الرادود أيوب الحسيني : أميري حيدر
القصيــده .. أميري حيدر
الله أكبر أميري حيدر
عِـد ميناء الأعماق
مرسى حب و أشواق
أنته الهوى و حبك هوى
صَـعَّـدني للأفاق
ضميتك بالأحداق
بثيتك للإشراق
و هاي الشمس بَـيَـه تِحس
و صرنا وهجة ميثاق
زهرك صغته أطواق
يا بو الخير الدفاق
صار العطر ينثر فِكر
و يسبح للخلاق
سبحانك على الأخلاق
ما مثلك عالإطلاق
حرفك لَـهب بصدري انكِتب
و صدري بفضلك بَـراق
ها صحتُ أفخر أميري حيدر
غنيتك لحن أطوار
إنظمتك طيف أشعار
و هذا اللحن طول الزمن
يضوي لفجر الأفكار
لو بِـيّـه تِلهب نار
و غابت شمس الأعمار
و ما من هلي ينهض إلي
أصرخ لك يا كرار
أنجدني يا نَـوّار
خانت فيني الأقدار
غاب الضوه كل شِيْ هِوَى
يا عالم بالأسرار
جـفك جـف الجبار
عطني عزم و إصرار
ها يا مدد ما خاب أحد
و آني برحابك جار
يا أبا شُـبّـر أميري حيدر
يا بو الحسن و حسين
يا بو أقدس سبطين
ابومض النظر تلقـى خبر
يسري بعروق العين
تلقى إيمان و دين
و ريشه اتْـضَـمّـن تدوين
تكتب علي إسمك حِـلي
مطبوع اعلى الجفنين
ما أتحير لا وين
و أنته ابجفني تبـييـن
خَـطك وِضَـح و صدري انشِرح
زانت لـيّـه لسنين
عِـد مهدي و بالتكفين
اكتبتك سورة يس
حبك شمع لَـيّـه يشع
بيّـه اتمكن تمكين
حرفك أنور أميري حيدر
طـله ابنور الآمال
عينك تضوي لجـيال
عينك وهج تهدي النهج
للحق تكسر أغلال
بالحِـل و بالترحال
ابظلـي شفتك ميّـال
يا منيتي يا غايتي
إسـقي قلبي ابْـزلال
رويني يا شلال
زلزلني يا زلزال
آنه الأرض ابطول و عِرض
منك أريد اوصال
هزني الشوق القتال
إحيـيني بسرع حال
لرض النجف قلبي انشغف
طاير بِـرْياح اشمال
فالتـتصـور أميري حيدر
بعينك يلمع لسـلام
أعرف طبعك ضرغام
جيوش الحرب لو تقترب
جفك ينسل صمصام
بحدك ترجف أقدام
ما تقدر عاللإقـدام
تشوفك أسد بهيبة صمـد
هيبة ربنـا العَـلام
حيدر ليث الهَـمّـام
إزْأَرْنِـي عالظُـلام
خل انِـصِـر ما أصطِـبر
خل تتـجلى الأوهـام
رفيتك بالأعلام
رايه ابرغم الآلام
هذا اللوى لعمري دِوَا
يْـمِـدني من عام لعـام
مولايَ تُـشْكَـر أميري حيدر
و بشاطي مْـن الآيات
زَخَـيتك فيروزات
و قام البحر يرتل سور
بأروع و أجمل نسمات
يا نسمه مْـن الزهرات
بحرك بحر النشوات
موجك حِـلم ينثر يِـلم
ذكرى ابشكل النجمات
الذكرى تخطي خطوات
يمك خلها ساعات
و يا بالحسن بمد الوطن
تمتد هاي اللحظات
آنه شوق الدمعات
شوقي يكبر ما مات
خِذني إلك و آنه الفلك
طايف حولك دورات
حجٌ تنـور أميري حيدر
رد مع اقتباس
المفضلات