مفاجأه .. من اميره.. قصيدة صوتيه مشتركه..
مرحبا...
في بادره طيبه من احد الزميلات ..((زهرة البستان)) عضوه في منتدى آخر ..
قامت بدعوتي لمشاركتها في كتابة قصيده بالعاميه ..
لتقدم لكم على شكل قصيدة مسموعه بالنهايه..
قمت بأختيار الموسيقى الملهمه لها.. وقامت هي بعمل تصميم بسيط وبدأنا بالعمل .. فأثمر جهدنا
عطش الأفراح...
وهذه القصيده مكتوبه...
برد هالوقت عذبني وتحلفت بغطى احزان
غريبه حالة الدنيا غدرها جازى اكرامي
اناجي ليلي لحالي واصبر خاطري الولهان
ويمر ليلي وانا بغمرة احاسيسي واوهامي
اصابع يدي تتراجف وتداعب عقدي الرمان
ونجم ليلي يسامرني ويهمس لي متى تنامي؟؟
اناظره بعتب ..واسكت..واجامل قلبي التعبان
وتحرق مهجتي ناري..وتالي تصب بعظامي
اجاري الحزن ياقلبي واتقوى على الاشجان
وتغيب الشمس وتشرق شمس وتتجدد الامي
وجرحي يبكيني وحزن الليالي بعيني يبان
تودعني نجــــــوم الليل ويضوي روحي هيامي
غاب مرسالك حبيبي والقلب اشتعل نيران
ماهقيت الزمن غدار ومعاك محسوبة ايامي
نسيت الناس ونفسي وتهت في هوى الخلان
مثل طفلة ترتجي حضنك وبحبك يبصم ابهامي
انام متلهفه لبكره متى يجي والتقيك يا فلان
وعلى الجدار انا وياك راح نشخبط بأقلامي
وكبرت ورافقني ضوا الوردي من الألوان
ورسمتك صورة بقلبي سميتها فارس احلامي
سنين وشهور وايام وساعات ودقايق وثوان
رغم قساوتها ... مارفعت بِــيض اعلامي
ويمر العمر يفصل لي بخيبة الرجا اكفان
وانا شغلي اغير السناريو و اجدد افلامي
اموت بحبك ويحييني سنا طيفك الفتان
بأسبابه عفت العمر يا جرحه الدامي
ايا مسبب عذابي شوفه بقلبي الشقيان
قصة شوق تسلي حسادي و لوامي
متى ترجع يا حبي ياعمري ويا دفا الأوطان
غريبه روحي بدونك وصعبه حيل اعوامي
شكيت غربتي لله يـــارب دخيلك يا سبحان
ويا دقات الموده بلغيه حبي وسلامي
انام واصحى ..الاقي الحب للفرح عطشان
ذايبٍ بداخلك ياروح وصرت احب اعدامي
اذا ماحظيت بلحظة وصل تروي عمري الذبلان
ابعثر الفرح واجرح شوقٍ فـ خافقي دامي
واهمس للروح ..ياروح اظن وقت الفراق وحان
اذا عزيزك ماعدت بكل لحظه الاقيه قدامي
ومر الوقت وطوى الفرحه وضيع العنوان
وصار الأمل مقتول و ينعاه حبها السامي
واخذ ربي امانتها وماتت البهجه والألوان
وصرّح نبضها بهاليوم مات حلمها ظامي
دمتم بحفظ الرحمن
رد مع اقتباس
المفضلات