يوميات خدوج ورجلها علوان ........

[واحد فاضي]

خيتي للدموع إحساس مرحبتين

مساكم الله بالخير ..
مساش الله بالخير والكرامه

كيف الأحواااال .. بخير .. أن شاء الله ..؟!
الحمد لله رب العالمين
عن جد تسلم يا أبو زييين ..
سوالف تشرح الصدر والله ..
الله يسلمش خيتي
شرح الله صدرش ببركة آل بيت النبوه ان شاء الله
لكن كشخة .. خدوج وعلوان ..
عجبوني .. هههه هههه هههه هههه ..
بس عاد أخوي .. بسك تشويق ..
الكشخه حضوركم الكريم خيتي
التشويق لازم خيتي ههههههههه
ترى أقعد اليوم هنا قعدة أحقر المذاكرة وعلى الله ..
لا لا خيتي الزم ما عليش المذاكره
والسوالف موجوده خيتي ان شاء الله
هههه هههه هههه هههه هههه هههه هههه خوب أني ما انحد أبدا ..
هههه هههه هههه هههه هههه هههه ..
ههههههههههههههههههه
هههههههههه
لكن خدوج .. جخه.. تسوي روحها خايفة على رجلها وما تبغاه يكسب ذنوب ..
وهي خرطي .. مي راضيه على صديقتها .. نسوان لول .. ما يعرفو يشلخو أبدا ..
طيبين ، حلوين نسوان لول
على نياتهم
حزة ما يمبوا ينصحوا قالوا اللي عندهم واذا جيت نصحتهم
ما عندك أحد يسمع أبد ههههههههههه
لا بعد علوان .. للحين يتذكر أم عبوووود من يوم هو صغير .. مو هين الأخ .. خخخخخخ ..
هذا ذاكرته سته على سته ههههههههههه
لكن صدق ..
أم عبوووود لويش جاية تسوحب في الجاهل .. حراااااام ..
صدقو إلا قالو انها صديقة أم جسوووم ..
مهي صديقتها ، ماخذه من عندها شوي ويا رجلها علوان بعد هههههههه
تصقع إبليس ونحاستة ..
ربي يصقعه صقاع
خيووو ..
ربي يعطيك ألف عااافيه ..
وما عليك أمر ..لا تطول .. وايد .. خلني كل ما يضيق صدري من المذاكرة أجي أشوف السوالف ..
الله يشرح صدرش بحق محمد وآل محمد ساداتي وقاداتي
صلوات الله عليهم أجمعين
وتنفتح نفسيتي للمذاكرة .. نحن بإنتظار نعرف ليش لا مو ليش .. لاويش ؟!
لاويش اكييييييد
هههههههههههه
ان شاء الله بعد شوي نحط الجزء الفاني ههههههه
والله ماني عارفة ويش أقول لك ..
تخجلنا صدقا جهودك الرااائعة داااائما ..

لا عدمناااااااك ..
دمت متألقا دااائما ..
تحيااااااااااتي ..

للدموع إحساس ..

لك خالص التحيات وجميل الامنيات

فمان الله

[واحد فاضي]

خيتي أمل الظهور مرحبتين

<<اخيرا لحقت على قصه من اولها

ههههههههه
يا هلا ومرحبا خيتي
والله احس قصصك كلها اكشنات وحماسيه حييل
اهم شي تعجبكم خيتي

مالت علي وعلى وجهي لاني اتاخر عن اول الاجزاء في كل قصصك
لا لا خيتي ماااااااااااالت عليش









أغصان الجنه ان شاء الله

فماابي اكون عفيسه في مريسه
هههههههههههههه

بس هالمره ان شاء الله بتابعها جزء جزء
نتشرف بتواجدش خيتي

عجبتني خدوجه مو راضيه على صديقتها وتقول لاتتكلم على خلق الله

نصيحه من خدوج على الطاير هههههههه
وعلوان حافظ ام عبيد عدل عدل وتنباؤاته طلعت قويه وشكلها كارثه صارت بيت بنتها
هذا علوان والأجر على الله

ابو زين ربي يعطيك العافيه

الله يعافيش ويسلمش خيتي

تقبلي خالص التحيات وجميل الامنيات

فمان الله

[واحد فاضي]

قام حجي علوان بوزاره وطلع عند الباب
الا جارتهم أم عبدالله تسوحب في جاهل عندها وبتها لاحقتنها ورجل بتها يصارخ عليهم
وصايره الدنيا عفيسه في مريسه

وطلع الحجي علوان بوزاره وراح على طول لرجل
بت أم عبود ومسكه من إيده
وسحبه لبيتهم

حجي علوان :-خير يا حجي ويش فيكم
الرجال :-ويش اللي ما فينا
حجي علوان :-خير خير قول لينا ويش فيك يمكن نقدر نسوي لك شي
الرجال :-قاعدين في حالنا لا علينا ولا الينا شوي الا عمتي داشه علينا وإحنا على السفره
قلت ليها تفضلي عمه ، قالت فيه العافيه
وقعدت على الكرفايه وتطالع فينا وإحنا نتغدى
وقامت تقول وتغمّز وتلمّز

هداويش هالاكل ، الحمد لله ...كنه أكل فقارا
ما فيه لا دهنه ولا شي
ويش هالسمش اللي جايبنه لبتي ،
قلت ليها هيه اللي مشتهيتنه يا عمتي
قالت ليي أيه الا قول مستبخل مو هيه اللي مشتهيتنه
وسكتت عنها
قامت تقول ...يعني غداء لا وياه رويده ولا جرجيره ولا شي ياااااااااااااابس مرررررررره
وكل شوي تتحجج وكل شوي قايله حاجه
لامن زاغت روحي منهالحجي وقمت من على السفره
ورحت المطبخ وشغلت الدافور با أسوي ليي شاي
شان انشغل عن حجيها
بس ما خلتني ...جت ورايي المطبخ
قامت تقول ليي ..يعني بتسوي لك شاي قول تفضلوا ولا يعني ما نستاهل يعني ولا ويش
قلت ليها مو كده يا عمّه ..انتين من زمان ما تشربي شاي وتقولي يجيب لش عوار البطن وما أدري ويش
قالت لي ..ايه قول مستبخل موه
سكت عنها ولا رديت لا بخير ولا بشر
وعودت الليوان وقعت على الكرفايه
راحت لمرتي ووسوست فيها وسوست فيها لامن خلتها تنقلب فوق تحت
ما شفتها الا جايه ليي تقول ليي
انته من زمان ما جبت ليي ذهب وبصراحه أني أمبى قلاده ذهب ولا با أروح بيت أمي
ومن سمعت أمها هالكلمه ما شفتها الا ماخذه زبيل لفياب وساحبه ولدي وماسكه عباة مرتي وسحبتنها وياها لبرا البيت ، ودانا مفل ما تشوف

وقام الحجي علوان يهدي بال الرجال ويصبره
وقام راح لمرته خدوج

علوان :- شفتي ويش مسويه هالنحيسه ، طايحة السنجه
خدوج :-ويش مسويه بعد ، أكيد رجل بتها مسوي بليه
علوان :-ايه هيه خرابة بيوت ما تهون عن فعايلها
خدوج :-داني با أروح ليها وبا أشوف السالفه
علوان :-روحي ليها وخليش واسطة خير
خدوج :-اللي يكتبه الله يصير

وطلعت خدوج وراحت لأم عبود ودشت عليها
بيتهم وشافتها قاعده ويا بتها
وقامت أم عبود لخدوج ورحبت فيها ومسّت
أم عبود :- شفتي الرجال ويش يسووا في حريمهم
خدوج :- خير خير يا وخيتي ويش صاير في البنيه
أم عبود :- ويش صاير فيها ، مكسورة خاطر ولا حدا جايب خبرها
خدوج :-الله لا يكسر ليها خاطر أبد بجاه
النبي وآل النبي يا رب
أم عبود :-الله يسلمش يا وخيتي
خدوج :- ويش صايرالحين
أم عبود :- لبنيه تمبى من عند رجلها صوغه
ماهوه جايب ليها
خدوج :-شااااااااه رجلها مسافر يعني
أم عبود :-لا مو مسافر ولا شي ، شانز البيزات على قلبه شناز ، ولا يطلع منهم ولا آنه ولا ربيه
خدوج :- ويش عرفش يا وخيتي انه ما يطلع شي
أم عبود :- أجل قاعدين يتغدوا سمش وياف ويا عيش أبيض ما عليه ولا تشة دهنه ولا فيه رويده ولا حتى جرجيره
خدوج :- يمكن بتش اللي مشتهيه هالأكل
أم عبود :-لا لا ويش تقولي ، بتي تمبى تاكل وياف
ما فيه صافيه ولا قرقفانه
خدوج :- يالله يا وخيتي لا تكسري بخاطرها وخليها تعود بيت رجلها
أم عبود :-ما تعود الا بصلحه والله
خدوج :-على ويش هالصلحه
أم عبود :- ايه تطلع من البيت وتعود بلا صلحه ما يصير
خدوج :-براحتش ، زين ويش تمبي صلحتها
أم عبود :-ما فيه الا قلاده ذهب
خدوج :- خلاص با أروح أقول لرجلي
وان شاء الله يصير خير

وطلعت خدوج من عند أم عبود وراحت للحجي علوان وقالت له شرط أم عبود لرجلها
خدوج :-وتقول لك يا حجي ما بتخليها
تعود الا بقلاده ذهب
الرجال :- أجل قولي ليها خليها تخيس عندش
خدوج :-منهيه اللي تخيس عندها
الرجال :- منهيه بعد بتها
خدوج :- لا لا ، مايصير تقول هالشكل يا حجي
الرجال :-يعين يصير اللي تسويه عمتي ، لا يرضي
الله ولا خلقه
خدوج :-ما عليه تحمل يا حجي
الرجال :- قولي ليها كده وبتشوفي
خدوج :- خلاص أني با أقول ليها ويصير خير

وردت خدوج لبيت أم عبود
خدوج :- يقول الرجال خلي بتش تخيس عندش
أم عبود :- ويش يقول ، زين با أخليها عندي وقولي له لا يحلم يشوفها
وطلعت خدوج من عند أم عبود وراحت لرجل بتها وقالت له باللي صار
فقام وطلع من البيت وراح في حال سبيله

علوان :-ما قلت لش ان أم الخضر والليف خرابت بيوت له
خدوج :- انا لله وانااليه راجعون ، وإحنا ويش علينا منهم
علوان :-ويش علينا منهم وانتين رايحه راده من عندها
خدوج :-هذي في صلاحهم مو لفتنتهم

وشوي ما سمعوا الا صوت صراخ ونواح بعد


من هيه الا تصارخ وتناوح ؟؟؟

نشوف بعدين !!!

فمان الله

[نور الهدى]

اللهم صلي وسلم وزد وبارك على محمد ول محمد

دووووووووووووووووووم هالتميز يا رب

سوالفك خيي ما تنمل وعجيبة

تخلينا نرجع لايام اول

شرايك خيو نسويه مسلسل وانا بمثل دور ام جسوم القشرة وام عبدالله النسرة

هههههههههههههههههه

ادوارهم اكشنات

الله يوفقك يا رب

اتمنى جد على جهودك الرائعه تظهر على السطح واكيد النجاح بيكون حليفك

والله يخليك لنا يا رب

ونتونس بسواليفك وطلاتك ومواضيعك المتميزة

[سـلـوان]

يـــا حليلهــا خـدوج ضـايعة بينهــم..
هع أكيـد أم عبـود خــاربة بيت ولـدهــااا أو بتهــااا تبغى ترجع إلى زوجهــااا وهي مش راضية..
<<عاشت مع الأحـداث..

يعطيك العــافية وبـ إنتظـار التكمـلة..

[همسات وله]

يسلمو خيو ابو زين

شي حلو والله

بس على كيفها تتشرط ام عبود

راحت والله عليهم بس منهاااا

يلا ابو زين في انتظار الباقي

الله يعطيك العافيه

ويااارب ماننحرم من سوالفك العجيبه

تحيااااتي

[فرح]

مسكين هالرجااال ماتهنه بغذاه ولا بالشاي بعدصدق مره قشره
خربت بيت بنتها ..الا خيي ويش نوع هالسمك الايسمعني اعرف انواااعه ههههه
لان الاسم اشوي غريب لو الهجه حقك خيي ......
خوش بنت مطيعه سمعت كلام امها ماصدقت خبر
اي جديه بنات لول مطيعات طاعه عمياء خخخخخخ
طلع علوان استحي حجي علون فاهمنها زين وصدق في كلامه
ياترى شو هالاصوااات اتوقع بنتها تصيح تمبى رجلها هههههههه
يعطيك العااافيه خيي ابو زيــــــــــن
وننتظر التكمله بشووووووووق

[للدموع إحساس]

مساكم الله باالخير ..
شخباركم اليوم ..؟! عساكم بخير ..
أم عبووووود ..
ناويه على خراب بيت بتها نااااويه ..
ما شافت ليها شي قامت تعلق على غدا الرجاااال ..
تدور ليها بس شي علشان تسوي منه سااالفة ..
إلا بتها ما فيها لسااااان لويش ما تتكلم وتقول أن هي إلا مشتهيه هذي الأكله ..
.. ... .. ... .. ... ..
خوش شي .. الأم تسوس في بتها .. قلادة ذهب .. وخرابيط ..
ما ادري ويش مستفيدين من هاالذهب ..
إذا كان بيجي على حسااااب راحتهم .. الله يغربل إبليس .. والله ..
ناس ما عندها سالفه إلا خراب البيوت ..
وصدق حجي علوان .. خرابه بيووووت .. أم السعف ولليف .. قااااهرتني ..
لكن البنيه مسكينه .. حرام تروح ضحيه خرابيط أمها ..
لكن شكله رجلها يعرف لأم مرته ..
شكله واثق أنها بترجعها .. إذا قال ليها خليها تخيس عندش ..
هههه هههه هههه هههه هههه هههه هههه هههه
ضحكني .. خليها تخيييس عندش ..
بعد صراخ ونواح .. الله يدفع البلا .. عنا وعنكم وعن المؤمنين ..
ويش صاير بعد ..؟! أكيد ورا هاالصراخ أم عبد الله ..
ما في غيرها .. المهم مو مسويه في بتها ولدها شي ..
الله يستر ..
أبو زييييييييييييين ..
ربي يعطيك ألف ألف ألف عاااااااافيه ..
بوركت جهودك خيووو ..
جاااااااااااااااااااري الأنتظار ..
لا عدمنااااااااااااااااك ..
تحيااااااااااااتي ..
للدموع إحساس ..

[أمل الظهور]

سلام ..


والله هالام عبيد شكلها داهيه وقواة عين رايحه لهم وقت غدا وقاعده

بقبالهم تعلق وتتحجج



مسكينه البنت تلاقيها فرحانه بهالاكله وخاطرها فيها من زمان وجات امها خربت عليها..


ولا تهنوا لا بغدا ولا في شاي ..


ولازم قلادة هالذهب ومااختارت الا الشيء الثقيل على الاقل قالت خاتم حلق الواحد اشوي اشوي


مو على طول قلاده




بل بل عليها اذا رجل بنتها وهالسوالف معاه اجل مرت ولدها الله يعينها

<كسرت خاطرها من الحين






في إنتظار مصدر وسبب النواح <<الله يستر



ربي يعطيك الف عافيه وعلى القوه

[همس الصمت]

بسم الله الرحمن الرحيم
السلام عليكم ورحمة الله وبركاته

يسلموووووا خيي على القصه
بجد حلوه ..
ما احب النسوان الي مثل ام عبدالله
خرابين بيوت ,,
ما اقول غير الله يعين الكل عليها ,
وشكله بيت بتها اخترب خلاص ،
ياربيييييييييييييييييييييييييييييي
ويش تسوى عليها قعدت بتها في البيت عندها ،
والي قاهرني الاوه بتها ساكته ماترد <<لايكون طرمه

الله يعطيك الف عافيه ابو الزين ,,
وعلى احر من الجمر في انتظار البقيه
لا تتأخر علينا ...
تحياتي لك ،، همـس الصمـت ..

[ملاك الورد ..~]

مرحبا خيي
يعطيك الف عافية
اشوفك خيي حاط على الحريم حطة
كله مطلعنهم شينات في سوالفك
ويش هالتحيز ...ها<<< ناوية تكتب سالفة فيها البطل شين
_______________
وهذي ام عبود الله يهديها رايحه حزة القايلة لبتها بس تتعيلف
حشى مو مرة هذي سوسة
تتحيجج على الغدا وعلى الشاي
ومرة وحدة قلادة ذهب
ويش دخلش بين الرجال وحرمته يالملقوفة
يالله خلي بتش تخيس عندش
وتحملي ما جاش
يالله خيو بانتظار التكملة على أحر من الجمر
عشان نعرف ليش هالصياح والنياح
يسلمووووو

[نور الهدى]

يو وين خيو التكمله


اليوم جاية وليي نية اكملها القاها نفس الشي

عسى بس المانع خير خيو

[واحد فاضي]

وشوي ما سمعوا الا صوت صراخ ونواح بعد

من هيه الا تصارخ وتناوح ؟؟؟

هذي يا محفوظين السلامة أم عبدالله خرابة لبيوت
تسوحب في ولد بتها وراميتنه برا البيت

أم عبدالله :-روح لا ردك ربي بعد مقعدتنك في بيتي انت وأمك وتالي ما دورت الا دلة القهوه تكسرها
بنتها:-خلاص أماااااااه خلاص الياهل بيموت في ايدش


أم عبدالله :- جعله ما يعيش
بنتها:- هذا ولدي ، هذا وحيدي


أم عبدالله :- وانتين بعد يالله برا البيت ما أمبى أشوفش ولا مقابلش
بنتها:-وينه أروح أني بعد ، رجلي وخربتيني عليه وضنايي وبغيتي تقتليه

كل اللي صاير يسمعه حجي علوان وفي إيده النارجيله وهوه يشفط فيها شفط ويضحك ويكح
كححححححح كحححححححح

خدوج :- شوي شوي على روحك يا حجي لا تنفقع عيونك من الكحه
حجي علوان :- ما بنفقع الا عيون هالنسره الي ما هيه مخليه أحد في حاله
خدوج :-صل على النبي يا حجي ولا تتشمت في الناس
حجي علوان :-هذا مو تشمت يا الغبرا ، هذا اللي يسموه كحححححححححححححح
كحححححححح
كححححححح
خدوج :- خليني أروح أشوف هالمسكينه ويا ولدها

وراحت خدوج الى بت أم عبدالله وجرتها من عند أمها ويا ولدها ودخلتهم بيتها

وقعدتهم وجابت ليهم ماي وميوه

خدوج :-ما تشوفي شر يا أم حسين ما تشوفي شر
البنيه :-ويش أسوي اني الحين ويش أسوي ، لا رجل ولا أم ولا بيت ولا سكن

خدوج :-ما يهمش انتين كل شي وله خراجه ، انتين بس استهدي بالله
البنيه :-ونعم بالله

وراحت خدوج الى رجلها

خدوج :- قوم ، قوم روح جيب رجلها قوم خلنا نصالحهم
حجي علوان :- إنا لله وإنا اليه راجعون ، ما صار ليهم شي من تزاعلوا وأمها هالمينونه ما هيه مخليه ولا مبقيه على الرجال.
خدوج :-صل على النبي يا حجي ، الحين مو وقته
حجي علوان :-يالله آمنا بالله بنقوم يالله ، ولا نومتهم عندنا باشر تجي لينا هالمينن وتخبصنا ...ومو بعيد تمبى بعد من عندنا صلحه
وضحك الحجي ولبس فوبه وطلع
وقعدت خدوج ويا بت أم عبدالله

راح الحجي لبيت الرجال ودق الباب
ودق الباب

وقعد شوي ورد دق الباب

مر عليه جارهم وشافه واقف على الباب

الجار :- خير يا حجي ويش بغيت
حجي علوان :-أبو حسين مو هذا بيته له

الجار :-إيه هذا بيته بس هوه مو هنه الحين
حجي علوان :-ما تدري وين راح له

الجار :-اليوم من تشابق ويا مرته طلع وكني سمعته بيروح الى لنجه بيدش البحر
حجي علوان :-انا لله وانا اليه راجعون ، عز الله الا بتنا الليله في الطريق ، يالله فمان الله
الجار :- فمان الله

وعود الحجي علوان لبيتهم وهوه إيد وراء وإيد قدام ويفكر
وتوه بيدش البيت الا بطلعت أم عبدالله من بيتهم
أم عبدالله تصارخ بعدهيه وتدعي
ومن شافت الحجي علوان
أم عبدالله :- حجي ما شفت بتي من وينه راحت له
حجي علوان :-خير ويش فيها بتش ، ويش مدريني عنها
أم عبدالله :-انا لله وانا اليه راجعون خزا الله الشيطان
حجي علوان :-( في نفسه ) أحد يتعود من روحه هههههه
أم عبدالله :-ما يندرى الحين وينه واديها وينه أراضيها
حجي علوان :-دوري عنا الحين في هالقايله
أم عبدالله :-قريب لسلوم با أدور عليها ، الا ويش با أقول لك يا حجي
حجي علوان :-آمري
أم عبدالله :- بت حجي محمد في البيت
حجي علوان :-إيه في البيت بس أنا بعد في البيت وبا آخذ ليي غفوه
أم عبدالله :-وعلى ويش ما تاخذ لك غفوه
حجي علوان :-في الحوي با أنام
أم عبدالله :-يعني ما تمبانا له
حجي علوان :-ما أدري بس أنا با أنام في الحوي أبرد ليي
أم عبدالله :-قولها قولها ياحجي ، لا تستحي ..ما نمباش يا أم عبدالله
حجي علوان :-الله يصبرش يا روح
أم عبدالله :-أجل با أروح أشوف هالمدمور
حجي علوان :-منهوه بعد
أم عبدالله :-منهوه غيره طايح النص ، رجل بتي
حجي علوان :-إيه روحي أحسن لش
أم عبدالله :-أحسن ليي قال أحسن ليي ، ما با أخليه يرد بتي الا بصوغه
حجي علوان :-براحتش ، ويش عليي أنا
أم عبدالله :-يعني ما يمديني أشرب ليي فنجال قهوه ويا بت حجي محمد له
حجي علوان :-يا صبر أيوب
وبدون تفاهم دشت أم عبدالله بيت حجي علوان
ومن شافت بتها عند خدوج قامت تصارخ ؟؟؟؟؟؟؟؟؟


فمان الله

وآسف على التأخير

[للدموع إحساس]

مســــــــــــــــــــــــــــــاكم اللهـ باالخير جميع ،،
وأخيرا يا أبو زييييييييييين ،،
واللهـ أنا كنت ناويهـ أسوي مظاهرة في دفتر الغياب والأستأذان على سالفة التأخير ،،
بس ربكـ يحبكـ ،، تعطلت الشبكهـ يومين ،، وسبقتني ونزلت الجزء الجديد ،،
خلنا في القصهـ ،، لا أدوي راسكـ بـ هدرتي ،،
هذي أم عبداللهـ مي طبيعيهـ ،، علشان دلهـ تسوي كل ذا ،،
يا دافع البلا ،، ما صارات ،،
لا وتطرد بتها ،، خوش شي ،،
تخرب بيتها وبعدين تطردها ،،
خلها بتها الحين تحط أيدها على خدها ،، وتتندم على سوايها وسوايا أمها ،،
أما جحي علوان ،،
خوش شي ،، ويا نارجيلتهـ ،، ويتابع الأحداث ،،
بس الشهادة اللهـ باين رجال طيب ومرتهـ بعد طيبهـ ،،
عجبتني الطرده ،، محترمهـ إلي حصلتها أم عبود من حجي علوان ،،
ولا تستحي بعد ،، يعني مدام فهمتيها روحي ،،
إلا غصب تبغاه يغير رايهـ ،، خخخخخخخخخخخخخ ،،
لكن زين أنهـ ما خالف و تراجع عن قرار النومهـ في الحوي ،،
مع أني أدري أنها حجهـ ،،
إذا قلت لكم أن أم عبداللهـ ،، فيها من أم جسوم صدقوني ،،
نفس التصرفات ،، يطردوهم وعينكـ عينكـ ،،
يفتحو الباب ويدخلو ،، هع هع هع ،، أخر زمن ،،
أبو زييييييييييييين ،،
يعطيكـ ربي ألف الف عااااافيهـ ،،
واللهـ يستر على بيت حجي علوان ،،
من هاالقشرة دي ،،
بـ رحمة والديكـ لا تتأخر وايد ،،
إجازتي قريب تخلص ،،
خليني أستانس فيها و أشرح خاطري بـ سوالفكـ ،،
عسااااك دووووم عاالقوة خيووو ،،
وبـ إنتظار القااادم ،،
إلى ذالكـ الوقت ،،
كن بـ أمان اللهـ وتحت رعايتهـ ،،
تحياااااااااااااااتي ..
للدموع إحساس ..

[أسرار الليل]

القصه تجنن ولله احسن من هالقصص اللي يقروهم البنات هالأيام
وش حلاتهم هالقصص ولله ..
مشكووور أخووي ابو زينـ ع هالقصه الحليوه ..
يعطيك الف عاافيهـ
ونستنى التكمله ع احر من الجمر