي كذا على طول .. من يشوفوه عافوا ارااضيه وهجوا عنه .. لأن من جد .. الهم والكدر يقصر العمر .. والواحد يعيش عمره لحظه بلحظه .. فالدنيا لحظه..
االزبده من هدرتي "
نصيحه.. الى كل عاابس .. والإبتسامه عليه كلافه .. ابتسم وانسى الهموم ... مافي شي على حاله يدوم .. وعش جميلا .. لترى الوجود جميلا .."

ودمتم بحفظ الرحمن

[براءة روح]

حركاات والله طرح رائع وصدقتي والله ..

يسلموو..

بأنتظار كل جديد..؟؟

تحيااتي.. براءة روح

[القلب المرح]

السلام عليكم
كثير من هالمواقف تحصل تلاقي نفسك زهقان متملل او انك طفشان في شئ واي احد يكلمك تحط حرتك فيه اما انه يسكت عنك ومايبتلي بك او انه يرد عليك وتقوم الشبقه والهدره وتزيد زهقك وطفشك اكثرر واكثر
وتستمر عندك كذا الحياة ان كان هذا الحال معاك دوما ومن هالكذا راح تبعد عنك الاحباب بهذا الاسلوب

وان شاء الله تظل البسمة مرسومة على جميع الشفاه والراحه النفسيه ماتفارقنا ونظل على طول مفرفشين حتى نكسب الناس بروحنا المرحه ولا نبعدهم باخلاقنا المعفوسة والنفسية المخنوقه

يعطيك الله العافيه اختي ع الطرح
بارك الله فيك
تحياتي لك بالتوفيق..

[واحد فاضي]

تسلمي خيتي على هذا الطرح الاكثر من رائع

بصراحه انا أول ما أقعد من النوم صدق عوايني كأنهم تيل

والخشم كأنه خشم صيني >>مفشوخ وفيه خطوط خخخخخخخخخخخخخ

بس أكره شي إذا لبست الثوب وأخذت الشاي من عند المدام بعد الـ .............( محدوووووووووووف )ههههههههه

ونزلت للسياره ومن أخش السياره ينكت الشاي على الثوب أووووووووووووففففففففففففففففففففففف

أحياناً اروح للعمل وما أتحرك من الكرسي الا وقت الصلاه بس


سلام

[وعود]

مشكورة الله يعطيك العافية أميرة..
نتظر جديدك دوما..

[شمعه تحترق]

تسلمي يا امووره على هالموضوع

أسلوبك اللطيف بس يكفي حتى يرسم الابتسامه على وجهي

ويملئني احساس بالمرح .. اما بالنسبه للصحيان على حالة نرفزه

امم ما اتذكر مره بحياتي صحيت كذا .... أثناء قراءتي لموضوعك حاولت أتذكر..موشايفه اني تصرفت مره هالتصرف صحيح لي اوقات انفعل فيها بس ولله الحمد نادره .. ونادره جدا

المهم حبيت أتأكد اني ما اسوي اللي قلتيه اخذت الجوال
واتصلت في ملوووكه أسألها يمكن تكون زبطتني مره بهالحال بس حسافه لقيت جوالها مغلق .

ياريت احد من الي يمارسو هالنرفزه الصباحيه يحاول يعطينا تفسير لها

وماقول غير الله يعين المبتلين بأمثال هالناس .

يعطيك العافيه ياقلبي

ماننحرم من عطائك للمنتدى

موفقه دوووم

[Princess]

ياهلا خيتو برااءه
الحركتات وجودش حبيبتي
صدقت هاا
اعترفي كم مره حاشتش هالحركه
خخخ
يسلموو يالغلا على هالتواجد الحلو
دمتي بحفظ الرحمن

[Princess]

وعليكم السلام والرحمه
ياهلا خيي القلب المرح
عسانا مثل ما تقول دوم مفرفشين
لأن صاحب النفس الخاايسه
راح يخيس في دنياه << ويش هالمصطلحات خخخ
من جد .. الكدر واللي عافس الخشه كنه بوومه
هذا وربي ما ينطاق
الله يهون الحاال ويفرج عن كل ضاايق بال
يعيطك العافيه خيي
ودمت بحفظ الرحمن

[Princess]

ياهلا خيي واحد فاضي
اووه هذا مزاجك حاله
ههههههه
والوصف عجيب
اتمنى يكون احيانا على قولتك
ولا هو دائما
يعطيك العافيه
ودمت بحفظ الرحمن

[Princess]

العفوو وخيتوو و عود
ويعطيش العافيه
على التواصل الجميل
لا عدمته
دمتي بحفظ الرحمن

[عيون لاتنام]

شكرا أختي أميرة المرح على طرح الموضوع الجميل
يعطيش الف عافيه عزيزتي

ذكرتيني بوحده نكديه صج الله يستر عليها ايام الثانوية
جالسه جنبي بالصف ثالث ثانوي
تخيلي لو أعد لش كم مرة في اليوم تقول أوووووف ماقدرت ؟
طول اليوم بالمدرسة
أوووووف
واه مللل
أو زهقانه
أو نعسانه
000الخ
كيف تحملت سنه كاملة مادري ؟
لا وبعد في ثالث ثانوي عيشتني معاها جو أعوذ بالله


أختك
عيون لاتنام

[.:روح وريحان:.]

ههههههههههههههههههههه
اشوا احنا مو من هالنوع لاني ولا فطووم
احنا يالازقين بالمخدة ولانقوم
ههههههههههههههههههه
يالشالقين البوز بالابتساامة للي تنبهنا
هههههههههههههههههه
اما حركة حزة الحزة تصير ساااعات
المريول مو مغسول
اووة عاد دوري الثاني
والا نصف ساعة انتظريه ينغسل
ولاعااد ماينشف
نروح امبللين
نرقص من البرد
خخخخخخخخخخخخخخخخخخخخخ
يسلمووووو
اموورة على الموضوع الحلو

[نور الهدى]

الله يعطيك العافية اخية


اممم تدرين تصيدني هالحالة اذا كنت نايمة معكر مزاجي من شي صاير

وانام وانا افكر فيه ومضايقة منه

اقعد عاد مو مثل ما وصفتي بالضبط اقل اشوي اكون معصبة على اقل شي اثور والضحايا الجهال مساكين

اي حركة لعانه تروح عليهم مني

هههههههههههههههههههههههه


عاد هم يعرفوا لي من يشوفوني جدية يحترموا انفسهم ماشاء الله عليهم اشوة طلعوا يعرفوا امهم عدل


وانتي ما قلتي لنا كم مرة في الاسبوع تصيدك هالحالة؟؟؟؟؟؟


تحياتي اليش


اختش ام محمد

[فرح]

يعطيك الف الف الف عاااااافيه
حبيبتي امــــــــوووره
الحمد الله اوقاااات قليله جدا اكون مضايقه
وانام وانا معصبه ابليس (الله يلعنه )واجلس من النوم
معصبه اشوووووي مولدرجه كبيره هههههه
وبعد اشوي ابتسامه من وجه طفلي العزيز وتروووح العصبيه كلها هههههههه
ولو ان عصبيتي بركااان .....
طرح روووووعه تسلم الايادي
موفقه

[دمعه حزن]

والله تحصل معاي احياناً
بس فى هالحاله احب اكون لحالي حتى لا اغلط على احد ..
واذا ما اقدر اختلي بنفسي عادي اتواجد مع الاخرين بس ما انطق ولا بحرف بس عشان لا اطلع حرتي باللي حولي ..
وبالعاده هالحاله تصيدني لما يكون حاصل لي موقف ومعصبني بدرجة كبيره فيعتفس خلقي حزتها ..
بس احاول اني اتجنب هالعفسه الخلق بتجنب الاخرين ..

طرح رائع منك .. اميرة المرح ..
ألف شكر لك ع المشاركة الاكثر من روعه ..
الله يعطيك الف عافيه ..
بانتظار الجديد ..

تحياتي
دمعه حزن