اطلب رأي اجمهورررر .....؟؟؟؟

[المومياءة]

السلام عليكم
الغالي بحر الشوق
هاي المشكلة انا و لة مرة قلتها لاحد لكني راح اقولها لك طلبا للنصح
اخوي انا عندي مشكلة الكتمان اي شيء صار لي ما اقوله لاحد بس هاي خلها على صوب
و ننطلق للاهم
اخوي المحترم
كانت لدي صديقة انا و هي كنا اصدقاء من الصف الاول الابتدائي
في اول يوم دراسي لي قالت لي امي ان اجلس بقربها و كذلك قالت لها امها
اصبحنا اعز صديقتين
حتى الصف الاول الاعدادي ((اللعام))
انا رحت في فرقة 8 و هي في فرقة 6
يعني ما صرنا وية بعض
بس كنت اروح و ياها في الفسحة
شوي شوي و لا قامت تييب ربعها اللي وياها و ياها في الصف
معانا في الفسحة
بصراحة انا تمللت كنت اتم اقعد ساكتة
و كل ساعة وحدة تقول حق الثانية
تعالي بقول لج شيء

هاي في الفصل الاول
في الصفل الثاني
لم اتحمل ذلك
و قمت رحت و ية ربعي اللي معاي في الصف
و ما قمت اروح و ياها في الفسحة
لكن لين كنت اجوفها كنت اضحك وياها بس هي ما كانت تضحك وياي
و بعدين عرفت انها ما قامت تكلمني
قلت حق ربعي
و لة وحدة قالت لي
لا تروحين لها انتي وايد احسن منها
هي كانت تبيج حق المصلحة***لاني انا كنت متفوقة و كنت دائما اعلمها ****
و بنت قالت ان بنات يقولون انج انتي من هديتيها تغيرتي و صرتي حليوة
ووحدة ثانية تقول ان هي بس كانت تبيني لها
فهي غارت لين جافتني اروح و ية ناس غيرها
فهل اعتذر انا لها لكني انا اعرفها حق المعرفة اذا اعتذرت ما بقبل اعتذاري و بتهينني
ام اتركها فان الله كان يريد ان ابتعد عنها لانها كانت تريدني للمصلحة
الحين انا بروح ثاني اعدادي هل اعتذر لها في اول يوم
ام اتصل بها ام ماذا
آسفة اخوي اذا زودتها

[بحر الشوق]

بسم الله الرحمن الرحيم
اللهم صل على محمد وعلى ال محمد الطيبين الطاهرين

الاخت الغالية ..

المومياء

كم اسعدني تواجدك وطرحك ولا تنسي نحن هنا اسرة واحدة
ولا تقولي زوتها بالعكس ان شاء الله و الهمني العافية وطول العمر
لن اترك هذا ما حييت..

لا تظلميها هذا اول شيء ولا تتسرعي وتخاصميها و لا تنسي لأن تغير المكان عليها
وقل الوقت الي كنتو تجلسوا فيه مع بعض ، وزادوا معافها واكيد في وحدة في الصف
الثاني اخذت مكانش طبعاً هذا قد يكون طبيعي نسبياً لأن بطبيعة الحال ان تجد احد قريب
منها في البيئة الثانية تتعاون معها وتساعدها وبصراحة انا مرت علي مثل هذه السالفة
عندما نقلت الى صف ثاني في البداية كنت مسكين ولا حتى اتكلم مع احد لأني ما اعرف
احد كنت انتظر الفسحة تجي بسرعة علشان اروح اشوف الي اعرفه او بالاحرى الي اعرفهم
ومع مرور الوقت قلت جلستي مع اصحابي الاولين وكونت صحبة جديدة وهذا مو معناها
اني نسيت اصحابي الاولين بالعكس كنا نلتقي يوم الخميس او الاربعاء وعادي ..
انصحش خييتي ان تقومي بالاتصال لها ولا تجعلي الامر ذو حساسية كبيرة والله لا يفرقكم..
وبالتوفيق،،



وتقبلي تحياتي
اخوك


بحر الشوق