نسيت العيش والملح

**الميج** · 07-21-2005, 04:10 AM

هذي أول خاطرة ليي في الحياة والوجود
وأبغى انتقاداتكم الصريحه
علشان اقدر اطور في هذا المنتدى الغالي

كانك نسيت العيش
لانتسى ملحه
وكانك نويت الهجر
ارحل يا غدار
انا يجيني الليل
وما أتمنى صبحه
لأنه يوديني
الى مثلك اشكال
اول اجيك بطيب
والضحكه برحه
وافرح اذا شفت اسمك
بشاشة الجوال

..........
ياما أبتعدت عنك
وانت الي تحبي
وكنت تتمنى أبد
كلمت رضاي
انت الي جيت
وتتمنى تخاويني
واليوم انت التصد
وآنا الك جاي
بسألك سوال
وبالدمة تجاوبني
ليش انت ابتعدت
يوم اني انا جاي
كانه غرور
ترا غرورك هو الي كاويني
وأجبرني احبك بعد فرقاك

تحياتي
عبود

**قطيفي** · 07-21-2005, 05:11 AM

مشكوووووووووووووووووووور

**الميج** · 07-21-2005, 05:20 AM

مشكووور أخوي قطيفي على المرور
بس تمنيت اشوف رايك

على العموم ما قصرت
تحياتي
عبود

**شمعه تحترق** · 07-21-2005, 06:34 AM

الله .. الله ياعبود

حلو شعرك

وحلوه كلماتك

واسلوبك.. ماشاء الله

بس شوووووووي كم كلمه يحتاجو لتعديل

اسمح لي عدلت فيها وابغى تشوفها وتعرف اللي كان ينقصها

بس ماشالله عليك شعرك يجنننن

واذا كانت هذي اول قصيده لك ..

فأكيد شبكة الناصره تنتظر انها تنفرد

بأحلى قصائد منك

(هذي القصيده مع بعض التعديلات)

كانك نسيت العيش
لاتنسى ملحه
وكانك نويت الهجر
ارحل يا غدار
انا يجيني الليل
وما أتمنى صبحه
أسهر يقلبني
على جمر الافكار
اول اجيك بطيب
والضحكه برحه
وافرح بشوفك
واتغزل بالأشعار
..........
ياما أبتعدت عنك
وترجع تجيني
وكل امنياتك
تنتظر كلمة ارضاي
كنت ابتعد
وبكل محبه تجيني
واليوم عني تصد
وآنا الذي جاي
بسألك بالله
وبصدق جاوبيني
ليش ابتعدتي
بعدماصرتي دنياي
كانه دلع
تدلعي واخذي عيني
يا امسي والحاضر
وعمري الذي جاي
-----------------------
ننتظر جديدك الرائع

شمعه

**Sadness** · 07-21-2005, 09:33 AM

كلمات رائعة جدا
واحساس اروع
مشكور و في انتظار جديدك

**My tears** · 07-21-2005, 12:38 PM

بدايه رائعـه أخي الكريم .. عبود ..
كلمـات جـداً عذبـه .. وأسلوبـك راقـي ..
بما أن أختي الغاليه شمعة تحترق أخذت دور التعديل ..
أختك دموعي " My tears " .. بتاخذ دور الترتيب ..
لأخراج القصيدة برونق أجمل .. ولجذب الأنظار أليها ..

( بعد ترتيب السطور )

كانك نسيت العيش لاتنسى ملحه
وكانك نويت الهجر ارحل يا غدار انا يجيني الليل وما أتمنى صبحه
أسهر يقلبي على جمر الافكار اول اجيك بطيب والضحكه برحه
وافرح بشوفك واتغزل بالأشعار ليله مع صبحه

~*~*~*~*~*~*~

ياما أبتعدت عنك وترجع تجيني .. وكل امنياتك تنتظر كلمة ارضاي
كنت ابتعد وبكل محبه تجيني .. واليوم عني تصد وآنا الذي جاي
بسألك بالله وبصدق جاوبيني .. ليش ابتعدتي بعدما صرتي دنياي
كانه دلع تدلعي واخذي عيني .. يا امسي والحاضر وعمري الذي جاي

بوركت أناملك .. وننتظر جديد قلمك ..
ولا تتردد في نشر أي حرف من حروفك ..
فنحن بنتظار حروفك ..

مع خالص تحياتي .. أختك My tears ..

**الميج** · 07-24-2005, 07:04 AM

مشكورين عشرين الف مرة ومرة
وبالخصوص أختي شمعة تحترق على تعديل الشعر
بصراحة خليتيني اصدق نفسي من أول مرة
وألف ألف شكر الى اختي My tears
على التوجيهات الرائعه
واتمنى اني اكون عند حسن رضاكم
تحياتي
عبود