كريقة عمل الاكسسوارات المميزة ..
رد مع اقتباسهو عبارة عن ميدالية ممكن تتحط في قلم زي كده
[IMG]http://img401.**************/img401/8227/b0007tf7.jpg[/IMG]
أو حتى نحطها في الموبايل
نبدأ كالعادة بالخامات اللي هنستخدمها معانا
[IMG]http://img49.**************/img49/1605/b0001tt3.jpg[/IMG]
هنجيب سلسلة باللون الدهبي أو الفضي زي ماتحبوا
بس طبعا المهم لون السلسلة يكون نفس لون الأسلاك اللي هنستخدمها
وهنستخدم مجموعة من الخرز الشفاف زي الموجود في الصورة
بمختلف أحجامه
اتنين لونهم موف كبار
ومجموعة ألوان على زوقكوا حجمهم أصغر شوية
ومعاهم خرزتين زي اللي استخدمناهم في الحلق
واتنين غيرهم برضه بشكل هندسي كده زي مسدس هندسي زي مانتوا شايفين في الصورة
وغيرهم ست خرزات لونهم دهبي على شكل وردة زي ماحنا شايفين في الصورة برضه
وفاكرين الدبابيس الغير مدببة اللي قولنا عليها قبل كده؟؟
هنستخدمها بس حجم أكبر شوية
وهنسخدم كمان قطعة اكسسوار دهب جواها زي جلد اسود أو كاوتش
عشان نلفها على أي حاجة عايزينها سواء سلسلة صغيرة للموبايل أو على القلم
ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات
ومع الخامات دي هنستخدم مجموعة أدوات تسهل علينا شوية في تشكيل المعادن
أولها طبعا الزرادية وغير كده كمان حاجة شبه البنسة برضه بس أساسها كاتر
يعني بتقطع المعادن وشكلها زي الصورة دي
لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده
وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات
[IMG]http://img187.**************/img187/7035/b0002lp6.jpg[/IMG]
ودلوقتي نبدأ مع بعض
نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة
[IMG]http://img49.**************/img49/9007/b0003jk0.jpg[/IMG]
بعد كده هنجيب السلك وندخله في ناحية من الاكسسوار بتاعنا
وبعدين نلفه على السلك الناحية الأولى بالشكل ده
[IMG]http://img401.**************/img401/6996/b0004vf4.jpg[/IMG]
الجهة التانية من السلك اللي مش مربوطة بالاكسسوار طبعا هنربطها بالسلسلة
اللي عملناها بالخرز في الأول
وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه
واللي هيتم ربطها بالسلسلة
[IMG]http://img401.**************/img401/5555/b0005mp2.jpg[/IMG]
وفي النهاية بيكون شكلها كده بعد مانحطها على القلم بتاعنا
[IMG]http://img49.**************/img49/8687/b0006ny2.jpg[/IMG]
وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا
============================
حلق شكله جديد موت
[IMG]http://img401.**************/img401/5011/d0001wh7.jpg[/IMG]
وكالعادة هنبدأ بالخامات اللي معانا
أول حاجة معانا هنجيب سلكين معدن أتخن من اللي استخدمناهم قبل كده
تخنه اتنين مللي تقريبا أو مللي ونص
[IMG]http://img401.**************/img401/1060/d0002up6.jpg[/IMG]
عشان نعمل بيهم الشكل الأساسي للحلق اللي معانا
ومعاه الحلقتين أو المعدنين اللي بيتركبوا في أي حلق عشان نلبسه في ودننا
وزي ماقلت قبل كده ممكن نشتريهم جاهزين أو نعملهم بادينا بالزرادية
بعد كده هنحتاج خرزتين على شكل اسطوانة صغيرة زي اللي في الصورة
وأربع خرزات صغيرين باللون الدهبي
ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن
[IMG]http://img187.**************/img187/6233/d0003hv7.jpg[/IMG]
الجديد دلوقتي هو الشاكوش (شاكوش؟؟)
أيييوة
[IMG]http://img187.**************/img187/9559/d0004dn2.jpg[/IMG]
شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه
يعني لو مالقيتوهوش مش مشكلة أي شاكوش وخلاص
ومعاه قطعة معدن عشان ندق عليها السلك اللي هنشكله
طبعا لو عندكوا بدالها ترابيزة متينة (مش محتاجينها) مافيش مشكلة
نيجي للطريقة
هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي
[IMG]http://img49.**************/img49/8947/d0005ms1.jpg[/IMG]
بعد كده نبدأ نتني السلك ونركب فيه الخرز بتاعنا
زي الصورة كده
[IMG]http://img49.**************/img49/2386/d0006wd8.jpg[/IMG]
وبعد مانحط الخرز في السلك نبدأ نلفه من طرفه التاني
عشان يقفل على الخرز بالشكل ده
[IMG]http://img187.**************/img187/8017/d0007gr4.jpg[/IMG]
طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة
أكيد هيبقى شكله ملخبط وملوي من كل حتة والحلزونة جاية يمين ورايحة شمال
هنبدأ ندق عليها بالشاكوش عشان تتفرد وشكلها يتظبط
كأننا بنكويها يعني
[IMG]http://img187.**************/img187/9829/d0008ho5.jpg[/IMG]
في النهاية بيكون ده شكل الحلق
[IMG]http://img187.**************/img187/2295/d0009cm6.jpg[/IMG]
والطريقة بسيطة وسريعة في نفس الوقت يعني مافيش أحلى من كده
[IMG]http://img401.**************/img401/5011/d0001wh7.jpg[/IMG]
================================
ها شرايكمـ يابنات
..][..تحيـــــــــــــــاتيـ..][..
المشاركة الأصلية كتبت بواسطة اللؤلؤ المكنون
المفضلات