تقول اصبر ولي عامين كاظم عبرتي بأسكات
احس إن الزمن يجري ولا أنت بحالتي داري
دخيلك ما بقى بي صبر يكفيني كثر ما فـات
أنا وان طالت الفرقى عليه شلـت أفكـاري
أنا مليت من حاجة تسميها صبـر لحظـات
ولا عاد احتمل لحظات بغيابك عن أنظـاري
حياتي من ابعادك ما لهـا طعـمٍ ولا لـذات
لهيب الشوق يحرقني ويشعل بالحشى ناري
اذا عيوني جفاها النوم وعيونك تعرف تبات
اناجي صورتك وابقى معاها ساهـرٍ سـاري
أعيش بعالمٍ مظلم عذاب وغربه وحسـرات
لك الله كني بعزلـة سجـون وطـرد زواري
ترفق بي وحس بربع ما احسه من معانـات
ترى وقت التغلي راح مع بوحي لك أسراري
أمانة لا تعذبني ترى ما ظـل لـي حيـلات
اخاف من القهر موتي وتأتيك أخر أخبـاري