مرجعنا للعطورات
هلا كيفكم اخباركم
هالمرة نبي موضوع نستفيد منه
1- يعني انا راح ابدأ أحط عطوري المفضلة بالصور ( إذا امكن ويفضل بعد ) وأقول ريحته إلى وشو تنفع من وين أخذته مثلاُ وسعره ..
2- اسأل عن عطر واللي جربته تعطينا رأيها ...
اهم شيء انه يكون عن تجربة شخصية مو رأي شخص ثاني من النت وإذا فيه عطر تنصحين فيه قولي وإذا عطر ما تنصحين فيه فياريت ما تبينين ان المنتج سيء لأن اذواقنا أكيد مو نفس بعض
لولا اختلاف الأذواق لبارت السلعواللي عندها أي استفسار للعطور تدخل أتوقع موضوع مهم للبنات ويا ريت يتثبت لأنه أكيد راح يكون مرجع حلو لنا وأنا راح ابدأ بمجموعة عطوراتي
تفضلوا :
1- هذا عطر اسمه CH من ماركة carolina herrira
عطر أكثر من رائع ينفع للمناسبات أنا عن نفسي استخدمه في المدرسة يعطيك ريحة مميزة وكل اللي يمرون علي يسئلوني دائماً عن اسم عطري وريحته ثابتة وقوية وسعره على ما أظن يتراوح بين 340 إلى 330 ريال .
2- عطر جفنشي الجديد
عطر مذهل وناعم ينفع للمناسبات والسهرات ذو رائحة مميزة وجذابة سعره على ما أتوقع 300 وشوي وثباته جداً قوي حتى العينات المخففة ثابتة وقوية
3- عطر 212 s..y
قمة في الروعة استخدمته مرتين والحين خلص وماني قادرة ارمي الغرشة حقته الريحة جنان تعشقيها من أول ما تشميها وسعره شفته في الغزوي بـ 155 ريال والريحة لو اقول ثابتة من هنه لي بكرة ما أوفيه حقة وينفع للأعراس والسهرات والزيارات
4- عطر هوت كوتور من جفنشي
كما عودتنا جفنشي بعطوراتها المتميزة هذا العطر اله ريحة مميزة جداً عن غيره يعني جد الكل يسأل وشو أسمه لأن الريحة جد مميزة سعره على ما أظن بين 180 و 170 ريال استخدمته ولا اقدر انساه !
5- عطر love in paris من nina ricci
عطر مميز جداً ذو رائحة جذابة عن جد تعشقيه عشق ما بعده عشق استخدمته كم يوم في المدرسة وكل من امر عليه يسألني عن اسمه سعره بـ 130 ريال ولا اتوقع يزيد عن كذه ! ريحته منعشة مناسبة للصباح
6- عطر femme من Boss
ريحته حلوه وناعمة وثابتة احسه ينفع للصباح والزيارات والايام العدية حلو بس ما افضل استخدمه واجد بس في الريحة ما عليه كلام الصراحة جميلة ريحته انا أخذته بـ 140 ريال بس لمى رحت ادور عليه في السوق اللي يقولي بـ 200 واللي يقول بـ 180 يعني بصراحة انا دائماً أنصح بسوق الجملة عطور اصلية وفي نفس الوقت رخيصة والريحة ثابتة نفس الغرشة ونفس الريحة ونفس العلبة ما الفرق إلا انها من سوق الجملة !
هذا إلى اليوم الباقي بانزلهم إذا شفت تفاعلكم الردود ما أبيها ردود عابرة واطلب من المشرفة حذف كل الردود العبرة لأني أبي الموضوع حماسي يعني كله منفعة لنا وياليت محد يتضايق ولا تضايقوني ولا تزعلوني وتردون والله تعبت وأنا أكتب حتى لو بعطر واحد !!
انتظركم
soosah2
رد مع اقتباس
لكن الناس اذواق
المفضلات