موقف محرج بين فتاة وخطيبها

**شمعه تحترق** · 02-04-2005, 11:01 PM

هذي قصة وحده مع خطيبها

خلكم معاي وشوفو اشصار

هي من النوعية الخجولة لأبعد درجة ... و كانت تخجل أشد الخجل من خطيبها لدرجة أنك لو تقطعها ما تاكل قدامه و لا تشرب .. !!
تقول : جاهم ذاك اليوم خطيبها بعد الظهر ( وش يبي ذا جاي الناس بعز الظهر )... و كانت توها قايمه من النوم ( يخرب بيته من شكل .. أكيد منفخ الوجه و رايح بخرايطها ) ...في عطلة نهاية الاسبوع ... ( الويكند .. بالانجليزي المعرب ) .. ما امداها تفك ريقها ....الا هو موجود خلصت بسرعه بسرعه و ماشبعت طبعا ... المهم جلس عندهم و لما جا وقت الغداء كل اهلها قامو يتغدون ... فقال لها خطيبها تعالي تغدي معانا قالت لا أنا شبعانه توني فاطرة ..

قال لها : عشان خاطري تعالي ..

قالت : والله خاطرك على عيني وراسي بس مافيه مكان للاكل مو قادره لاني شبعانه .. ( وهي كانت جوعانه بس من كثر الخجل لو تذبحها ماكلت قدامه )...
المهم جاء العصر و استأذن خطيبها من أهلها أنه بياخذها و يروحون محلات الأثاث و يختارون أثاث شقتهم .. وافقوا الاهل و طلعت البنت معاه و هي ميته من الجوع ... جا بينزلها بكوفي شوب ... قالت له لا ما أقدر أشرب كافي ( و عيونها بغت تطلع من الدريشه من الجوع ودها تاكل المحل بكبره ) ..

قال : يابنت الناس تحلين على الأقل

قالت : لا والله قبل ما نطلع كنت شاربه كافي و محليه بالبيت ( و هي مناك ماذاقت ريحته ).... ما أقدر اكثر منه ..( و هي من هناك حاسه بدوخه من كثر الجوع ودها توصل البيت ).... لف فيها و لف و لف ( والبنت ميته من الجوع و زادت زياده قامت تفكر بأفغانستان والفقراء و كل شي ذيك الساعه خطر على بالها )..!!

في محلات الاثاث وهي مو قادره تتحرك و تكابر ما تبي تاكل قدامه .... يوم ماقدرت تمسك نفسها قالت له ياليت نرجع البيت لاني مصدعه .... قال لها ابي اعزمك على العشاء برا قالت لا واللي يعافيك مافيه محل للعشا شبعاااااااانه ... رجعوا البيت إلا أمها مسويه لهم عشا و كانت بتطلع ... حطت له العشا و ماكان في البيت الا هي وهو بس .... قال لها تخليني اتعشى لحالي؟؟ تعالي تعشي معاي ...

قالت له : لا توني متعشيه (اشفيه هذا .. مايفهم ؟ بالغصب يعني ). . قال اشلون توك متعشيه و انتي طول الوقت معاي ... انحرجت ضحكت و قالت له الظاهر اليوم كثرت من الاكل لما قمت و الشيز كيك حليت زياده عن اللزوم احس اني ما اقدر آكل أكثر من كذا ..... مد يده لها بيأكلها من ايده قالت له لااا و الله ما اقدر أصر عليها و قال لها عشان خاطري ..!

قالت : مااااا أقدر ..

قال : بس هذي اللقمه عشان خاطري بس هذي ..

قالت : ودي بس أحس أني موقادره من كثر ما أنا شبعانه و الله ودي .....

عذرها و قال لها : لهالدرجه شبعانه؟؟

قالت : وأكثر من كذا ..

المهم خلص من العشا غسل أيده وقال لها : حبيبتي استأذن أنا اللحين لازم أمشي ( وهي أول مره تتمنى طلعته بسرعه من كثر ماهي جوعانه .. هلكت المسكينه ) ..

قالت له : بأمان الله.. حياك الله ..خلينا نشوفك ..

الرجال استغرب انها مالزمت عليه يقعد ( قام يطالعها و عيونه تطلع و ترجع ).. المهم مشت معاه ألين ما طلع من عند الباب ...

من كثر الجوع ما قفلت الباب و راحت تركض على صينية العشا و هي بالمطبخ و قامت تاكل بشراااااااااااهه و هي واقفه ما قدرت تقعد .. في هذا الوقت خطيبها ناسي مفتاح السياره فرجع و دخل بياخذ مفتاحه و هو قريبها (ولد عمها).. فحب يسلم عليها و يقول لها أنه رجع ياخذ مفتاح السياره سمع صوت بالمطبخ دخل عليها .. وهي من كثر الجوع ماحست أنه وراها ... جلس وراها مكتف أيدينه و واقف يطالع فيها .. وهي تاكل و تاكل و تاكل بشرااااااهه أليين ما خلصت ... توها بتمشي التفتت وراها إلا لقته واقف مبتسم و يطالع فيها .. .. يااااااا ربي.. هي أصلا تستحي و تخيلو شافها و هي كذا !!

قال لها : ليش كذبتي علي و قلتي لي انك شبعانه؟؟؟ كل هذا جوع؟؟؟؟

البنت بغى يغمى عليها من الاحراج !!

< والله موقف محرج وصعب بالمررره

والله لا يحط احد فيه
__________________

شمعه

**أمير العاشقين** · 02-05-2005, 12:01 AM

هههههههههههههاي

شكلش مجربه شمعه

ههههههههههاي

وش له الخجل

بس معذورة والله

يالله خيرها بغيرها
مشكورة يالغاليه

تحياتي
أمير العاشقين

**ماهر علي** · 02-05-2005, 02:50 AM

صارحة راحة

ودمتم سالمين

**شمعه تحترق** · 02-05-2005, 03:06 AM

اميرالعاشقين

محبوب

اعتز بتواجدكم

( لا أمير ماصارلي بس قرأته في منتدى وحبيت تشوفونه )

شمعه

**القلب الجريح** · 02-05-2005, 12:29 PM

هذا خجل والا دلاعة

عموما في النهاية تعلمت درس

يسلمو الايادي

ويابنات انتبهو مو تسوون مثلها

سلام

**دمعه حزن** · 02-05-2005, 12:38 PM

ههههههههههههههه

والله حاله .. حلو البنت تكون خجولة

بس عاد مو لهدرجة من الخجل

هههههههههههههههه

يسلمووو خيوه على المشاركة الحلوة

الله يعطيك ألف عافية يا رب

تحياتي
دمعه حزن

**شجن** · 02-05-2005, 02:06 PM

ههههههههههههههههههه

حشى تستحي حتى تاكل

مشكورة شمعتنا

**سهم الناصرة** · 02-05-2005, 03:24 PM

ههههههههههه بناتنا خوش بنات يصلحون يكونو كميديات

**دلوعه** · 02-05-2005, 03:38 PM

هههههههههههههههههههههههه
يعني مولهالحد الخجل خلى ينفعها عاااااد
بس حلوة الحركه بصراحه عجبتني تاكل وهو وراها
ههههههههههههههههههههه

الله يعطيك الف صحه وعافيه على النقل الحلووو

وسلمت الانامل

وبنتظار جديدك دوما

**شمعه تحترق** · 02-06-2005, 01:44 AM

احبتي

القلب الجريح..دمعة حزن .. شجن ..سهم الناصره..دلوعه

اهلاً بإطلالتكم المشرقه

ومرحباً بتعليقاتكم

ولكن مايثير تعجبي هو استنكاركم جميعا لخجل الفتاه

مع اني اجده امر طبيعي وموجود (طبعاً يعتمدعلى وضع الفتاه الأسري وكونها اجتماعيه او منغلقه)

(ترى والله فيه ...صدقوووووووووني|46|)

مرحباً بكم من جديد

وتواصل لااااااااااااااا ينقطع إن شاء الله

شمعه

**توأم الفرح** · 02-06-2005, 06:59 PM

أهلين أختي الغالية شمعه ...

بصررراحة قصة محررررررررررررررررررجة جداً ومثل ماقلتي فيه فتيات كدا كتييييير وانا ماستنكر هذا الشي ..

ومشكووووووووورة على النقل ..

تحياتي وامنياتي لك ..

اختك .. تووووووووم