ويش الذي غير احساسك بالبشر
خلاك ذابل وأنت احلى من القمر
فاقد حبيب . . ؟
تعبان..وفي حاجه ال طبيب؟
والا انصدمت بشخص
جرعك القهر
مسكين طيب هالزمان
ماله بهالعالم مكان
الكل يبي يستغفله
أهون جراحه تقتله
وإن صار وتعرض لصدمه من حبيب
يقضي حياته فاقد احساس الأمان
نهاره نايم وليله يقضيه بالسهر
ومن زود ماقلبه حنون
يغفر ومهما يغلطون
ودايم يقول . .
أحبابي والله وماتهون
ياصاحب القلب الكبير
محبوبك اخطائه كثير
اللي تحبه . . ميت احساس وضمير
عايش على كلمة "أنا"
يعني اناني
واذا لقى مثلك.. ترى نال المنى
إنسان معطاء وخدوم
يلقاك في وقت اللزوم
تفرش له الدنيا حرير
تضحك له لومهما يصير
يجرح وتتحمل
يكذب وتتجمل
صابر عسى هالصبر خير.
رد مع اقتباس
المفضلات