و الله الزمن من سيء الى اسوء

صراحه من قبل كم سنه كنت اذكر الوالده الله يحفظها كانت لما تحضر سفره ام البنين تقول انهم وزرعوا سمبوسه و فطائر و عصيرات و غيرها من الاشياء البسيطه

و لكن الان صارت سفره ام البنين متنوعه و من الوجبات تجلب من ارقى المطاعم و ايجلب ملايات خاصه لاحياء سفره ام البنين ووووو مصاريف ماتدري من وين تبدأ و من وين تنتهي

و لو رجعنا الى ام البنين و اهل البيت لا ايقنا انهم لا يحبون الاسراف في التوسل بهم و انا مع الاخت دمعه على السطور في القول بان الماء يكفي اذا كانت النيه خالصه لله

بعيداً عن التباهي و التفاخر فلانه قالت و فلانه سوت و غيره من البذخ الغير مبرر

و انا الحين لما اقول الى امي اني انذر الى ام البنين تقول كم بتدفع على شان نسوي السفره لان الوضع تغير يعني اذا ما تدفع 2000 ريال يحل عليك الغضب و اذا قلت واجد يقولوا ام البنين ما تستاهل و انا بصراحه اذا تحققت الجاجه اللي عندي راح انسق مع اختي و اعطيها 500 ريال لعمل السفرها و بعتقادي هذا المبلغ و ان زاد عليه القليل يكفي لعمل سفره ام البنين سلام الله عليها

يسلموا اخي ابو زين على الطرح الراااااااااااااائع