قصة وحدة كانت تناظر واحد بعين قوية .

[ورده محمديه]

قصة وحدة كانت تناظر واحد بعين قوية .

السلام عليكم ورحمة الله

عندي لكم قصة,, تهز القلب شوي ..

قصة بنت كانت تطالع واحد بعين قويه
المهم الرجال طلع شاعر وما قصر فيها كم بيت عشان تتأدب
لكن المفاجأه هي ؟؟؟؟

اقرووا القصيدة اللي قالها وشوافوا ..

:

كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟


لا تعليق ..

[أمير العاشقين]

لا تعليق ,,,

شكراً اخيه

[الأمل البعيد]

الكلمااات جدا جميله ...
ومعناها أجمل ...
يسلمووو اخيه ع القصه وبالأحرى القصيده
تحيآآآتي
الأمل البعيد

[ورده محمديه]

امير العا شقين
الامل البعيد
مشكورين ونورتو صفحتي لا عدمناكم

[عنيده]

قصيده حلوووه ..



يسلموووو

[ورده محمديه]

منوره خيوه عنيده
لا عدمت هالطله
دمتي بود

[فاطمهـ الحبوبه]

بارككم الله
مشكوووورين

[ورده محمديه]

منوره خيوه
لا عدمت هالطله
دتي بود

[اللؤلؤ المكنون]

تسلمسن ياقلبي على القصة
بجد أحزنتني لمني دريت أنها كفيفة
موفقة ياااارب

[ورده محمديه]

منوره خيوه اللؤلؤ المكنون
لا عدمت هالطله ذمتي بحفظ الباري ورعايته