((ضريحك امامي))

قصيدة >> ضــريــحــك امــامــي <<



ضريحك امامي عجبني عجب
الشباچ فضة والقبة ذهب
###
لفيت لحضرتك من قاصي البعد
قطعت الفيافي بهضني الجهد
جميل المرائي اخذني الزهد
وبس شفت لحضرتك ولا بي تعب
###
سحر عيني حيدرجمال النجف
وبس شفت لحضرتك دليلي رجف
ثاري من جمالك حسنها انوصف
ياسيد عجمها وياخير العرب
###
ودخلت لضريحك والقلب انذهل
دمع عيني لولو من الفرحه هل
وحبل همي حيدر رباطه انفتل
وشباچك بهرني وكل همي انحجب
###
نظرت لمحاسن ضريحك علي
انوار التلااله مصدرها جلي
رسمها جمالك يااروع ولي
وكتب بيها اسمك واحلى ماكتب
###
بريق الثريا تعالى الضريح
وعلى اهداب عيني شعاعة يسيح
نسايم رفاتك تداوي الجريح
نسى كل همومه ولا بيه رهب
###
جمال المصلى تظل قبلته
وياقبلة الباري وشرف شيعته
الموالي قصد لك ترك عزوته
تنجيه له يوم اليمر عاللهب
###
رجيتك ياروحي تظل رايتي
تلوح بخدمتك مدى دنيتي
غرامك ياحيدر مدد مهجتي
نثرته قواني وقلبي ماكذب