الـسلآم عليكم ورحمة اللـه وبركـآته
MmS بنكـه بركات الشمري
آتمنى آن تنآل الرضى
\
هنا وارحل بلاي ولاأعرف لـ وين !!
........................ هِنا وآفتش بـ صدري عن احلامي ..
ويذبل في دروب الحالمين / التين
........................ وتيبس ضحكتي في وجه أيامي !
وحيد .. ومامعاي إلا ثلاث سنين
........................ تنام بـ حضن ذاكرتي ..وأنسامي !
واروح افتح درايش وحدتي للبين
........................ من آلامي واباخذني على آلامي !!
يابنت أحلامي أحلامي بكتني لين
........................ شعرت إن الدروب اتضيق بـ اقدامي
وراميني العطش عند العطش للحين
........................ أنادي والظما يطرد ورى الظامي
قريتك نور في دفتر هوى المسكين
........................ ولمحتك أول الضحكات فـ إلهااامي
أنا المطعون من ياسي بلا سكّين
.........................يبست ومابقى منّي سوى عظامي
ياطفلة كلنا في هالعمر .. ماشين
......................... أشوفك بس اشوف الموت قدامي
قبل تدري الجروح وقبل لاتدرين
........................ بأن دروب حلمي خانت اقدامي
أنا ماقلت نامي في حضن هالعين
......................... أنا قلت لعيوني فـ حضنها نامي !!
\
رح بلغ الناس ، كل الناس هالكلمه !
............... قل : قالها اللي يدور فرح فـ ايامه !
النور كذبه ! كذبناها على الظلمه !
............... والصبر عيّت تشيله فزعة أقدامه !!
شاعر يدوّر ورى الغيمات عن حلمه
.............. ألحين حلمه يشوفه .." مات قدامه " !!
\
الكلام أحيان أشبه بالسكوت !
............. خص لامن جيت لك .. أشرح هواي !
ليت للأشواق تنهيدة وصوت !
............. كان ماتسمع سواي ..... إلا ّ سواي !!
ليلة ٍ ما أقطفك تمره .. وتوت !
............. أعرف إني أعزفك ... حسرة وناي !!
إيه أحبك موت ! لكنّي أموت !
............. لاذكرت إني أنا وحدي .. " معاي " !!
\
مالمحتي بين كلماتي عيونك !؟
مالمحتي صوتك المبحوح ..
وإلا ّ " روح " ماملّت تصونك !؟
مالمحتي هناك ..
يوم هناك ضحكاتك .. جنونك !؟
ماقريتي بآخر الدفتر حبيبك وش كتب !؟
\
مسا مايشبه إلا أنتي ..!
كذا !
من يوم .. مابنتي ..!
أبرسل غيمة إحساسي تسيلك وين ماكنتي !!
مسا عيونك ..
مسا جنونك ..
مسا " أمك " إذا قالت : " ذبحك ِ الحُب يابنتي " !!
مسا " غيرة بنات الحي " ..!
ماتت " نوف " !!
ذابت " مي " ..!!
مساء الدهشة لاجيتي وقالوا في قهر : ذي هي !!؟
مسا " توتك "
مساء " إحكاية " سكوتك !!
مسا دمعي ..
مسا شمعي ..
.. مسا " سمعني وش كاتب ؟ وانا غرقان في صوتك " !
مسا " الحارة " !
مسا " شوقي " مسا " ناره " !!!
مسا " لاعاد أقرا لك ردود لـ مريم .. وسارة " !!!
مساء الشاعر الغايب !!
مساء ..
المُتعب ..
الذايب ..!
مساء ، وضامم يديني تعب ! وتقول :
وش جايب !!؟
\
وحيــد ، شارد خيال ، ومنزوي سارح ...
.............. أدور اللي ... يفكّر بي ....... ولا ألقى !!
إلا سؤال ٍ ذبحني ....... " ليلة البارح " !!
............. ( لاراح منّي أعز الناس.. من يبقى !!؟ )
تحيـــــــاتيـ..
رد مع اقتباس
المفضلات