فديت القلب اللي أحبه

[شمعه تحترق]

الملاحظه اللي وجهتها اختي دموعي لقطيفي كانت صح

لما كنت عضوه عاديه كانت القصيده اللي احس فيها نقص

او الاقيها منقوله في الغالب اطلع عليها و اتركها

لكن بعد ماصرت مشرفه واجبي يحتم علي اكثر من مجرد الاطلاع

ومافي اصعب من انك تكسر قلب أو تسبب له جرح حتى ولوبسيط

حتى ولوكنت على حق .. بالنسبه لي الاقيها صعبه

ولكن عزائي في الاقدام على هالخطوه هو اني اختار اخف الكلمات

والهدف طبعا ً مصلحة العضو..أو الكاتب

بالنسبه لك اخوي المرح

طبعا ً انت موجديد على الشعر ولا أول مره تكتب

وكثير لك مشاركات ..

بصراحه كلماتك حلوه وتعابيرك احلى ..بس......

انت غلطت بالوزن وبالقافيه مثلاً لما تجي تظبط القافيه

المفترض ان يكون آخر حرفين من الكلمه الأخيره من كل بيت هما نفس الحرفين

واحيانا في بعض القصائد لظبط القافيه تحتاج تضبط آخر3 أحرف من نهاية كل بيت

اعطيك مثال على القافيه من نفس قصيدتك :

لما قلت :
والسماء تتلألأ بالنجوم .. وحبيبي القمر وسط النجوم
بعدها جتني رعشة قلب .. ترد الروح لصاحبها المتيم
وهذا أنا من عشقي صرت مجنون بالحب ولا ألام

لو اضفنا بعض التغيير عليها بتكون كذا :

والسماء تتلألأ بالنجوم .. وحبيبي القمر وسط النجوم
بعدها جتني رعشة قلب .. ترد الروح لصاحبها المحروم
وهذا أنا من عشقي صرت مجنون وخل اللي يلوم ..يلوم

هذا بالنسبه للقافيه

بالنسبه للوزن نفس الشي يحتاج تعديل

اعطيك مثال :

ياليتني عشت هالحب من صغر سني .. وصرت شاعر بحبي الفني


لوجينا نظبط وزنها ممكن تكون بهلشكل :

ياليتني عشت هالحب من صغر سني .. وصرت شاعر لعينك ياللي ساحرني.

طبعا ًً هالكلام مارح ينطبق كله على قصيدتك في حال لوكانت شعر حر

أو نثريه.

والله كلماتك حلوه المرح واحس نابعه من قلب

بس عيبنا لما نكتب من قلب نكون متسرعين نبغى نسكب مشاعرنا في قالب شعري

سريع قبل ما يفارقنا الحماس والرغبه في الكتابه.

اقولها عن تجربه لأني كثير اقع في نفس الخطأ بس احاول بعدها اتداركه

اتمنى يكون كلامي خفيف

وأكيد بنتظر منك الاحلى

شمعه