حلوه الفكره يابحر

واكيد رح تعم بالفائده عالكل

بالنسبه لمشكلة اخوي )( أحمد )(

اقتراحك له كان جميل وذكي.. وتحليلك لردت الفعل اللي ممكن تصدر عن جيرانه

بعد تنفيذ الاقتراح كانت واقعيه وصادقه

عكست وعيك ونضج تفكيرك

واني معاك بالرأي.

اما بالنسبه للمشكله اللي عرضتها اختي )(سر الوجود)(

اني مو معاااك ابدااااااااااا ً في الرأي

اسمح لي يابحر انت أطلقت لعاطفتك العنان بهالمشكله وتركتها تسيطر على كل كلمه كتبتها في ردك

وبهالمشكله بالذات ماتنفع العاطفه .. يعني مثلا ً لو اتبعو رأيك وكملو المشوار سوا .. طيب وبعدين

ويش ممكن تكون النتيجه ..(أبناء مرضى) ومزيد من المتاعب في كل لحظه

ياترا هالحب رح يصمد قدام كل هذا .. والا مع كثر الضغوط يجي يوم ويندمو على اللحظه اللي قررو فيها

الارتباط ببعض ( ولو بينهم وبين انفسهم) اقصد ممكن يراود الواحد منهم هالإحساس ومايعلن عنه للطرف الآخر

وبهالطريقه رح تبقى داخله ضغوط ومع الوقت تتراكم وكلنا نعرف ان النهايه الطبيعيه للضغط هي الإنفجار

والأكثر من كذا هو شاب توه يبدأ حياته وخل نكون واقعيين كلنا نعرف الوضع بالنسبه لإيجارات الشقق

ومصاريف التأثيث و... و... وخلافو..... مصاريف لها أول مالها آآآآآآخر.. وبالمقابل رواتب قليله

وتخيل على كل هالمصاريف وينجب ابناء مرضى وثلاثة أرباع السنه ممكن يبقو يرتادو المستشفى

معنى هذا ان الميزانيه حقته بتتلخبط وبيبقى على بساط الفقر ورح يظطر انه يحتاج للي يسوا واللي ميسوا

أمور كثير ضروري يحطوها في اعتبارهم ومايغفلوها..

قرار الزواج موشيء سهل .. ضروري جدا ً التروي فيه انتم مقدمين على خطوه مهمه وعن طريقها رح تحددو مستقبلكم

لوترويتو في اتخاذ القرار وبدأتو خطوه ثابته في طريق بلا عقبات أو خل نقول بلا مطبات

ممكن تضمنو حياه زوجيه أو حياه مستقبليه ناجحه على الأقل بنسبة 85 بالمئه.

بالنسبه لكلامك لما قلت :

(بس ان قررو على الزواج لا ينسو ان الرزق على الله مدام هذه ارادتهم ولا ينسو ذكر اهل البيت فهم سفينة النجاة ما يخيبو بعدهم ابدا . )

أوكي اني وياك الرزق على الله وكل البركات والخير في الاعتصام بأهل البيت واللجوء لهم..

لكن الله وأهل البيت مايقولو ارمو بأنفسكم للنار وبعدها انتظرو الفرج أو المعجزه ..

في الختام احترم رأيك .. بس اللي أشوفه انهم يتروو.. ويحطو كل الاحتمالات قدام اعينهم

وأن قررو الابتعاد عن بعض أكيد رح يكون شيء مؤلم وصعب ..لكن ألم لأيام وينتهي ولا ألم يبقى العمر كله ويترك خلفه

الحسرات والندم.. يفترقو وهم احباب افضل من انهم يعيشو مع بعض في متاعب ويجي يوم يكرهو الساعه اللي

تمنو بعض فيها .

رأيي قاسي .. أعرف .. وصعب تنفيذه ولو اني أمر بهالمشكله مارح اترك القرار لعقلي هنا نكون بحاجه

للناس اللي يخافو علينا واللي ممكن اننا نلجأ لهم بدون خوف ولأنهم خارج المشكله رح يشوفوها من كل الزوايا.

يبقى نشوف اراء باقي الأخوان والأخوات.. ياريت لوماتبخلو برأيكم.

والله يوفق الجميع