عضو وســؤال..؟ {................ }

[شذى الزهراء]

الامل البعيد
اخيتي الغاليه
كل الشكر لقدومج الجميل بصفحتي
اجاباتج جداا راائعه وعجبتني بدون استثناء
بس في شي زاد وهو حبج للورد يعني اتفاق
اني اموت بشي اسمه ورد ..
وتسلميين حبيبتي ع ذووقج باسمي
وتحليلج صح في اختياري له
لاحرمني الله منج
دمتي موفقهـ
تحياااتي

[الأمل البعيد]

عفاف .. غناتي شكرا عى التعقيب الحلوو
هلا هلا حبوبتي يسلم لي قلبش
هههههههه توقت كذا معنى اسمش
امممم اوكيه بختار عضو ...
أختار أختي
ميـــاس
\
تفضلي الأسئله وإن شاء الله ماتكون ثقيله عليش

ماهي اجمل لحظات حياتك؟
...
في وسط فوضى الحياة ما الذي يرسم لكِ "بسمة"؟
...
لو أعطيتى جائزة نوبل ففي أي مجال تحبي أن تكون الجائزة؟
...
أول ما يخطر في بالك حين تقرأين الكلمات التالية (لاحظي أول):
...
أصفر ,, قلم ,, طفل ,, نصر,, لبنان ,, الم ,, نهاية
\
اتمنى تعجبش اسئلتي ..
تحياتي
الأمل البعيد

[عنيده]

الامل البعيد الاسئله حلووه .. اتمنى اجاوب عليها اختي مياس بسررعه ..

الله يعطيج العافيه ع الاسئله الحلوووه ..

تحياتي

[شذى الزهراء]

عفاف الهدى .. عنيده
اشكر توااصلكم الطيب بموضوعي
بانتظااااارج اختي مياس
تحياااتي

[مياس]

بسم الله الرحمن الرحيم
مرحبا

أختار أختي

ميـــاس
أوووه مشكوووره عزيزتي أمووول

تفضلي الأسئله وإن شاء الله ماتكون ثقيله عليش

لا مو ثقيله خفيفه وحلوه

1*ماهي اجمل لحظات حياتك؟

أمممم

حصلت لي مواقف عديده شعرت حينها إنها أجمل لحظات حياتي ..

لكن سأختار منها موقف جميل حصل أثناء زيارة المدينه المنوره
قبل عامين..

كنا في الباص و وصلنا مسجد قباء وكان الوقت آذان الفجر
والشمس لم تشرق بعد..

والمسجد معروف مساحته كبيره وسلالم واجد والناس كثير..

نزلت أني وأمي وأختي و وصلتهم لداخل المسجد وقلت
لهم بروح الباص عشان أجيب الكاميرا الفيديو بصور المكان ..

رجعت الباص وفي الطريق للمسجد وأني امشي ..

اشوف المناظر غير

الناس غير ..

وش صاير

وين أني؟؟

قلبي يدق ومايبين شي الشمس مو طالعه ..

ضيعت الطريق ولفيت المكان أكثر من مره

قلت وش أسوي خلاص ضعت مافي أمل أشوفهم

والجوال مو عندي

بعدين فكرت خل أدور أحد أسأله ما شوف إلا ناس
مو من الجماعه خفت يخطفوني

وفي قمة الصراعات الداخليه وتأنيب الضمير

جلست على الشارع وصرت أتذكر شوي شوي...

وقمت أتمشى في المكان بهدوء... وأخيراً

شفت بنت معانا بالباص وظهرت على وجهي علامات السرور

صرت أمشي وراها إلين آخر الطريق شفت باصنا وشفت أمي وأختي

يااااااااااااااالله

وأخيراً تم اللقاء بعد الضياع

فرحه لاتوصف

(ذكرني بأفلام الكرتون إللي يبحثو عن أمهم وبعدين يلاقوها )

والحمد لله شفتهم ولا كان ألحين في خبر كان

إن شاء الله عجبكم الموقف

...
2*في وسط فوضى الحياة ما الذي يرسم لكِ "بسمة"؟

الأطفال وبرائتهم..ترسم لي ابتسامه وفرح ..لذلك دائماً أجلس

معهم وأتكلم معهم في أمورهم وأحس براحه وأمل وتفاؤل..

...
3*لو أعطيتى جائزة نوبل ففي أي مجال تحبي أن تكون الجائزة؟

أحب ان تكون في مجال التفكير الإبداعي..

أو في علم الأحياء الدقيقه "الميكروبيولوجي"

...
4*أول ما يخطر في بالك حين تقرأين الكلمات التالية (لاحظي أول):
...

أصفر :يخطر في بالي الشمس ولونها الأصفر الذهبي.

قلم :كتابة مايجول في الخاطر والراحه بعد البوح بالمشاعر.

طفل:الراحه من الهموم والتفاؤل.

نصر:أتذكر السيد حسن نصر الله حفظه الله القائد البطل

أتذكر وعوده الصادقه وتنفيذه لها.

لبنان :الثلج الأبيض النقي والطبيعه المتنوعه الرائعه.

ألم :أكثر ما يؤلمني وضع الأشخاص في غير المناصب التي يستحقونها

نهاية :نهاية الظلم بظهور صاحب العصر والزمان
الإمام المهدي :"عجل الله تعالى فرجه الشريف"
\

اتمنى تعجبش اسئلتي ..

إييييييه عجبتني ررووووووعه مثلش أختي أمووووول

مشكوووره على الأسئله غاليتي..

والشكر موصول لصاحبة الموضوع
مشرفتنا شذى الزهراء والله يعطيكِ العافيه.
وأختي عنيده بعد مشكوره.

وانتظروني مع الأسئله الجديده

[مياس]

بسم الله الرحمن الرحيم

أختار اختي..
°·.¸¸.·°اميرة المرح °·.¸¸.·°

1)"الدهر يومان ,يوم لك ويوم عليك.."

في حياتك..أي الأيام أكثر التي عليكِ أم التي لكِ؟



2)لو طلب منك حذف حرفين من حروف اللغه العربيه ..
أيهما ستختارين؟ ولماذا؟


3)بما انك تكتبين الخواطر ..هل الإلهام للكتابه يأتيك
فجأه وأنتي في أي مكان,, ام هناك مقدمات
وتفكير وإنتقاء لبعض الكلمات ..
ثم تدوني ماجاء في فكركِ على الورق؟
4)امامك فضاء واسع ..وبإمكانك الصراخ بأعلى صوتك..
ماهي أول كلمه تصرخين بها ليسمعها العالم أجمع؟
:
:
و..انتهت الأسئله ,
إن شاء الله تكون خفيفه عليكِ وتعجبكِ..
وبالتوفيق جميعاً..

[شذى الزهراء]

تسلمي اختي مياس ع التواجد الحلووو
وع الاجابات اللطيفه
طبعا موقفج عجبني بس لو اني مكانج بعد اموت من الخوف
الله يحفظج ويسلمج لاهلج
والله يوفقج ان شاء الله دنيا واخره
ولاعدمنا هالتوااصل معانا بموضوعي
دمتي بخير
تحياااتي

[Princess]

مرحبا..

اشووف استجواب .. نطيت وجيت


أختار اختي..
°·.¸¸.·°اميرة المرح °·.¸¸.·°
تسلمي خيه .. حاضرين

1)"الدهر يومان ,يوم لك ويوم عليك.."

في حياتك..أي الأيام أكثر التي عليكِ أم التي لكِ؟
اللي علي .. الله كريم

2)لو طلب منك حذف حرفين من حروف اللغه العربيه ..
أيهما ستختارين؟ ولماذا؟

ممممم يمكن لو اني غلطه بحرف من الحروف بقول بحذفه لأنه عقدني بس الحمدلله ,,ولا حرف .. لغة القرآن هي ..


3)بما انك تكتبين الخواطر ..هل الإلهام للكتابه يأتيك
فجأه وأنتي في أي مكان,, ام هناك مقدمات
وتفكير وإنتقاء لبعض الكلمات ..
ثم تدوني ماجاء في فكركِ على الورق؟
لا فجأه هيك احس نفسي ابغى اكتب
هههههههههه اغلب الأحيان اكون مع الخويات عالمسنجر ما يشوفوني الا اقول
.. ياجماعه ايدي تحكني..
اخليهم واروح انفه عن خاطري بكم كلمه ..
4)امامك فضاء واسع ..وبإمكانك الصراخ بأعلى صوتك..
ماهي أول كلمه تصرخين بها ليسمعها العالم أجمع؟
:
ليـــــــــــــــــــــــــــــــــــــــــــــش؟؟ ؟<< اقولها بحسره وقهر
:
و..انتهت الأسئله ,
إن شاء الله تكون خفيفه عليكِ وتعجبكِ..

وبالتوفيق جميعاً..
عجبتني زي حلاتش خيوه..
موفقه حبابه ويعطيش الف عافيه..
.
.
.
.

[Princess]

اختار .. مشرفتنا الغاليه .. نور الهدى .. ام محمد..

مرحبا خيه.. كيفش..

بس حابه اطرح عليش كم سؤال ..

1_ عندش مايك.. بسم الله.. ويش بتقولي لينا فيه ؟؟ << هذا اولها الله يستر من تاليها !!!!

2_ ابغى اعرف للهجتشخيووه.. يعني كأن لهجتكم تشبه لهجة القطيف شويه..... يللا بلهجتش فديتش ويش تسمي كل من.. طبعا بكتب المصطلحات بالفصحى..

* ثوب الرجل
* ماذا ( للتعجب)
* شخص بطئ الإستيعاب
* ملعقه
* صحن التقديم
* يهرب
* إذهب ( لما نقولها في حالة عصبيه)
* الممر الضيق
* شخص لا يحتمل
* يحطم القلب
* شخص سيئ الأخلاق

3_ تخيلي روحش وضعش بالمنتدى غير.. يعني تقدري تطالي الأعضاء بأي وقت.. وتسوي فيهم اللي تبغيه.. يا ترى.. مين اللي بتسوي فيه الأتي.. طبعا مزح لا احد ياخذ على خاطره..

* بتشوتيه..
* تعرقلي له..
* تخليه يغني ويصفق << ما بقول يرقص بعد عييب..
* تربطيه في احد الأقسام وتطفي عليه الليتات مع ذكر القسم اللي بتختاريه له والسبب في اختيارش للقسم والعضو ..
* بتملشي شعره
* بتخليه يفر مواضيع المنتدى كلهم ويرد عليهم..
* بتفلعي راسه..
* بتدلدغيه
* بتقعدي وياه قعده وبتحشي وياه
* بتخطفيه رهينه لمدة 24 ساعه والسبب..

ادري خوبلتش بهالأسئله.. قبل لا اخمد قلت اتفنن لش شوي..<< قصدش تهلوسي شوي
يعطيش الف عافيه خيوه
دمتي بخير
وبحفظ الرحمن

[عفاف الهدى]

اجابات ولا احلى من الأختين الغالييتين

مباس و اميرة

بانتظار ام محمد

[الأمل البعيد]

إجابات روووعه ميااس والموقف عجبني ههههه

أميره المرح حلووه اجوبتش

بس امووره خوبلتني اسألتش واني اقراها ههههه

تشوتيه و تفلعي راسه خخ >> مسكين

ننتظر ام محمد

[عنيده]

اجوبه رائعه ميااس ..

اميره المرح الاسئله واجد حليووه ..

يلا نور الهدى نبي الاجووبه .. الاسئله عجييبه مالت اميره المرح ..


تحياتي

[نور الهدى]

اختار .. مشرفتنا الغاليه .. نور الهدى .. ام محمد..

مرحبا خيه.. كيفش..

الحمدلله بخير نسئل عن الطيبين

بس حابه اطرح عليش كم سؤال ..

تفضلي تامري امر استاذتنا

1_ عندش مايك.. بسم الله.. ويش بتقولي لينا فيه ؟؟ << هذا اولها الله يستر من تاليها !!!!

اممممممم

بقول كلمة للأعضاء كلهم

وهو انه لحد يزعل او يحط في خاطره من كلمة قالها له عضو اخر في موضوع او نقاش

وخل القلوب صافيه
وخلينا نحمل بعضنا على محمل خير

واذا احد هاجمنا في موضوع
او اختلف معانا في الرأي

مو معناته انه ضدنا او انه ما يحبنا

واذا احد المشرفين والمشرفات ارسل رسالة تنبيه لعضو

خل يحط في باله ان هذا في مصلحته اولا ومصلحة هذا الصرح الي يجمعنا

ولا تخلي في بالك انه اذاالاعضاء ما ذكرو اسمك انك مو ملاحظ

كل الاعضاء صغير وكبير

قديم وجديد

محل انظار الاعضاء الاخرين والزوار بعد

فقلمك امانه فانتبه لما تسطر

ادري هالكلام انقال كثير

بس للحين نشوف ردة فعل من اعضاء لاقل كلمة تنقال لهم

<<< داشة محاضرة الله هداش خلصي بس

2_ ابغى اعرف للهجتشخيووه.. يعني كأن لهجتكم تشبه لهجة القطيف شويه..... يللا بلهجتش فديتش ويش تسمي كل من.. طبعا بكتب المصطلحات بالفصحى..
واجد واجد واجد تشابه

وعرفت هالشي من الي ويايي على المسنجر ترى عندي من القطيف

ومن قصة اخونا ابو زين الله يحفظه ويخليه لينا

* ثوب الرجل

ثوب نسميه ثوب نفس الشي

* ماذا ( للتعجب)

هههههه في كلمتين

ويه , ويش تقولين

* شخص بطئ الإستيعاب

* ملعقه

كفشه

* صحن التقديم

صحن

* يهرب

شال عليه

* إذهب ( لما نقولها في حالة عصبيه)

ادلف , واني ازيد عليها

ادلف دلفك ربي
* الممر الضيق

زرنوق

* شخص لا يحتمل

ادفش

* يحطم القلب

يعور افادي

يكسر خاطري

مكس ترى اللهجة لان امي من منطقة وابويي من منطقة

* شخص سيئ الأخلاق

واحد اخلاقه زفت

3_ تخيلي روحش وضعش بالمنتدى غير.. يعني تقدري تطالي الأعضاء بأي وقت.. وتسوي فيهم اللي تبغيه.. يا ترى.. مين اللي بتسوي فيه الأتي.. طبعا مزح لا احد ياخذ على خاطره..

* بتشوتيه..

ابو حوراء
اسير الهوى

لعانه بس

* تعرقلي له..

جرريح الرووح

لويش ما يكمل الينا التكمله صار اليي يومين ارجع ابغي اشوف التكمله لموضوعه وما كمله

موضوعه الي في العام الحجاب عفة

* تخليه يغني ويصفق << ما بقول يرقص بعد عييب..

ههههه اي رحمتيها

بخلي اموله ام العبابيد

* تربطيه في احد الأقسام وتطفي عليه الليتات مع ذكر القسم اللي بتختاريه له والسبب في اختيارش للقسم والعضو ..

اختار الاعضاء الي ما يدشون المنتدى الاسلامي كلهم

وبقفل عليهم واطفي عليهم الليتات

عشان اشوي ينتبهو لروحهم

مو لاني مشرفه هناك لاااااااا

لانهم مقصرين من ناحية تثقيف روحهم دينيا في مواضيع ومعلومات احليوة تنحط

هداك اليوم بشوفين المنتدى الاسلامي واحد على واحد لان ثلاثة ارباع الاعضاء ما يدشون هناك

* بتملشي شعره

شمعه الله يذكرها بالخير

عقاب اليها لويش ما ادش

لها وحشة كبيرة

* بتخليه يفر مواضيع المنتدى كلهم ويرد عليهم..

انتينا هع هع

زوبقتني بهالاسئلة له

لازم اردها اليش وهذا عقاب احليو

* بتفلعي راسه..

يا علي راحت عليه الي بفلع راسه

<<< شريرة ترى

توته بحرينية وروح ريحان

طال غيابهم

عشان يصير عندهم حجة لما يغيبو هالكثر

* بتدلدغيه

فروووحه ام حمزاوي

* بتقعدي وياه قعده وبتحشي وياه

نوارة الدنيا

* بتخطفيه رهينه لمدة 24 ساعه والسبب..

القلب المرح

كثر غيابه

الله يساعده ويوفقه

ادري انه مثل ما قال انه يشتغل ويدرس بس لو يطل علينا شوي

وبطالب شبوك لارجاعه بأنه يعطيني الي ابيه

بس ما بقول ويش ابغي

ادري خوبلتش بهالأسئله.. قبل لا اخمد قلت اتفنن لش شوي..<< قصدش تهلوسي شوي

يبي لي اراويش الهلوسة على اصوله

او تدرين

لااااااا

بعدين بيقولو ام محمد طلعت خبله بعد
يعطيش الف عافيه خيوه

يعافيش ويسلمش

[نور الهدى]

لي رجعه مع اسئلة

يمكن اتاخر اشوي

كملي خيتو شذى مع عضو اخر على ما تجهز اسئلة اعذب فيه عضو اخر


راحت عليه الي بيطيح اختياري عليه

[عفاف الهدى]

اجوبة رائعة من خويتي ام محمد

يعطيش العافية