بسم الله الرحمن الرحيم
معذره اخيه على التاخير لاني كنت منشغله الفتره الاخيره
فاسألك العذر والسموحه
امممممممممم
اما عن سؤالش عن الدورات فأنا بقولش عن بعض معلوماتي اللي اعرفها واتمنى من اخوي بحر المساعده طيب بحور
وعلى فكره انا مادرستها بس يعني كانت عندنا مدرسه تدرسها وكانت تعطينا
معلومات كثيره من اللي تدرسه وانا اتمنى حيل اني ادرسها
وانشاء الله ربي يكتب لي
طيب
هذي الدورات تهتم بطريق تفكير الانسان او بالاحرى العقل الباطن وبعد تساعد على معرفه كيفيه
التعامل مع الناس ( لان في ناس سمعيين وبصريين وحسيين )
وفي هذا القسم تطوير الذات جربي تقرين مواضيعه لانها تقريبا جزء من هالدورات
وطبعا هذي الدورات تساعد كثير وتدخل في العلاج يعني تشبه الطب
طيب بقولش مثال
في شاب سعودي دائم التنقل من شغله اللي في الدمام وبيته اللي في الاحساء
ودائما كذه
وفي مره من المرات قرر ياخذ ابوه معاه وسبحان الله اثناء القياده
وقع حادث وتوفي الاب ولكن الابن لم يصاب
وبعد الحادث خلاص الشاب كان دائما يلقي اللوم على نفسه وهون مايسوق وكان يخاف حيل من
السيارات وكذه حالته
الى ان عرضه احد من افراد عائلته الى شخص دارس في البرمجه
وطبعا استعمل هذا الشخص اساليب البرمجه لمعالجه هذا الشاب
والحمد لله صار الموضوع عادي ورع الشاب يسوق السياره
طيب هذا طبعا جزء من اجزاءها وهي اقسام كثيييره
ومادري شلون اوصلها لش بس انتي حاولي تقرين مواضيع هالمنتدى وراح تستفيدين
وتفهمين اكثر
عذرا لاني ماقدرت اوفيش المعلمات اللي تبينها
وانشاء الله بحر يوضح لش اكثر ( احم لاتخيب ظني بحور اوك )
تحياتي الريشه الناعمه