رسالة مواطن إلى خادم الحرمين الشريفين

[اريام الدلوعة]

أوجه رسالة للوالد القائد خادم الحرمين الشرفين (حفظة الله وأطال في عمره)
من واجبات الأبووووه أن الأب يستمع لصرخات أبنه وضمه على صدره وإذابة كل آلامه
والملك زي ابوي،، لأحد يتدخل بين أب وطفله
@ @ @
@ @ @
ابشرك يا خادم الحرمين الأسعار مضبوطة والمواد الغذائية متوفرة
ما نقصنا بس إلا الخبز يرفعون سعره
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات ارتفعت 30 بالميه
الأدوية 25 بالمية
تخيل يا خادم الحرمين جبن كرافت والمراعي السايل ارتفع
طيب وش نسوي لبزارينا المشكلةيقدرون الكرافت السايل مع الصامولي
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز ابو كاس ارتفع
لا وازيدك من الشعر بيت رزمة الكراث والبصل صارت بريالين
شفت شلون حنا بنعمه

@ @ @
بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
ونعطي لبنان مليار ونص دولار
ونرسل لمصر المعونه السنويه
تعرف ماشاء الله حنا.. من كثر الفلل التمليك.. الناس صارو يأجرون ببلاش
ممكن طلب طال عمرك.. ابي سلف 12000 ريال
عندي دين اسدد فيه لي سنه ولا خلص.. كل شهر 500 ريال
الله يرحم حالنا والله..
@ @ @
ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 99 دولار
ورصيدي أيضا حطم الرقم القياسي في نفس اليوم وصار فيه 17 ريال
الحمد لله شفت كيف أنا بخير

@ @ @
أحب اطمنك صرنا نسوي رجيم غصب عنا
تعرف اللحم ما عاد نعرفه
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو
صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا
@ @ @
ابشرك طال عمرك شعبك تطور
استبدل البكاء بطعم الملح ببكاء بطعم الدم
آآآآآآآآآآآآآآه يا حلو مذاقه
ودك تجربه؟؟
انا أقولك وشلون
نظف منزلك من حليب الأطفال
نظف جيبك من الفلوس
نم ومخباك فاضي
خل زوجتك تصحيك من النوم قبل الفجر
وتقولك أن طفلك ما عنده حليب

دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى
انس انك ملك وأرجع للبيت
بتدخل على أنغام بكاء طفلك
عندها ستحتقر نفسك وانت عاجز عن اشباع طفلك
عندها ستلعن اليوم اللي انولدت فيه
عندها ستلعن اليوم اللي انولد طفلك وصرت مسؤول عنه
عندها ستضمه وستبكي من القهر
ستنزل دموعك وتحس بطعم الدم في حلقك
@ @ @
تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم
@ @ @
بس ودي أقولك شي قبل ما أروح أصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا
معناها إحساس المرأة بالانكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة ما راح تفهمها..
///////// /////////////////
///////// /////////////////
المرسل أبنك: جيفارا المنتف والملحط

[ابو طارق]

مش عيب عليك تطلب فلوس


بعد ناقص فلوس للمحكمة الدولية ومين يدفع ((عمك)

سلاح بالمليارات لمين وضد مين بوش وتشيني يطلب ويحدد النوع والكمية ومين يدفع ((عمك)

رحلة للخارج للحاشية والمرافقين مئات الملايين تصرف بلا معنى ومين يدفع((عمك)

وبعد مهرجان للجمال جوائز وهدايا ووووووووووووووووووووووومين يدفع ((عمك)

الله يكون بعونكم


والآتي اعظم


الفرج يا مولاي

[اللؤلؤ المكنون]

الله يعين بس
يسلمووو عالموضوع
دمت بخير

[solav]

مساكين احنا ناقصيين بلاووي زياده
شكرااااااااااا

[ليالي الخبر]

وش اقول ؟؟؟

كلماته تعبتني والله ودموعي في عيني ..

خلهم خيرهم لغيرهم..وخلهم يجمعون لفلوس ويسون مخده بهم..

[اريام الدلوعة]

والله المساكين الفقير تعب
من ارتفاع الاسعار والمصايب اللي
يشوفه كل يوم والله يخلي الحكومة
مشكورين على الزيارة

[مرتضى محمد]

الناس مي لاقية تاكل
والله انها صعبة الحياة الحين
لكن ماقول الا الله يعين الناس على الاسعار
الاول كم قرش تجيب ماء شاء الله أغراض
لكن الحين يرجعوها لك في المركز ولاتاخذها