ميني كلوب ساندويتش::<<واقلبووس((تصويري)),,



السلام عليكم ورحمة الله وبركاتة

شخباركم حبيباتي؟؟شمسوين؟؟
إن شاء الله تمام؟؟

سويت ميني كلوب ساندويتش وطلع يدنن واااااوس عليه صغنون,,,
وحصلت ع الوصفه من النت من أحد المواقع لقيت بنت خالي فديتها حاطه الموضوع قمت تحمست وجربته وصورته وكعادتي جبت الصور اسدحها هينا لعيونكم الحلوه,,,

نبدأ بالمقادير:
خبز توست
خس
مرتديلا
جبن شرائح
مخلل خيار
زيتون محشو
أعواد خله (أعواد تنظيف الأسنان),,,
**قليل جداً من المايوزيز والكاتشب,,,

الطريقة:
**هذا سلمكم الله جبت الخبز التوست وقطعته بالأقماع ,,,(الأداة التي نلف عليها عجينة الأقماع),,دوائر طبعاً,,,
وقطعت الجبن والمرتديلا والخس بنفس القطاعات وإذا تعذر وجودها عندك استخدمي اي شي دائري قطعي فيه (غطاء علبة مثلاً),,,
وقطعي المخلل شرائح رقيقة,,,
**بعد كذا صفي دوائر الخبز المقطعه في صينيها وحمريها بالفرن تحمير خفيف من جهه واحده فقط (استعملي شعلة الفرن العلوية تبع التحمير ),,,
**لما تتحمر خذي كل دائرتين و ع الوجه اللي ماتحمر ادهني دائرة بقليل جداً جداً من المايونيز والدائرة الأخرى بقليل جداً من الكاتشب ,,, وضعي بينهما المقادير المتبقية ماعدا الزيتون,,,
**يعني تصير طبقات ولما تطبقين عليهم الخبزتين تجيبين عود الخله وتغرسينه بزيتونه محشوه ثم في الطبقات عشان يثبتها,,,
والصورة تشرح نفسها,,,

هذا الشكل النهائي لها,,,



وهذي صورة أقرب شوي (طبعاً بتلاحظون ان فيه شي مرتكز وشي ع جنب هذا سلمكم الله عشان تشوفونها من الجهتين <<يمديكم ؟)



أتمنى تكون أعجبتكم وأدري أنها سهله وماجبت شي جديد بس قلت تشاركوني بحركتاتي البسيطه ,,,
ملاحظه//اللي ماتحب المرتديلا ممكن تسويها من دونها أو تحط بديل لها,,,

دمتم بخير

منقول لعيونكم الحلوه