مقارنة بين البنت و الولد في كل مراحل الحياة

**الولاء الفاطمي** · 07-16-2005, 03:58 PM

[grade="00008B FF6347 008000 4B0082"]مقارنة بين البنت و الولد في كل مراحل الحياة

أولا: مرحلة الولادة

************

الولد في بطن امه يسووي مشاكل وترفيس ويتعفرت ويسوي حركات بهلوانيه وبعدين تولده امه وهو يبكي وعلى فكرة صراخ الولد اذا انولد يسمعه اللي باخر الدنيا لسانه طويل من يوم يولد

البنت اذا طلعت من بطن امها تطلع باحترام ومؤدبه وبلطافه ماشالله على البنات

ثانيا: مرحلة الرضاعة

*************

الولد يتعب والدته بشكل رهيب والبنت في المرحله هذي طيبه وحبوبه وتقنع بالقليل والولد مايقنع حتى الحليب الولد يتشرط ان يكووون غير شكل

اما البنت ماشالله عليها تشرب حتى النيدو

المرحلة الثالثة - الحبو

**********

الولد اذا وصل مرحلة الحبو لازم تكلبشه أو تربط رجليه لان الولد اذا حبا حط رجله ويا الله دوره تلاقيه يا متكرفس مع الدرج والا غاطس في البانيو الله يكرمكم والا شايف له صرصور وقاعد وراه يلاحقه

أما البنت هاديه ومطيعه وغالب تقعد قعده رومانسية

رابعا: مرحلة المشي

*************

هذي اخطر مرحله يوصلها الولد وانصحكم ماتخلونه يذهب مكان البقاله او مكان محل الالعاب ويبدأ يحب الاسواق والله يعينك اذا ماسمعت له انت جرب وخله يروح معك للبقاله مرة وشف وش بيسوي لك اذا بغى يشتري حلاوة او لعبه ومارضيت توديه صدقني يكرهك بحياتك

أما البنت طبعا هاديه ولو صاحبة بنات السوء تتصرف بأدب أو تكون بلطجيه بأدب

خامسا: مرحلة دخول المدرسة

**************

المرحلة هذي خطيرة جدا صحيح الولد يروح للمدرسه يتعلم القراءه والكتابه لكن فيه اشياء جانبيه بعد يتعلمها مع القراءه والكتابه راح تسألوني شنهي وكيف أنا اقول لكم..............؟؟؟ الولد يروح للمدرسه ولازم انه يختلط باولاد اخو ياه وبعدها يجي البيت ويشتغل الضرب على اصوله ويتدرب على اخوانه وخواته اللى اصغر منه وهات يا صياح وانواع الازعاااج

اما البنت فهى مؤدبه وتقلد خوياتها اللى رابطه بكله ورديه لازم البنت تقلد زميلتها وتزعجك الين تشتري لها مثل خويتها بالمدرسه يعني من هذي المرحله تبدا تقلد البنات لـسا ماوصلنا تقليد ال****ات وغيرهن هعهعهعهع وتتبع الموضه اقعدبهاا

سادسا: مرحلة المراهقه

*************

الولد اهنى يحس انه صار رجال وهات يا طلعات وحياته بالشوارع والزقاره باليد ويمسح بالقذله كل شوى اللى تارسها جل من تمر قدامه بنت يعنى شوفينى لووول

وهذي المرحلة يبدأ دلع البنت.. مادري ليش اي بنت توصل لمرحلة المراهقه تصير دلوووعه يااى ؟

البنت حساسه جدا في جسمها وفي مشاعرها، وايضا لو قلت لها كلمه قويه شوي ولو كانت بسيطه او حتى مو قصدك تجرحها البنت ماعندها تفاهم على طول تزعل، حتى لو تمزح معاها في الماسنجر وتضحك على طول بدون سبب أما الدلاخه في انها تصدق اللي يمدحها او يتغزل بهاالبنت تصدق على طول

سابعا: مرحلة العشرينات _ الشباب

*********************

لاداعي للكلام عن الولد فهو اصبح الان مسؤولا عن نفسه

المرحلة هذي مرحله حلوه مرة للبنت لانها في المرحله تبدا تعدل من اوضاعها وتصير راكده وتبدأ تعقل شوي شوي بس المشكله فييييين ؟؟؟؟؟

إن في هذي المرحله تعرفون البنت يكثر خطابها يعني مضطره انها تـتكشخ بكل عزومه او مناسبه والام توديها معها لاي مكاان تروح على شان تقول عندي بنت اللي يبي يخطب لولده ترى هذي بنتي ... البنت اذا انحرفت في المرحلة هذي تنحرف بعنف والى الهاوية واذا إلتزمت إلتزمت بشده

وايضا في هذي المرحلة تظهر مواهب البنت اللي تخيط والا فنانة في تفريك الصحون والمحترفة في كنس البيت وإللي إختصاصها غسيل وكوي يعني مواهب حلوه بس للاسف الشديد على ماعتقد ان مافي بنت الان في عصرنا هذا تتوفر لديها هذه المواهب

ثامنا: مرحلة الزواج

*************

وهذي المرحلة بداية تعاسة الرجل ماتجي المصايب الا من هذي المرحلة، يدخل البيت تستقبله الحرمة بريحة بصل أو ثوم او بديها صابون توها طالعه من المطبخ والا تستقبله وهي تزعق عليه وتصفق بوجهه بذيك الورقه اللي مكتوب فيها: بصل، خيار، طماطم، شامبو ضد القمل..الخ "على فكره هذا كله تمهيد وبعده تكتب: مجلة سيدتي، خاتم ذهب، شنطه جلد سحليه، تغييرات اثاث البيت، روح للمشغل طلع فستاني، ولاتنسى تمر الصراف تجيب لي الف ريال ابي أروح السوق"

بعد كل هالطلبات كمان تروح السوق ..

تاسعا : مرحلة الامومة

****************

في هذي المرحلة تبدأ المشاكل بين الزوجين يعني الرجال اللي عنده عيال كثير ،هذا اقف له وقفة احترام وتقدير ،لانه صابر على زوجته.

في المرحلة هذي تلاقي الرجال يحاول يهرب من البيت كثير، ولكن وين ينحاش الحرمه وراه وراه، والله تطلعه من تحت الارض وين مايروح تلاقيه. اذا جلس الابو في البيت تلاقي وجهه احمر من الصراخ على البزارين، واذا طلع من البيت ينشرح صدره ويرتاح.

لاحظوا ابائكم اذا هم في المجلس كيف تكون نفسيتهم اكيد زفت، مثلا: الاب يجلس مع حرمته ويجيك ولده الصغير يلعب بالكورة ويشوته على راسه بالكورة وينكب عليه الشاي والاب معصب والام تقول ماعليه توه صغيرخله،" احر ماعنده ابرد ماعندها"

واذا كان يبي يسولف معها يلاقيها متعلقه بسماعة التلفوون ومعها كيس فصفص وتقشم على براطمها وتملا الصاله قشام واذا خلصت الرجال يبي يكلمها وهي تقول ابي اكنس الصاله لاحول ولا قوة الا بالله[/grade]

**قطيفي** · 07-19-2005, 09:45 PM

مشكووووووووووووووره اختي ع الموضوع المفيد وننتظر جديدك

**الولاء الفاطمي** · 07-20-2005, 05:52 PM

العفو اخوي وتسلم ع المرور

**الحنون 2005** · 07-20-2005, 06:25 PM

مشكوره أختي ولاء على الموضوع والبنات من أول ما تنولد دلوعه تلمسيها بس علوط صاحت أخوكي حنون

**الولاء الفاطمي** · 07-20-2005, 08:00 PM

ههههههه لأن احنا ناعمين مو زيكم خشنين

وتسلم اخوي ع المرور

**مهدي درويش** · 07-23-2005, 03:57 AM

مشكوره اختي الولاء الفاطمي

**الولاء الفاطمي** · 07-23-2005, 02:48 PM

العفو اخوي

**الولاء الفاطمي** · 07-23-2005, 04:27 PM

العفو اخوي

**ابو طارق** · 07-27-2005, 04:12 PM

[grade="32CD32 FF6347 4169E1 FF1493 32CD32"]بالرغم من انها تشبه النكتة الا انها قصة قصيرة ومفيدة

يعطيكي الف عافية اختي

ولكل مجتمع عاداته وتقاليده [/grade]