سؤال محرج للفتيات!!!

[الولاء الفاطمي]

اللهم صل على محمد و آل محمد .

سؤال محرج للبنات !

لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين :
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تصور مع خشتك
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل )
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )
المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب

لو صار لكم مثل ها الموقف يا بنات شنو راح تسون

انتضر ردودكم بنات وفتيات



شاااااااو

[سر الوجود]

رح اجهز نفسي عدل ههههههههههههههههه ( امزح)

طبعا قبل لايشوفني لازم اعرف عنه اشياء ولازم اكون اني مقتنعه به تماما

واذا كنت مثلا موافقه عليه

رح اجهز نفسي للمواجهه ( قصدي بأن اول لقاء يكون صعب شوي)

ورح اكون مستانسه طبعا بس خايفه شوي لان هالانسان جديد بحياتي

تسلمي خيه على المشاركه الحلوه

واذا ان شاء الله صرت بهالموقف رح اقولك شنو بيصير وصار بالضبط

ورح اعزمك ان شاء الله

الله يبلغنا لذاك اليوم
تحياتي....

[حباً والف كرامة]

[align=center]السلام عليكم ورحمة الله وبركاته

شكراً لك أخيتي الولاء الفاطمي على جهودكِ في المنتدى وعلى مشاركاتك ِالفعالة وفقكِ الله دوماً ..

لو كنت في محل هذه الفتاة سأفكر أولاً وقبل كل شي هل أنا جاهزة للارتباط ومستعدة لأن يشاركني شاب حياتي وبعدها سأفكر بالاسألة التي سوف أطرحها عليه في يوم المقابلة وأخيراً وهو يوم المقابلة سأحاول قدر الامكان ان اكون هادئة وعلى طبيعتي ..

وطبعاً لا أنسى أن أكون بكامل أناقتي وحسن هندامي ومنظري لأن الشاب لا يكفيه الاخلاق والدين وغيرها من الامور بل يكترث للشكل أيضاً ..

لا عدمناك أخيتي ..

ودمتم سالمين [/align]

[الولاء الفاطمي]

مشكور غناتي سر الوجود بس اهم شي تعزميني وتقول اليي وش صار الش

تسلمي غناتي ع المرور واه شي بعد انتين اتقولي اليي وش بصير وياش

[بيسان]

[frame="7 80"]هلا والله

بااااختي

شلونش ؟؟ شخباارش ؟؟

انشاااء الله طيبه

ههههههههههههههههه <<<< بعدهي تضحك على الموقف :d

فعلن زي ماااقالوا خواتي

لازم نتعدل ونتكشخ لن هم مايهم الاخلاق اكثر اهم شي

عدهم الجماااااااال والشعر طووويل وبيضاء و....

فلازم تكونوا في كاااااااامل كشختكم

وقبل ذا كله لازم نسال عنه ونشوف اوكي ينااسبنا احنا قادين

نفتح بيت ومن هالكلام

وشعوووووووري بيكون فرحانه وبصيح ومستحيه اخلطيهم مع بعض في الخلاط وبيطلعوا لش كيكه

وقدميها له بس انتبيه لايطيح منش حاجه لايعايرش ابها طوال عمرش

اذا وفقكتم في الاختيار

وبالتوفيق للجميع

وانشاااء الله كل بنوتتتتات المنتدى هالسنه ينخطبوا كلهم واولهم الا كتبت المووووووضوع

يالله قولوا انشااااااء الله[/frame]

[الولاء الفاطمي]

ان شاء الله يارب اولهم بيسانوه

اسمعي بيسانه اتعدلي عدل واتكشخي وتعالي اليي اعدلش غناتي عشان تطلعي قمر زين

والطبخه اول ما تستوي اعطونا منها زين

[~ سجايا الروح ~]

السلام عليكم ورحمة الله ..

مشكووورة اختي الولاء الفاطمي ..

وياما صارت هالمواقف ..

عن نفسي ما اهتم الا قبل بجم ساعه :p اتوتر وما اعرف شسوي واتقلب إشاره مرور ..
<< يعني كلما قرب الوقت زادت الحالة
واذا كان في بالي اسئلة انساهم ..
وبعدين عالله .. ادخل والله يستر من الوضع .. يا أنواع الإحراجات أو عادي
وبالأغلب لازم في شوي إحراجات << علي سوالف :p ..
ويعني ..

وعن مظهري .. ولا شي اسويه غير عن اذا بطلع ..
يعني البس عباتي وشيلتي وانا رايحة وبس

خواتي .. ترى مو لازم كل التكشخ والخرابيط
اللي ما يبيج مثل ما انتي .. انتي المفروض اللي ترفضينه ألف
ومرده بيشوفج مثل ما انتي .. فـ ليش كل هذا ؟؟
خل يشوفج مثل ما انتي .. وانا متأكده ان كلكم حلوين ما شاء الله :)
يعني تبون تبدون حياة بالخداع ؟ او الغش ؟
لا ابدوها صح .. وكونوا صريحين وعلى طبيعتكم دايماً
والله يوفقكم يا رب :)

يسلمووووووو

[الولاء الفاطمي]

العفو خيه سجايا الروح ع المرور

وإذا صار وجهش الوان الأشاره صوريه علشان اشوفه زين ... ويويلش إذا انخطبتي وما قلتي اليي

[شجون آل البيت]

السلام عليكم ..

بصراحة سؤال محرج بس لو كنت في ها الموقوف يمكن ما أوافق :p

أمزح بس ما أتخيل حالي في ده الموقف :s

:) بس اذا صار لي الوقف راح أقول لش ويش صار علشان لا أتخيل شي وبعدين أنصدم بشي :) :)

والسلام
أختك شجووون آل البيت (ع)

[الولاء الفاطمي]

وعليكم السلام والرحمه

تسلمي خيه ع المرور

واول مايصير الش قولي اليي انتظرش