أنوااع الشباب في النت!!!

[شاري الطيب]

المرحلة الاولى:

طبعا العمر يتراوح من 22 الى ما فوق ... وتلاقينه اول ما يدخل هاي ممكن
نتعرف انا فلان ومن المكان الفلاني وتحسين ان فيه حنفيه معلومات انفتحت
واي شي تقولينه له يقولك يعني شنو مو فاهم وبعد كل كلمة يقولج اصلا انا يديد عالنت

والنوعية هذي تنقسم لقسمين :
1- يا اما متحمس وحط بمخه موضوع النت ويبي يتعلم
2- يا اما سمع من ربعه عن النت والبنات وياي يجرب حظه



المرحلة الثانية:

الي يقعد على النت بس مو وايد

النوع هذا كل كلامه انا مشغول وايد وماحب اقعد عالنت وايد والكلام هذا وبعد ما
يتكلم شوية يقولج ممكن نكمل الكلام في التلفون انا اصلا ماحب النت
ومالي خلق اكتب

والنوعيه هذي تنقسم الى قسمين:
1- يا اما انه يفصل ويرجع باجر يطلب مثل الطلب
2- او انه تكون عنده عزة نفس ويعصب ويقولج سويلي بلوك ودليت




المرحلة الثالثه:

الي قاعد على النت ليل نهار
هذا شرحه يطول وينقسم لعدة انواع


1- الزعول

هذا قاعد وحاطط ايده على زرار الزعل اي شي تقولينه تكونين قاصدته
او تقولين اي شي عقبها يقولج عطيني رقم تلفونج
ولما تعتذرين يقولج هذا ويهي اذا كلمتج مره ثانيه وراح اعطيج بلوك
نصيحه مني من اولها عطيه بلوك


2- ابو دم خفيف

هذا حالته حاله ماتدرين منو قاص عليه وقايل له انه دمه خفيف
والمفروض لي قط قطات تضحكين وياويلج ان ماضحكتي على ملاقته


3- المودي-المزاجي

هذا شخصيته متنوعه على حسب مزاجه كل يوم تحسين انج تكلمين واحد غير
عنده انفصام بالشخصيه اليوم زين وباجر مو زين
ومره حده كيوت ويونس ومره غثيث وماينبلع يعني الله يعين


4- اللزقه

هذا يبيله شوي توقفينه عند حده كل كلامه وينج؟وين كنتي؟وين رحتي؟شسويتي اليوم؟
ليش تتاخرين بالرد؟انتي تكلمين واحد غيري؟
ولو قلتي له بررب شوي يقولج وين رايحه؟وشحقه؟وحق منو؟وبتتاخرين ولالا؟


5- الناصح

هذا كل كلامه نصايح اي كلمه تقولينها عليها نصيحه وفي عرض لو قلتي كلمتين
راح يعطيج خمس نصايح مجانا والعرض مستمر حتى نفاذ الكميه


6- دونجوان

يقولج انا فيني جمال مو طبيعي وكل البنات منعجبين فيني ويحبوني
ويقولج ان كل بنات الكليه ودهم يتعرفون عليه وكله يقطون عليه كلام بس اهو ثقيل
وكلامه حيل ثقه انج انتي منعجبه فيه وتبين تحبينه واهو اللي متثيقل عليج


7- محروم بنات

هذا تلاقينه لو في قروب او جات او منتدى يكون كل تركيزه على البنات
احلى شي لما يحسب هالاسم لبنت ويسوي افلام وقصص حب اخر شي يطلع رفيجه


8- الجذااااب

الجذاب وياكثر هالنمونه بالنت تلاقين كلشي قايله لج جذب بجذب من اسم وعمر وسكن وجنسيه وغيره من اشياء
نصيحه مني قولي له يغير اسمه الى مسيلمه الكذاب


9- العبيط

هذا كل شوي حاط صورته يا يشرب يا ياكل يا يلعب باللاب توب
وهم كل شوي يبطل لج الكام تحسين ان ماله اي هدف


10- بابا اوبح

هذا تلاقينه من سنه95واهو عالنت ويمكن تزوج وياب عيال
وللحين يتعرف على بنات ويقنعهم انه صغير وللحين ماتزوج
ولو جربتي تكلمينه من ايميل ثاني راح تلاقين قصه مخالفه للي يقولها لج



منقووول

دمتم بوود

[دمعة على السطور]

اي والله أشكال وألوان
الله يكافينا شرهم يارب...


بس البنت اللي بتتعرف عليهم
بعد هي اللي بتكون عطتهم وجه من البداية
هي السبب
والغلطة غلطتها
لو كانت محترمه
ماأحد يتجرأ عليها بكلمة...

عشان كذا تلاقيهم يلعبوا بالبنات...
ولا بالاصح البنات اللي كذا
هم اللي يلعبوا على أنفسهم ..



يعطيك العافية أخي الكريم شاري الطيب...
ستر الله علينا وعليكم
وحفظنا من شرار خلقه...
موفق لكل خير إن شاء الله تعالى...
..دمت بعين الله ورعايته..

[همس الصمت]

يعطيك العافيه اخوي شاري الطيب على الموضوع ..
وبقولكم عن قصه صارت لي على النت
من فترة جتني إضافه من ايميل غريب
وانا قبلت لاني قلت يمكن وحده من صيقاتي ،
وظليت فترة ما شفت صاحب الايميل شابك وجى يوم وشفته وبتدى يتكلم معي
في البدايه على انه بنت بس بمجرد انه عرف اني بنت قلب الموجه وقال لي انه ولد وانا اساسا عرفت من البدايه انه ولد لان الاسلوب اسلوب اولاد من الصرامه والالفاظ
المهم قام يسولف عن نفسه والا هو راسل لي رقم جواله وقال لي كلميني لاني ما احب اقعد على النت واجد ولان اساسا انا اشتغل فمو فاضي للنت ،،
رديت عليه وقلت ليه مو اكلمك راح اعطيك بلوك اصلاً ومن يومها حذفت الايميل
وبصراحة هددته ان لوجتني اضافه من ايميل غريب راح يشوف شغله بس من يومها
والله لاشفته ولا شفت ايميلات غريبه جتني ..
والحين لما قريت الموضوع ذكرته و حسيت ان المرحلة الاولى والمرحلة الثانيه ينطبقون عليه مرة ..
الف شكر اخي لطرح هيك موضوع ,,
خالص التحايا العطرة ...

[شاري الطيب]

دمعة على السطور
همس الصمت
الله يعطيكم الف الف الف عافية
بصراحة دائم منورين صفحاتي
الله ينور قلوبكم بالايمام
تحيااااااااتي للحميع

[عذاب المشاعر]

تسلم خوي
شاااري الطيب
موضوع جداا جميل
بصراحه هذا إلي قاعد يصير الحين
الله يستر على جميع المسلمين
تحيااااتي
صوت الاكرف

[شاري الطيب]

صوت الاكرف
صفحاتي منوره بوجودك
الله ينور ايامك بالايمان
تحياااااتي