انا اكتب الكلمه و انتم عليكم شرحها على حسب مفهومكم ؟؟ اتمنى التفاعل

[عفاف الهدى]

المصطلح عندي هالمرة

( اذا جت مكالمة من شخص لا تود مكالمته )

[صوفيا]

اترك التلفون يرن ومارد عليه

سواء كان الشخص ثقيل دم او ملقوف <<<اجل ليش مابرفع

اذا مالي مزاج اكلم اي شخص<<<< اسباب واجد تغير المزاج


هذا الي عندي خخخخخــ

[عفاف الهدى]

يسلم لي هالمرور خيه صوفيا

[LUCKY]

اذا اتصل علي واحد و ما ودي ارد عليه اشوف اي احد جنبي و اعطيه الجوال و خليه يرد عليه

و خلص نفسي حتى لو حس اني متضايق منه

بس ما تصير لي واجد و يمكن نادر ما تصير لي


يسلموااااااا عفاف

[عفاف الهدى]

يسلم لي هالمرور احوي لوكي

[عنيده]

ساعات اقطعه في وجه ع اني مشغوله ..



او اتصل الى احد و اخليه ويتنق ..


او سايلنت لين ما يتملل ..


عاد ما يتصلون الا لين نمت اووف يمللوني ..


يسلمووو

[عفاف الهدى]

الله يعنيش عليهم يالعنيدة

ننتظر المصطلح اليديد

[LUCKY]

يالله انا راح اضع مصطلح

الاعداد للسفر

[عفاف الهدى]

اتلاقي الي يبي يسافر كأنه جاهل في تفكيره وين انروح ومتى ووو

واذا قرروا الذها وحجزوا يلا ينتظر ديك اللحظة بلهفة عجيبة

ويلايم في ديك الثياب والأغراض من متى ولازم ينسى اشوية اغراض

ويوم السفر تختلجه مشاعر الفرح والحماس ويلا مستعجل الى الذهاب وفي نفس الوقت اتلوداع مو هين عنده

اتلاقي الدموع مختلطة مالى حزن ومالت فرح

واتلاقيه اول ما يمشي الباص بالدقيقة يتصل احنا مشينا واحنا وقفنا واحنا واحنا

وكأنه اول مرة يسافر
الله يرزقنا وياكم زيارة رسول الله وعترته الأطهار يا كريم

مصطلح حلو اخوي
يعطيك العافية

[LUCKY]

يسلموا عفاف على الكلام الرااااااااااائع

و الله يرزفنا و اياكِ زيارة محمد و ال محمد

تحياتي

[سيناريو]

الإعداد للسفر

كلما يخطر على بالي جاجه ماحطيتها في الشنطه أحطها
وكلما خطر على بالي أحد اكلمه أكلمه قبل السفر وأشوفه
وأحس اني باروح بدون رجع ههههه
لاإله الا الله

أقرأ دعاء الحفظ ودعاء السفر ،،،،

مشكورين
يعطيكم العافية

[LUCKY]

الله يحفظ و جميع المؤمنين و المؤمنات


يسلمواااااا اختي سيناريو على الطله الحلوووووووه

تحياتي

[عنيده]

اليوم بذات رحنا حجزنا حق السفر الى سوريااا


يعني المصطلح جاء في وقته ..





او شي انكون مستانسين حدنا ان احنا بنسافر ..
وكل حين تعد الايام اللي بقوا عشان السفره ..
وتبرز الشنطه من قبل شهر والحجز بعد من قبل شهر ..
وتتصل ع اللي تعرفهم كااامل ..
عشان تقول ليهم انك بتسافر ..
تقول لي امي لا تحطين غير خمس ست بدلات ..
اقول ليها اوووك ..
وكل يوم احط لي بدله في الشنطه ..
وقبل يومين من السفر اروح الجمعيه واشتري كل شي ..
كاني رايحه مجاعه ..
وفي ليه السفر ما اصدق اني بروح وما انااام ..
واقعد احارس لما الموذن ياذن ع طوول اقومهم كاامل ..
واتصير الربشه ..
لكن وناسه ..



مشكوور ع المصطلح الحلووو ..

تحياتي

[عفاف الهدى]

ننتظر مصطلح حلو

[LUCKY]

من كلامك اختي عنيده واضح انك مستانسه الله يدوم عليك الوناسه ان شاء الله

اتمنى لك سفره موفقه و تروحي و ترجعي بالسلامه

و لا تنسينا من الدعاء عند السيده زينب ع ام المصائب