المسلسلات التركية

[عفاف الهدى]

السلام

هالمرة نبغى نقاشنا يدور حول هالمسلسلات الي غزت الفضائيات

في البداية جتنا المسلسلات المدبلجة وصارت ثورة وقومة وقعدة وبعدين المسلسلات الكويتية ما قصرت

في القصص الي ما هدفها الى نشر ال..... وتاليتها تجينا المسلسلات التركية

بصراحة هي عبارة عن مسلسلات مدبلجة بس مو باللغة الفصحى

اشوف الإقبال على مشاهدتها الصغار قبل الكبار والكل يركز ومبقق عينه في المناظر المؤسفة

في هيك مسلسلات تركيز على دقائق الأمور شي ماله داعي ينحط

القبلات والنظرات واللمس ووو اعوذ بالله من ابليس

والله محتلة هالمسلسلات المراكز الأولى في المشاهدة وما في رقابة لكل الأعمار

ونسمح لأطفالنا ومراهقينا ينظروا الى هالمصايب وانقول ليش انتشر الفساد

عادي اطلع مع صاحبي وعادي ,,,,,,, والحب الي ......هذا الي ما خذينة من المسلسل

لا واذا فاتهم المسلسل ركضوا نزلوا من النت وشاهدوه وكل ليلة خميس يشاهدوا حلقات الإسبوع كاملة

تعتقدوا عليهم امتحان فيهم يعني مذاكرة ؟؟؟؟

لا لأن هالمناظر والكلام الي في هالمسلسلات اتحرك الغريزة ..اتحرك الإثارة ..عند الطفل عند المراهق

وبعدين العواقب في مجتمعنا

ما أدري توافقوني الرأي ولا انتوا من المتابعين


شعارنا
والإختلاف في الرأي لا يفسد في الود قضية

[s3ana]

تسلمين على الموضوع الرائع وهذا الشي الي حاصل فعلا ما اعني المسلسلات بس اعني غياب الرقابه الاسريه وذي اكبر مشكله والله وكل شي عادي صار والعياد بالله تقبلي مروووووووووري
شعارنا
والإختلاف في الرأي لا يفسد في الود قضية

[عفاف الهدى]

اهلين خيو سنا

ما عطيتنا خلاصة الموضوع انتين موافقة على هيك مسلسلات ولا لا

اما موضوع الرقابة فهو ناقص او معدوم بالنسبة للأهل

في كل شي مسلسلات برامج وحتى طلعلت وصداقات

على الأغلب

ويسلم لي تعقيبش

[s3ana]

اتا ماشفتها حتى احكم عليها راح اتابعها اليومين الجايين واشوف

[عفاف الهدى]

تسلمي ليي

بس ما أفضل انش تلوثين نظرش بهيك مناظر

بس انتين براحتش

عالأم بب سي
مسلسل سنوات الضياع

[s3ana]

اوكيه راح اشوفه وااله يستر ادا عجبني في رقبتش

[الأمل البعيد]

اني غير موافقة على هيك مسلسلات
انتشرت هالمسلسلات في الآونة الأخيرة وبكثرة
أكبر مثااال صديقاتي مدمنين ع المسلسات التركية وحنا في فترة مراهقة يعني مرة خطييير
اني من نفسي ماأحب هيك مسلسات ولا أتابعهم
الخطأ الكبير ع الرقابة الأسية إذا الأهل تاركين الفرصة للجميع اكيد بيتتشر الفساد
mbc كثرة عرضها للمسلسلات مثل سنوات الضياع وأكليل الورد و و و
الحل هو تشديد الرقابه ع الأطفال و المراهقين وبشدة
او عدم عرض هذه المسلسلات ( وطبعا هذا الخيار بعيد الإحتمال)
يسلموو خيتو عفاف
تحياتي
الأمل البعيد

[نور الهدى]

اللهم صلي وسلم وزد وبارك على محمد وال محمد


قبل كنا اذا نشوف فيلم هندي والقدماء مو مثل الحين بعد يعني اشوي في احترام واذا في مقاطع تلفزيون البحرين ما يقصر يقطع مثل هالمشاهد نحصل ادسات عليها من ابويي او اخواني ,, كنا نشوفها بالخش عنهم

الحين حتى الدعاية تعرض فيها المرأة شبه عارية والرجال نفس الشي وغير حركات الاغراء الي ما الى امها داعي


والمسلسلات حدث ولا حرج


لو على كيفي ما اخلي دشات

نقعد على القنوات الارضية بس


واذا بغيتي الحق حتى الارضية الحين ما منها فايدة


تلفزيون البحرين اخترب خلاص , كل شي مباح صار عندهم الحين


والي قهرني خيه ان امس في mbc يعرضون اعلان عن برنامج لكن ما انتبهت لاي برنامج كان بس لفت انتباهي المكتوب

الا هو هل القبل بين الشباب والشابات حلال ؟؟؟


شي الدين صار لعبة الحين بدينهم يحللون ويحرمون على كيفهم

لو حتى احكام الدين بيعولمونها بعد


واللهم عجل فرج امامنا صاحب الزمان


فمشكلة مو بس المسلسلات التركية والكورية او صينية ما ادري الي طالعين فيها الحين

المشكلة في كل شي

في البرامج في الاعلانات في الافلام في المسلسلات المصرية والسورية والخليجية بعد


وين ما طقينها عوجه


ضد هالمسلسلات بجميع انواعها


خل يخلوني وزيرة اعلام على الدول العربية وشوفي ويش بسوي


بشفر كل شي

بخلي توم جيري ومسلسل جحا الكويتي الاولي

يسلمو خيه


وعذرا على الهدرة

[عفاف الهدى]

الأمل البعيد

صدقتي خية في موضوع الرقابة

لكن مو كل اغلاطنا نرجعها لأهلنا

لأنا بتنا كبار ونفهم ونوعى ....يعني مو تيس تبع ..انفكر ونقرر ونختار الي نبيه صح
اذا عرفت اني ان هذا خطأ امنع نفسي من المشاهدة

واخلي ليي لسان خير ينصح الآخرين كمان

اشكر مداخلتش الحلوة يا احلى الحلوات

[عفاف الهدى]

نور الهدى

كلامش صح

مو بس المسلسلات التركية الكورية واليابانية ووو

المهم الي هدفها نشر الفسق بين الأوساط الملتزمة

وهي محط انظار اكبر فئة

ولو يسووا احصائية ولا ما اعتقد اقل 98% من مشاهدينهم

قصة انقلها

طفلتين خوات وحدة في صف ثاني والكبيرة في صف خامس

من أشد المتابعين لمسلسل سنوات الضياع

بس هاديك اليوم كان عندهم ظرف وماشاهدوا المسلسل

ولما جو من طلعتهم قعدوا يسألوا عن المسلسل

اي يحيى باس صديقته فلانه لبست كديه هاديك طلعت ويا هذا ووو
والأسئلة كلها على هالمنوال والطفلتين من قرايبنا وموكلام من عندي

لكن ما اقول الا وا اسفاه على زنا النظر والسمع

وخسارة ما خلوش وزيرة اعلام

لكن احسن تمبي اتحطي لينا توم وجيري اتعلمينا البلاسة

ها ها

وتسلم لي مشاركتش الحلوة

[عفاف الهدى]

ما عجبكم الموضوع ولا وشو السالفة

طيب كنت في جلسة فتحوا هالموضوع

وسمعت الجماعة يقولوا بأن هالمسلسل محترم وعادي يشوفوه الأطفال

لأنه صاير مسلسل رومانسي والإم بي سي اتقطع البلاوي !!!!

والمسلسلات الكويتية بلاويها أكثر منه

ابي أحد يناقش في هيك رد

أني برأي المسلسلات الكويتية مو اشوى منه
ما نتقبل الزلة والخطأ منهم وقع المصايب الي يعرضوها ما يناسب مجتمع خليجي محافظ بس هالأتراك
وغيرهم يسووا الخطأ احنا نقبل انشوفة ..ليش ؟؟؟؟؟ بحجة أن هذا واقعهم والشي المتعودين عليه

[s3ana]

اختي عفاف انا اليوم شاهدت منه كذا حلقه ماشفت فيها شي يفيد اوينفع مجرد حاجات سخيفه اهل البنت يقولو بنتنا صار ليها فتره مبسوطه متغيره حليانه عندها نشاط غير عادي اكيد من الحب الجديد (كان في قديم) ما عندهم مشكله كل يوم مع واحد المشكله في بعض الناس عندنا يفتكرون هذي الحاجات تحضر, الناس الحركات اكيد هاي وكلاس بعد تلاقينهم لو حب ولدهم او بنتهم عادي (من غير خطوبه او زواج) دين مافي عادات مافي غييره راحت
وعلى فكره اكثر الناس يتابعونه اوغيره على نفس النمط
معليش طولت عليكم
تحياتي

[عفاف الهدى]

اهلا سنوي

طيب الحين وش الفرق بينه وبين المدبلج

هالمسلسلات قاعدة تنقل لين تقاليد شعوب ثانية
لا هي من ثوبنا ولا هي من اسلامنا في شي

يعني للخراب بس

والشي الي لاحظته مرررة غريب
كل العيلة تجلس على هيك مسلسل
حتى الأب المحافظ الملتزم الي كل شي عنده حرام وعيب
اسمع عنه يشاهد والموت في ايده لقطات البوس يغير

شنو ده
وهل هادي تعتبر رقابة ؟؟؟؟؟؟؟؟؟؟؟؟؟؟؟ وبعدين اقول مثلا برنامج جنسي ما المفروض يبث
اذا كانت هذه رقابة الله يكون بالعون
وعلى الأقل البرنامج الجنسي فيه 50 % سلبي 50% ايجابي
ومثل هالمسلسلات 99,50 % سلبي و 25, % بس لقطات عادية

والله يكون في العون

[s3ana]

اختي عفاف والله شاهدت منه شويه اليوم حاولت اشوف فيه شي يجذب (غير البنات والبوس والاحضان مافي) وزي ماقلت لش من قبل مش الغلط من الابناء الغلط من الاهل اكبر ادا هم يشاهدو مثل هذي الاشياء يعني موافقين عليها الاولاد وش راح يسو ما ادري بس الزمن فيه بلاوي مسلسلات مدبلجه اول شي بعدين افلام من غير رقابه وقبل هذا كله عمر الطفل سنتين يلعب العاب فيها الكثير من التشجيع على بعض الحركات (السرقه التخريب مصاحبة البنات او العكس وغيرها من الاشياء الي ما ندري عنها)طبعا الاهل ما يعرفون اولادهم وش يلعبون كل واحد كيفه مافي رقابه, طفل خله ينبسط لسه صغير حرام مايدرون ان هذي الاشياء بدايه الخراب
الله يعين
سوري على الاطاله
تحياتي

[ملاك الررروح]

يسلمووووووو
خيتووو
على الموضوع

واني طبعاً ما ايد ها لمسلسلات،،والحمد لله ما اشاهدها.. من زمان شاهدت مسلسلين مدبلجين
بعدين وعيت الى الشي انه حرام هالمسلسلات
تتشاهد وتاخذ وقتنا على الفاضي وما ينتهي الا حاملين ويانا كم ذنب ،،الله الغني عنهم وعن ذنوبهم

ومن ناحية المسلسلات الكويتيه,,فعلاً في الآونه الأخيرة ظهرت بصورة مخزية ..طبعاً!!مسويه اضراب عنها لأن قصصهم وابكالهم غالباً يجيبوا القهر .


يعطيش العافية
دمتــــــــــــــي