مرحبا
بعد قراءة الموضوع وقراءة ارائكم المنحازه الى التقليدي..
هذا رايي الصريح واللي قد يعتبره البعض جريء.. ووجهة نظري..
الأثنين متساويين.. والخلل اذا حدث الطلاق من الزوج والزوجه لا من طريقة ارتباطهم..
بمعنى التقليدي شي متعارف عليه..
بس شخصيا اني افضل الشاب يطلب هو البنت الفلانيه : ابغاها هي ارتبط بها..
ليش القمع للزواج من النوع الثاني ..؟؟
يعني اذا شاب اعجب بفتاه واحبها حبا عذريا.. والفتاه تبادله نفس المشاعر مابينهم لا مكالمات ولا طلعات ولا اي شيء من المحضورات.. وكل منهم يتمنى الثاني شريك لحياته.. يمكن الله يوفق ويجمع بينهم ويمكن الظروف تحول بينهم وبين الأرتباط لأي سبب من الأسباب والغالب يكون ضيق الحيله و الرزق من قبل الشاب.. ساعتها مابيقدر يتقدم للي في باله الا بعد مايقدر يأمن مستقبله معاها.. و اذا كانت هي من اللي الله رافع حظهم ويتقدمو ليها غيره.. فمن غير المنطقي والمعقول انها تظل تنتظر اللي تحسه احتمال كبير لو يتحسن وضعه ما يبغى غيرها .. فالأرزاق بيد الله لا يد لنا فيها..
غالب هالعلاقات يكون بينهم رابط مشترك اما سمع عنها.. اما اخوه او صداقه.. بمعنى الشاب من الممكن ان يعجب ويحب قريبته او صديقة اخته او ماشابه. او سمع عن بنت فلان انها هيك وهيك .. وهالهيك دخل مزاجه..( طبعا اخلاقيا او تفكيرا وعقليه )). فوين المشكله في هالنوع من الحب !!
بنظري مافيه مشكله طالما يخلو من اي كلام يمين شمال ومن اي تصرف مخل بالدين والعرف...
فأن الله وفق وجمع بينهم على خير..
احس افضل من اللي تختارها الأم له.. وتكون ساعتها مربوطه في حلقه .. وهذا ماكتبه قدري لي ..
انت اخترتها بنفسك تحملها.. اخترتها ليش لأنك حسيتها تتوافق معاك وراح تتعايش معاها ..
فمثل ماقلت في البدايه
نوع الأرتباط لا يترتب عليه النجاح والفشل ..
النجاح والفشل من انفس الطرفين..
وعن نفسي صراحة.. اتمنى الشاب يختارني بنفسه مو اهله اللي يختاروني له...
لأيا كان سبب اختياره...
نواره..
سلمتي عزيزتي من كل مكروه
ويعطيش الف عافيه..
دمتي بخير
وبحفظ الرحمن
رد مع اقتباس
المفضلات