لو ما فيه رطوبه ويش يصير؟؟؟؟

[ملكة سبأ]

بسم الله الرحمن الرحيم

اللهم صل على محمد وآل محمد الطيبين الطاهرين

اللم صلي على محمد وآل محمد الطيبين الطاهرين

من العنوان ....مبين انه عن الرطوبة

وقربت أيام الرطوبة والحر الخانق
قربت والله المعين يامجير يارب

بس مو كل رطوبة والخواهر والفطسة مو زينه
إلااااااااااااااا كلهاااااااا مو زينه ما طيق الحر

صحيح الواحد ما يلحق يتسبح الا وهوه متسبح مره فانية
وما يلحق يطلع الا من راسه الى رجايله عرقات ونشاف رايح ونشاف راد

و......و.........و...........وحاجات وايد ........بس

تخيلوا ما فيه رطوبة ويش بيصير ......
ويش بيصير

- ما فيه لومي قطيفي اللي يرد الروح ويا النعناع ...بااااااااارد ...قريب بيفلج ...أيباااااااااه
عادي في ليمون غيره

- ما فيح جح ( رقي ) ( يح ) ( حبحب ) والاسم اللي يعجبكم قولوه ...باااارد وعليه شوية ليمون ورشّة ملح وتاكلح بااااااااااااااااااااااارد
جح وعليه ليمون وملح اكيد هذا من ابتكارك خيو

- رطب أشكال والوان ...من البشيرات الى الغرّرررى ...الى الخلاص والخنيزي وغيرهم وغيرهم ......سحارة رطب ويا قهوه مزبوطه ....ولا قلاص لبن ويا رطب منوصص ......أيباااااااااااه
اما هذا خيومعاك حق ياحبي للرطب

- تخيل سمك ميد مشوي ويا عيش أبيض وعليه دهنه .....أحلى الميد في ذيك الايام ...اذا دقت الرطوبة عدل ....وعليكم بالعافيه

- صافي مقلي .....صويفي مشوي .....تاكل كده بدون عيش ولا على هواك بالعيش .....في أي وقت ...والحين بعد ما يقصوروا الشباب في كل مكان يبيعوا .....وحلاوة الصافيه في دقة الرطوبة ....طرية ورخيصه ....
يعني خيو ابو زين انت مشتهي هالأكلات الطيبه وجالس تشهينا بعد صرت اتمطق خخخخخ

حاجات واااااااااااااااااااااااايد تجي ويا الرطوبة بس هالخواهر والحر والرطوبة تغطي على كل شي صح

بس الواحد اذا فكر مزبوط بيشوف ان الرطوبة ....معاها حاجات وااايد حلوه
( صحيح أنا من عشاق حاجه إسمها برد وفلج بس ...هذا جونا ولازم نتعايش وياه )

وأهم شي النفوس الطيبه

وفمان الله

كل رطوبة وانتون سالمين

كل صيف ورطوبة وانت سالم خيو وانتبه من الشمس لاتجيك بعصاتها وتضربك .
طرح مميز وباسلوبك المميز دائما شكرا لك خيو ويعطيك العافية