في البحرين

[عماد علي]

اقسم بالله تتعب القلب هالصورة
يارب ترزقها وتديم علينا نعمتك يارب


[img]http://img241.**************/img241/9841/22222222pj2.jpg[/img]

[img]http://img296.**************/img296/7637/11111nc2.jpg[/img]

[مرتضى محمد]

يارب ترزقها وترزق المؤمنين والمؤمنات أجمعين

[اللؤلؤ المكنون]

ياربي تعور القلب
الله يرزقها من رزقه الواسع
هي وجميع المؤمنين والمؤمنات
وتديم النعمة علينا
شكرا لك أخي أبو باسم على الموضوع
دمت بخير

[نور الهدى]

عذاري تسقي البعيد وتخلي القريب

شعار حكومة البحرين الموقرة

[عماد علي]

مرتضى محمد

اللؤلؤ المكنون

نور الهدى


كل الشكر لكرم التواجد الغالي...

[فرح]

يااارب هذا منظر بجد يحزن القلب
صحيح ان العمل مو بعيب لكن مو بهالطريقه
والى حرمه بالذات ..الله يكون بالعون
عزيزتي ام محمد ..مو بس عندكم يالغلا
عندنا وعندكم خير ..ابناء البلد ما عندهم اعمااال
والاجانب مرفهيييييين وخيربلدنا لغيرنا
تسلم خيي ابو باســـــــم ..
ويعطيك العاافيه
دمت بحفظ لله ورعايته

[أمير العاشقين]

تصخر ابو باسم

ويش هالصورة دي يالله معقوله الدنيا وصلة الى كذا

الله يتسر على المؤمنين والمؤمنات يارب

ابو بسووم الدنيا تغيرت ما صدقت

عشان تعرف ان كلامي صحيح

والدنيا بخير

مو الدنيا مافيها مشاكل

طلع ها تلوم الواحد اذا قال تغيرت وين الي ما تغيرت والحريم جالسن يغسلوا السيارات عشان يحقلوووا لقمة العيش


خلها على الله يا ابو باسم مافي مشاكل هذي مشكله واكبر مشكله بعد

وانت تقول مافي مشكله وين انت قاعد

يالله ابو باسم

الله يعطيك العافيه يارب

ماتقصر حبيبي

عساك على القوة يارب

خالص تحياتي
أمير العاشقين
جاسم أحمد

[ساقي العطاشا]

شكرا لك أخي أبو باسم على الموضوع

[ليالي الخبر]

حسبي الله عليهم واحد واحد..
هم اللي خلوا هالمره تشتغل هالشغله وهم اللي خلونا نصير كذا في بلدنا ومنهانيين ما كن بلادنا فيها بترول..
واللي يقهر زياده ان الاجانب عايشيين مرفهين واحنا (في الطقاق)
وكل واحد راتبه (كمخه) واحنا ((1500)) ولا هالايام حتى ((500)) فيه هذا اذا البنات توظفوا يستلمون هالراتب!!
والله حرام عليهم كفايه قول بدون فعل كفايه من انهم يعطونا امل وفي الاخير يحبطونا كفــــــــــــــــــايه ملينا..
مثل ماقلتوا صحيح خير بلدنا لغيرنا وياليت بعد اذا عاشوا في بلدنا يحترمونا ولا يأذونا الا (يخمون)كل شي ولاهمهم حتى القتل صاروا يقتلونا وش يبون بعد..
هنا حتى الولد اذا حب انه يكمل نص دينه يحتااااار يكبر ويظل محتار والسبب الراتب اللي يستلمه كل نهايه شهر ((1500)) وش يكفي هذا والدنيا ((نار)) ليش ما نصيرمثل الدول الثانيه ما راح ابعد راح اتكلم عن بعض دول الخليج مثل :الامارات,الكويت,قطر
الامارات: اذا الولد عزم انه يتزوج وقدم على قرض من بنك التسليف يعطونه المبلغ له ما يطالبونه انه يرجعهم.
الكويت: الطفل من يولد يمشي له راتب ولا بعد زادوه (عليهم بالعافيه)
قطر: الماي الكهربا التيلفون الاتصال الداخلي ببلاش ولا حتى نسب القبول في الجامعات والكليات عندهم من60% وطالع ؟..احنا حتى 100% ما يقبلوها..
ليش احنا مو مثلهم وش ناقصنا؟؟
بس حسبي الله ونعم الوكيل..
ادري بتقولون اني هذاره بس والله هالاشياء(تبط) الكبد موحرام هالمره تجلس تغسل سيارات وغيرها (الاجانب اللي ببلدها) جالسين متنعمين تحت هالمكيفات ويبردون اظافرهم بعد
وربي قهر بس ما عليه الله بيمهلهم بس ما بيهملهم!!!!
وربي يرزق اختنا ويرزقنا ويرزق جميع المؤمنين والمؤمنات..
آسفه على الاطاله...:(

[ابو طارق]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



حسبي الله ونعم الوكيل


صحيح انا لبناني بس قلبي تمزق

وين النخوة العربية وين وزارة الشؤون الاجتماعية


وبرميل النفط ((100)) دولار

تشكر ابو باسم على هذه الصورة

التي تتكلم

[دمعة الاحزان]

الصورة تدوخ الراس
تخيلت لو بكرة تخرجنا ومالقينا شي ولو كنا زي البحرين نكشف عادي
يالله شلون نشتغل كذا وعباة وعفسه وغير كذا سيارة
يعني مافيه فرق بينا وبين العماله الاجنبيه
بس ضيق ذات اليد تسوي الهوايل
وعاد الخليج صاير حديث الساعه عند العالم على عندهم بترول وغاز طبيعي وخام وهم مايدرون شنو داخل البلد من هالمناظر
يسلموا ابو باسم

[عماد علي]

فرح
صحيح حالنا مشابه لحال إخواننا البحرينين لكن أنا أقولها الوضع عندهم لا يطاق ولا أستغرب إن خرجت من عندهم مضاهرة هنا وهناك... يمكن لو كان الحال لشعب غيرهم كان شفتيهم منهارين لكن البحارنة صبر مثل صبر ايوب الله يفرج كربتهم.

أمير العاشقين
كان زين المسألة مزحة بس حطيت كذا موضوع عن البحرين ... الصراحة حالهم سيء بس مثل ما قلت هم صبورين...

ساقي العطاشا

ليالي الخبر
صراحة خيتو اللي راتبه 1500 لا يتزوج خصوصاً إذا ما كان عنده دخل ثاني... الوضع عندنا مايسمح...بس ولا يهمك دام الله موجود ويشوف الظالم والمظلوم ما يهمنا...

محمود سعد
كثر من الـ وين والدنا بس صدقني ما بتحصل جواب خصوصاً من ناس آخر همومها حالة شعوبها...

دمعة الاحزان
حال هذه المرأة لا يسر بس والله هي أشرف من الشرف كان بإمكانها تآخذ أولادها وتتسول بالقرب من المجمعات ولكن تموت الحرة ولا ترضع من ثديها.




كل الشكر لكرم التواجد الغالي...

[ســحرالقوافي]

صورة تمزق القلب
تدمي المشاعر

وتبعث العين لتكرها دمعها على النزول الماً وحسرة

هذه هذ سياسة حكام العرب


اطعام الغريب وطلب رضاه
وصاحب الحق لا يحق له حتى الكلام


دمتــ بود

[عفاف الهدى]

لا حول ولا قوة الا بالله العلي العظيم

الله الرازق الذي يرزق من يشاء من حيث لا يشاء

والله كسرت بخاطري هالمرة

وذكرت الفقر وايامه السوده

الله المعين

[عماد علي]

سحر القوافي

عفاف الهدى
الله يبعد عن الجميع ذل الفقر


كل الشكر لكرم التواجد الغالي...