السلام عليكم ورحمة الله وبركاته ..

أخي الغالي بحر الشوق ..

أهلاً بك وبأفكارك الجميله ..
أعجبني ردك لكل المشاكل ..
وبالاخص ردودك على الاعضاء ..

أخي وعزيزي الغالي بحر الشوق ..

لدي مشكلتنا ..

الاول تخصني أنا وحدي فقط ..
والاخر تخص صديق غالي لدي ..

مشكلتي لن أظن بأنك سوف تلقى الحل ..

ولكن سأقولها ..

وش حيلتك لامن تولعت بأنسان ودك أتشوفه وأبعدته المقادير ..

أجابني كل الاعضاء بتركه ولكن هذا من المستحيل ..
ماذا أفعل عزيزي والفراق يذبحني ..
كل يوم أزيد له حباً وأشتياق ..
كل يوم يكبر ذالك الحب ..

هل ترشدني إلى طريق ..

أنا بالأنتظار ..

أما مشكلة صديقي الغالي التي ارجوا ان تجد لها حل قبل مشكلتي هي ..

أعذرني سوف أفرزها لك بالتفصيل ..

صديقي خدوم لدرجة أنه يسوي كل ما يطلبه منه الاخرين ..

عنده أهل ينفذ كل ما يطلبونه منه ..

اخوي أعذرني بتكلم بالعاميه اوكي ..

صديقي يحب أهله ويخلص لهم بكل ود واحترام ..

احياناً أكون معه تتصل به بنت خالته أو بنت خاله خالته أو مرت خاله ..

كلهم يتصلون به يطلبون توصيلهم الى اماكن مثلاً تسويق يعني يتسوقوا ..

لو يطلبوا منه يوصلهم بيت صديقاتهم (( ألخ ..

هم لديهم أخ وأب ولاكن ما يسوون ليهم شي ..

لذالك يضظرو ويتصلوا ليه ..

صاحبي يشيلهم على العين والراس ..

ولكن تقف المشكله هنا في أهله بأكملهم ..

ومشكلتهم الغيره والشك ..

يعني مسكين صاحبي أهله شاكين فيه ويخافوا منه ..

يعني أحياناً يشكي لي يقول شوف يا أمير كذا وكذا وأخر شي شك وغيره ..

أنا أيرق قلبي ليه ولكن أهله شاكين فيه وبزياده ..

مره من المرات أتصلت به خالته وقالت له وديني بيت صديقتي ..
هو جالس معي يعني توه واصل مسكين قال زين رجع ووصلها ..

أستنها في بيت أهله وبيت أهله كل ليلة جمعه يتجمعوا ..

يعني أستنى خالته تخلص ..

هو مسكين راح ألى خالته الثانيه يسولف معاها وطبعاً الثانيه متزوجه ..

ذخل خاله وشافه مع خالته يتكلم قام هدر عليه وفشله قدام كل صغير وكبير هو مسكين على نياته أخد روحه وطلع وجا لي علمني السالفه وقال حتى مع خالتي المتزوجه ليش عاد ويش شايفين عليي ..

بصراحة وبدون مجامله صاحبي طيب وعلى نياته يعني مسكين ..
ماعنده حركات صياعه ولا شي ..

حتى في مره من المرات اتصلت له بنت بالغلط قال لي شوف لها صرفه كل تتصل علي اتقول غلطانه اخدت الجوال من عنده وهزأت البنت ..

البنت تقول ليش ياما ترفع يا تظفي الجوال قلت ليها اختي انتي فاضيه وماعندنا هالحركات وسكرتها ..

صاحبي مسكين رقمه حليو لاكن متأدي من هالبنت راح وغير رقمه ..

يعني تخلى عن رقمه لانه ما يحب هالحركات ولا يطيقها ..

المهم بعد تهزية خاله ..

وبكم يوم نسى السالفه وهم اتصلوا له بيت خالته وقالوا له بنات خالته وديهم ..

هو على نياته وطيبته تجبره على الموافقه ..

المهم اخوي يوديهم وجيبهم لدرجة أنه أبوهم قال اذا يجي البيت بطرده ..

الابو ما يبالي بالاهل يعني مايودي بناته وبناته يبوا يروح بيت صديقاتهم يشتروا ليهم وماليهم الا صاحبي ..

ولما يوديهم صاحبي الابو يعصب ويهدر عليه بدل ما يقول شكراً ورحم الله والديك ..

ماعلينا من هالشي ..

صاحبي حس بالمضايقات وصار كل يعصب على اقل شي ..

وقال لي قررت ما اروح بيت اهلي ولا اوصل احد ..

صاحبي اصر على كلامه وصار ما يوديهم ولا يجيبهم ..

ولا يروح بيت أهله الا في السنه حسنه يعني قله ..

المهم اخوي عادت الشك ما فارقته ..

يعني أهله يشكوا فيه في كل شي ..

لدرجة حتى الاب والام يشكوا فيه ..

يجي يبي يطلع يسالوه وين رايح ..

يرن تلفونه من تكلم ..

ينام ليش نايم ..

أمه صارت تشك فيه حتى من اصحابه ..

اتصلت مره على بيتهم أتفاجأت بأن امه تحقق معاي ..
كاني بقسم شرطه أنا سكت لاني اعرف السالفه انهم يشكوا فيه.. وهو يقول لي كل شي ..

المهم اخوي صاحبي صار كل يقعد بالبيت ..

ما يروح محل ..

مسكين الام لازالت اتشك على الرغم من جلوسه معاها اربع وعشرين ساعه ..

صارت الام تلاحظ كل تصرفاته ..

الاب كذالك ..

أصبح صديقي محطة مراقبه ..

يروح يمين يطلعوا فيه ..
يروح يسار يطلعوا فيه ..
يعطس ليش عاطس ..
بنام ليش تنام ..

صارت حياته ملل في ملل ..

مستعد يضحي بعمره عشان اهله ..
لاكن أهله ما يقدروا ولا يعطهو احترام ..

الكل ضدده ..
ما يقدر يبوح ولا يشكي ..

انا اواسيه ولا كن ما اقدر اتكلم وياه كل يكتم ..

سكوته راح يفجره ..

ياترا ويش الحل ..

الاهل تركهم وصار ما يوديهم ولا يجيبهم وضميره يأنبه من جهه ..
والاب والام والاهل شك من جهه ..

يعني مسكين ما ادري ويش الحل وياه ..

لما الاهل يهدروا عليه يسكت ولا يتكلم ..

يرجع بيتهم ودمعته على خذه ..

صارت حياته كلها شك وغيره ..

يقول لي الموت أرحم ..

انا فكرت في كلمته ..

يعني قلت له ويش اقول لك حتى الموت مافيه راحه ..

يعني احاول بكل جهدي القى ليه حل بس مافي ..

ياترا أقدر القى حل ليه عندك عزيزي ..

اكون شاكر لك بكل النواحي ..

وأسف على الاطاله ..

أتمنى تتسرع اخوي بحر ولا تطول علي بالاجابه ..

خالص تحياتي
أمير العاشقين ..