اللهم صلي على محمد والا محمد

إ عذروني لو كان اسلوبي في الكتابه ضعيف

كثير مانرى ونسمع من قصص الحب وكنت دائما اقول الحب شي جميل لكن ماظننت اني في يوم سوف احب فتاة او ادخل مدينة الحب مع فتاة لكن شاءت الاقدار واحببت فتاة من عائله متدينه .
الفتاة جميله جدا احببتها من اعماق قلبي بيني وبينها 8 سنوات هي صغيره لكن بعقل كبير جدا وهذا ليس مبالغه .
بيني وبينها رسائل جوال طوال اليوم من حب واخر الاخبار يعني بيننا تواصل على مدار الساعه، لا نتحدث مع بعض إللى قليل جدا .
ولأن مجتمعنا لايقبل بمثل هذه العلاقات فهناك مخاوف كبيره تنتابني خايف حبنا ينكشف واذا انكشف قد يقتلوها اهلها او يحدث لها اشياء مايعلم بها اللى الله . من حبي لها صرت اكتب في حسنها اشعار وكلام مليان احاسيس ومشاعر وكل كلمه اكتبها تطلع من قلبي .

بكتب لكم بعض الرسائل اللي بينا

كتبت لها أقول / خذ من قلبي كل حنانه ** وعطني قلبك امانه ** لاتقولين انك حزنانه ** ادري بعض القلوب تعبانه ** هاك عطفي وامتنانه ** شوفي جرئتي معك يالجبانه ** ذوبي في حبيبك واحضانه ** انت عنده ارق انسانه _

مره من المرات رسلت لها مو راضي يجيني نوم قالت لي سو مثلي وتنام قلت انتي وش تسوين قالت افكر فيك قبل لا أنام ، عجبني كلامها ورديت عليها بهالقصيده / يعلم الله ماغبت عن بالي لحظه ** انا كل يوم اسهر مع طيفك ** هذا الكلام من احساس قلبي والله ** اتذكر حسنك ورمش عينك وخوفك ** هذا حالي معك كل ليله .

مره كنت جالس وجاتني رساله منها تقول الرساله / ليتهم بعد موتي في بيتكم يدفنوني ** وتبكي على قبري بالنهار وكل ماحل السكوني ** وتقول هذا اللي امس كان مجنوني ... ردوه بس ثواني بين شجوني ** ويقولون الميت راح ومايقول اللى ارحموني .

انقهرت من الرساله ومن طاري الموت مع ان الموت علينا حق بس رديت عليها بهالرساله / الله ياخذ روحي قبل لا أشوف ذاك اليوم العبوس ** جعل يومي قبل يومك ولا أشوف الناس على قبرك جلوس ** أكيد بعد عينك كل البشر يحنون الروس ** ساعتها بيكون قبري عند قبرك ويزفونا مثل عريس وعروس ** خل قصة حبنا وعشقنا تدرس في المدارس مثل الدروس _


ومن رسايلها لي / في كل لحظه انت معاي موجود ** طال عمرك غلاك غير محدود ** حبك بقلبي وماسكنه غيرك مخلوق ** الله لا يفرقنا ياأغلى ماعندي بهالوجود _ تبي الصراحه احبك بجنون .


----------------------------------
مره من المرات كانت تبي تنهي علاقتنا كانت تبي تتركني تدرون ليش لأنها ملتزمه ماتبي تكمل الطريق معي خايفه من رب العباد ، حزتها عورني قلبي وترجيتها ماتروح قلت لها اللي في قلبي علمتها احساسي صوبها وقالت لي انا بعد ماودي أتركك بس علاقتي فيك غلط قلت ادري بس ... / المهم حاولت اقنعها بشتى الطرق واقتنعت


هالبنت احبها حب طاهر ونيتي صافيه .

وللحديث بقيه


(( الجاي افضل ))


تحياتي للجميع