يايــوم أشـــوف أعتابك وَ أوقف حزين ببابك وَ أرجع أزورك ياحــيدر وَ أرجع وَ أزورك
طــــول علي ّ غيابك طـ ــول علي ّ غيابك
مشتاق أشم ترابك وَ أرجــــــــع وَ أزورك
أنــــــــــــا لهويتك لاتظن نسيــــتك
=====
علي وَ هذا الأسم يسري بشراييني
نبع يلما تمل شوقك رياحيني
عتب عندي وَياك يراوح بعيني
يمن فرقاك كدر صفوة سنيني
أريد أحجي صراحة وياك خليني
أخاف مكدرات الجو تنسيني
يا أبا الحسن ماتدري صرت أشتريها بعمري
شوفت ضريحك ياحيدر شوفت ضريحك
للفرقة نابت صبري وَ ظلت تعيش بفكري
شوووووفت ضريحـــــك
بروحي أشتريتك لاتظن نسيتك
\
/
عشت أعوام يمك ياربيع الحي
أنا ما أعوفك شنت مثل الجرف وَ المي
لوصرت بهجير أقصد لك يافي
لوليل الوقت دلهم أشوفك ظي
غصب من جنتك طلعوني أهل الغي
وَخلوني أظل لاميت وَلاحي
من جنتك حرموني وَبرجوة أمل خلوني
كل فكري يمك ياحيدر كل فكري يمك
عنك غصب بعدوني
أمشي وَ أدير عيوني
كل فكري يمك ياحيدر كل فكري يمك
عشت بثنيتك لاتظن نسيتك
\
/
موبيدي غصب عفتك يبو الحسنين
وَعنك رحت أتلفت وَ أدير العين
قلت هالفرقة بالميت شهر لاشهرين
طالت ياعلي لاسنة ولاسنتين
أنا شد على الصبر ما أدري درب منين
هدم ثلثين حيلي مخلفات البين
دنياي نفرت عني وحتى الصبر مل ّ مني
مشتاق أشوفك ياحيدر مشتاق أشوفك
أغفى بوسادة ظني وَأصحى على دمعي وَ وني
مشتاق أشوفك ياحيدر مشتاق أشوفك
يامانخيتك لاتظن نسيتك
\
/
البعد شيبني يامن فرقتك كلفة
جرح شوقي غمدني وَماوقف نزفه
ليال ٍ الضيم ضاقً بسمة الشفه
وَسنيني قضت بالحسرة وَ اللهفة
لكن بعده الأمل بالروح مايغفى
وَ أحس روحي بعد هالوقت ترفه
من عيني ينزف موحي وأنا بترافه روحي
أرسم خيالك ياحيدر أرسم خيالــك
هالصبر دم جروحي صرت بصحيفة نوحي
أرسم خيالك ياحيدر
بروحي لقيتك لاتظن نسيتك
\
/
بخيالك عايش من سنين وَ أتحسر
وَلا أدري المصير شلون ياحيدر
صرت ماأشعر بطعم البرد وَ الحر
وَإذا شمة هوا تزاحمني أتكدر
جمر ضيمي بحميم حشاي يتوجر
وَبعيني غدت عبراتي تتكسر
ماعندي غفوة بنومي
وَلاصحوة تجلي همومي
حيرني بعدك ياحيدر حيرني بعدك
مامش سعد بنجومي
وَلافرحة تسعد يومي
حـــــيرني بعدك ياحيدر حيرني بعدك
ترحمني ريتك لاتظن نسيتك
\
/
ياوهجة عشق ناغت خلايا الدم
خلافك عمرك وَذرة ضايعه بمنجم
بغيرك شمل روحي بعد مايلتم
يابو الحسنين أنت الجرح وَ البلسم
يايوم أوصلك وَ أكشف سحاب الهم
وَأنفظ يم ضريحك كل غبار الهم
يايوم أصل يم قبرك وَأنصب مناح بكثرك
وَأبكي لمصابك ياحيدر وَأبكي لمصابك
ياما صفا لك دهرك وَأذكر مرارة صبرك وَأبكي لمصــــابك
وَأذكر رزيتك لاتظن نسيتك
\
/
أتمنى مثل هاليوم كنت هناك
وَأجدد يم ضريحك هالعهد وياك
وَأنصب مأتم على مصابك وَأنعاك
وَأون ون ّ الثكالة لفقدك وَأنعاك
لكن مانسيتك عايش بذكراك
ضميري من البعد يا أبا الحسن ناداك
بين الدمع وَ الحسرة أذكر لهيب الطبرة
يصعب مغيبك ياحيدر يصعب مغيبك
يـــاحيدر
من عيني تجري العبرة وَ بين الجوانح جمرة
يصعب مغيبك ياحيدر
يصعب مغيبك
بالهم بكيتك لاتظن نسيتك
=============



للشاعر الأديب /الأسطوورة


جـــــــــــــابــر الكـــاظمي