۩۞۩ٌ بسمـ اللهـ الرحمنـ الرحيمـ ۩۞۩ٌ


عــنــدي لــكــم مــسـجــات إنــشــاءالــلــه تــعــجــبــكــم ...



۩۞۩ٌ ۩۞۩ٌ

( لبيه ) يلي
ترسل الشوق مشتاق ..

هيضت قلبي يا بعد كل
حالي ..

وان كنت مشتاق فأنا
لك مشتاق ..

وأنا على شوفك أعد
الليالي ..

يالله يلي من ترجاك ما
خاب ..

انك تحفظه من صدوف
الليالي ..

۩۞۩ٌ ۩۞۩ٌ


اغيب
وانت
تحسب
اني نسيتك
ترى الطير مهما طار
رجع لعشه

۩۞۩ٌ ۩۞۩ٌ

فكرت مرة اسرقك
وانحاش .. !
وصممت من قلبي انفذ
قراري .. !
وجهزت نفسي بمسدس
ورشاش .. !
ثم استعديت لجميع
الطوراي .. !
ماني بإرهابي ولاني
بغشاش .. !
مجنون في معزتك بغير
اختياري .. !
۩۞۩ٌ ۩۞۩ٌ


الليل من دونك طويل
وموحش ..
وتمر الدقايق مثل
الدهور ..
المحه طيفك يسليني
بس يا خسارة يختفي ..
وارجع ادوره فالظلام
يمكن اسمع همستك ..
تجي وتحفف عني وحدتي ..
لكن يرجع يختفي حسك
واحط راسي واتخيلك تمسح
على راسي ..
وتهمس حبيبي لا تخاف أنا
معك .. وبعدها ألاقي نفسي
طفل نام بأخضان أغلى البشر ..

۩۞۩ٌ ۩۞۩ٌ

الغياب ماهو جفا
والحضور ماهو وفا
الاهم شوق القلوب
حتى لو شخص اختفى

۩۞۩ٌ ۩۞۩ٌ


انا بعدك مثل وردة نمت
في آخر البستان
تناسوها ولا اسقوها
وحر الصيف موتها !

أنا بعدك مثل قرية
خلية ما بها سكان
هجرها الماء ولا جاها
وسوء الحظ حالفنا !

أنا بعدك مثل قصة
غريبة مالها عنوان
أضاعوها وكاتبها قضى
عمره يألفها !

۩۞۩ٌ ۩۞۩ٌ
الحب
عند الناس كلمة وحرفين
والحب
عندي له معاني ثمينة
وحبي يا ناس ماله
موازيين
مثل البحر لا هاج تحت
السفينة
يا طير سلم على كامل
الزين
قله عيني من غير شوفه
حزينة
قله منساه لو مرت
سنين
دام المشاعر في غرامه
رهينة

۩۞۩ٌ ۩۞۩ٌ


ياخوي ما شفت مثلك
بهالناس
فيك الوفا والوقت شح
الوفا فيه
انت الذي لين اظلم الليل
نبراس
ولا جارت كروب الدهر صحت
اناديه
وانت الذي بين الذهب خاتم
الماس
غالي الثمن عندي ولا احد
يوازيه

۩۞۩ٌ ۩۞۩ٌ


فديت اللي افكر فيه
فديت اللي انا اغليه
فديت اللي قلبي تبيه
فديت اللي انا اموت فيه
فديت اللي بعمري افديه


فديت



فديت



فديت


فديت


شو ادور


ما بخبرك



خلاص بخبرك


فديت اللي يقرا مسجي
الحين ..

۩۞۩ٌ ۩۞۩ٌ
أوعدك أنا يا شوق ماني
بناسيك
بوصلك لو قلبي جروحه
نزايف
بعيش عمري دايم أذكر
معانيك
واكتب لك اشعاري ودمعي
ذرايف
وان سرت عني بعيد بلعي
اناديك
ببكي عليك الوقت ليل و
نصايف
ما ابي اتركك قلت مابي
اخليك

۩۞۩ٌ ۩۞۩ٌ


لا تنشد الشوق عني وانته
ادرابي !!
نفسي تتمنى شوفك وانت اغلى
حبايبها !!
أغلى من عيوني الثنتين و
أصحابي !!
وأغلى من الناس حاضرها و
غايبها !!
واليوم شوق الغلا وشلووون
سوابي !!
خلاك تملك غلا روحي و
تتعبها !!

۩۞۩ٌ ۩۞۩ٌ


تبى تقرا كتاب من
حناني ..
وتكشف سر ما عمرك
قريته ..
بقلبي ما معك بالحب
ثاني ..
أصل حبك بنى بالروح
بيته ..
لقيتك نور في معتم
زماني ..
وغيرك نوره الصافي
وطيته ..
وغرامك يا هوى بالي
خذاني ..
وحب غير حبي لك
نسيته .. >> يجنن المسج حطيته التوبك في المسنجر ..

۩۞۩ٌ ۩۞۩ٌ

ايه احبك قلتها
والصدى غطى المكان ..
والتفت من كان حولي
مندهش من كلمتي ..
ثم جلست اردد الكلمة
إلى وقت الأذان ..
ثم ذكرت الله وهللت وبديت
بدعوتي ..
ربي احفظ من ملكني حبه
طول الزمان ..
ربي اكتب كل خير بدربه
واقبل دعوتي ...

۩۞۩ٌ ۩۞۩ٌ


زادت بي الاشواق وملت
بعضها ..
وشمسي عن الاشواق
صارت بعيده ..
دنيا عقب فرقاك ضايع
عمرها ..
وقلبي نسى نبضه ومجرى
وريده ..
وينك فقيد الروح وينك
املها !
وينك طعون الشوق والله
شديده ..

۩۞۩ٌ ۩۞۩ٌ


ان كان ليلي يقتل
الشمس بالهون ..
فانت النهار اللي بليلي
بقى حي ..
ما ابيك تسأل كيف انا احب
وشلون ..
الحب كله فيك انا اشوفه
شوي ..
يكفي اشوفك كل شي
بهالكون ..
واشوف كل الكون دونك ولا شي !!

۩۞۩ٌ ۩۞۩ٌ
لا تحسب اني يوم ارسلت
مشتاق ..

بس كنت اجرب موقع الرقم
وينه ..

اثر الرقم من بين الارقام
ذواق ..

رقمك هو اللي بس حرك
حنينه ..

ما جابنا لرقمك غير
الاشواق ..

واحساسنا قبل الرقم
عارفينه ..

۩۞۩ٌ ۩۞۩ٌ


ان طال عمري
ياهوى الروح
ما انساك ..

بعيش في ذكراك تالي
زماني ..

آآآآمر
تراها كل الأعمار
تفداك ..

لك بسمتي ..
لك دمعتي ..
لك حناني ..

انت الوحيد وداخل القلب
ذكراك ..

يلي بنيت بقربك احلى
الأماني ..

۩۞۩ٌ ۩۞۩ٌ


ياليل خبرني عن اللي أنا
أغليــــــــــــــــه

عن واحـــــــــد روحي بحبه
شفوقه,,

أغليـــــــــــه من بد المخاليق وأفديـــــــــه,,

أحس للفرحه طعم يوم أشوفه,,

يطلب عيوني يطلب القلب
وأعطيـــــــــــــــه,,

أراهن حياتي بين ضمة

" كفــــــــــــــــوفه"


۩۞۩ٌ ۩۞۩ٌ

قـربـت الأيــام و أنــا اعـدهـا عـــد
عسى الله يجمعنا على خير ويـاه
قتلـه تعاهـد وقـال اعاهـدك عـهـد
أنـا العسـل وأنـت ياعمـري حــلاه
واليـوم الله يـجـازي كلـمـة الـصـد
حالت بين القلبي و بين إلي هواه
الله أكبر ،، بالأمس اعد الأيـام عـد
واليوم اتحفس علـى مـا مـر ويـاه


۩۞۩ٌ ۩۞۩ٌ

أقدملك كلمة أحبك

مع مشاعر ماتبي تهدك

وهمس يذوب على خدك

وشوق يغني على قلبك

وعيون بس تبي تشوفك

واذن ماتبي تسمع غير صوتك

ولي قلب يصون حبك

مااقدر أقول شي ثاني

غير إني .. موت أحبك


۩۞۩ٌ ۩۞۩ٌ


ليتك تمر اليوم عندي وأحاكيك ..

وأقول لك من كثر شوقي علومي ..

حتى القمر لو تطلبه قال لبيك ..

يخضع وتخضع من وراه النجومي ..

ماسر قلبي غير حبك وطاريك ..

أشتاق لك حتى وأنا في حلومي ..


۩۞۩ٌ ۩۞۩ٌ


والله لوبيدي لاخليك مرتاح ..

وأعطيك راحاتي وأزيدك عليها ..

وتصبح حياتك كلها أفراح بأفراح ..

وأرسم لك البسمه وأحسسك فيها ..

وأعطيك لأبواب المقابيل مفتاح ..

وتمشي لك الدنيا على ماتبيها ..


۩۞۩ٌ ۩۞۩ٌ


احبك ماهي كلمه انا دايم ارددها ... احبك كلمه لاقلتها اقصد معانيها
صحيح ان الحروف قليله اذا ودك تعدها ... ولكن المعاني ماهقيت تحصيها
وفا واخلاص وظروف تعاندني واعاندها ... مشاعر صادقه والود ساكنن فيها


۩۞۩ٌ ۩۞۩ٌ

"المحبة"
في حياتي ماهي على حبر وورق
"المحبة "
في حياتي شوق واحساس وألم
"المحبة"
من صفاتي لا تشك فيني أبد
ماأبيع إللي أحبه وماأحب إلا لسبب
وأعظم أسبابي لحبك
قلبك إللي من ذهب


۩۞۩ٌ ۩۞۩ٌ


ليت شعري بالوفا يرسم حلاك..
لكتب الأبيات واملأ بك قصيد..
ارسمك بسمة تنتثر من شفاك..
واكتبك قصة بها موت الشهيد..
ليت قربك ينشري واجلس معاك..
لادفع الموجود وتبقى لي رصيد..


۩۞۩ٌ ۩۞۩ٌ


حرام تحرمني الصوت و الشوف ..
حرام تذبحني بزهرة شبابي ..
حرام تقطف ورده الحب بسيوف..
حرام تهجرني و تخلف صوابي..
لا تبتعد عني ترى القلب مخطوف
ما بقي الا الجسم داخل ثيابي..


۩۞۩ٌ ۩۞۩ٌ


لا غبت عني دمعة العين تبكي ..
و ان جيت يمّي خافق القلب حياك ..
موج البحور و نسمة الليل تغليك..
وشلون مايغليك شخص تمناك..
مهما تهب الريح و الغيم يخفيك..
لابد يوم تشرق شمس لقياك..


۩۞۩ٌ ۩۞۩ٌ


ما شفت طيفك بين الرمش و عيوني..
ما شفت سود الليالي كيف أقضيها..
أشوف غيرك و لكن ما يهموني ..
عيني اذا ما تشوفك وش ابي فيها..
ما همّني لو تعيش العمر من دوني..
لكن بدونك حياتي كيف أقضيها..


۩۞۩ٌ ۩۞۩ٌ


شخص تلاشى صورته بعد فرقاه..
و شخص تموت بصورته مانسيته..
و شخص تباشر بالمطر يوم تلقاه..
و لو في يدك تعطيه العمر عطيته..


۩۞۩ٌ ۩۞۩ٌ


أدري انك صرت ضمن المستحيل ..
بس قلبي رغم بعدك مانساك ..
و أدري إني منّك ضيّعت الدليل ..
و السبب لا شكّ هو كثر غلاك ..
و أدري اني من سبب بعدك عليل..
الله أكبر صار حبّي لك هلاك..
زو أدري اني ممكن ألاقي لك بديل..
بس وين اللي يساويك حلاك.

۩۞۩ٌ ۩۞۩ٌ


هلا بصاحب عزة النفس و الجود
الي تبش النفس ساعة وصاله
لو يبتعد عنا على البال موجود
ذكره على الخاطر برغم انشغاله
وافي و لا به من العذاريب منقود
جعل السعاده عبر الأيام فاله


۩۞۩ٌ ۩۞۩ٌ


مرحبآ بك ماتعاقبت ظلمه و نور..
يا نجم ساطع في قلوب الأوفياء..
قلبي معك دايم بحزنه و السرور..
يا رمز المحبة و الصداقة و الاخاء..


۩۞۩ٌ ۩۞۩ٌ


صرت قلبي وعيني مهجتي والكيان
صرت ذاتي ونفسي صرت مني وفيني
صرت دنياي كلها والزمن والمكان
وشبقى فوق حبك غير ربي وديني
ضمني في ضلوعك ضمني في حنان
وامسح ادموع طرف طول عمره حزيني
واسقني بالمودة والوفا والأمان
وخلني احيا بقلبك ما بقى من سنيني


۩۞۩ٌ ۩۞۩ٌ


عهد قطعته لو مضا العمرمنساك..
إلا إذا صادفت لحظة وفاتي..
جايز أحبك و أفقدك وأتناساك ..
جايز تغيب و تنسى حبي وغلاتي
بس ..أنت تدري كيف أنا أحس وياك ؟؟
و تدري ان غبت عن حياتي كيف أحاتي ؟؟


۩۞۩ٌ ۩۞۩ٌ


تعرف أني أغليك حيل وأهواك ..
اليوم وبكره وما بقي من زماني ..
تقول الأمل يسطع في سماك ..
وأقول الصبر يمكن يحقق أماني ..
حتى وإنحصلت ما بلقى سواك ..
كأن ربي عن هوى غيرك نهاني ..


۩۞۩ٌ ۩۞۩ٌ

خلني في بالك وغيب..
أهم شي أبقى قريب..
اذا حصل و احتجتني صدقني تلقاني قريب..
تلقاني ظلك لو مشيت..
تلقاني دمعك لو بكيت..
تلقاني بسمة لو رضيت..
فيني ظنك مايخيب..
" منى وعد اني اكون"
الصاحب
الوافي
الحنون..


۩۞۩ٌ ۩۞۩ٌ


كل اللي يكفيني بعمري لحظتين..
لحظة أشوفك و أختنق من عبرتي..
ولحظة أبادلك الحنين..
و أشتاق لأحلى لحظتين..
و أشتاق أنا في هالحياة لكلمتين..


۩۞۩ٌ ۩۞۩ٌ


كتبت لك من دمع عيني رسالة..
ختمتها بالجرح و الحل في يديك..
انت الامان اللي زماني مشى له..
مسكين قلبي ما حمل غير طاريك..
انساك هذا يا ملاك استحالة..
ما انساك لين الموت ياخذ روح مغليك..


۩۞۩ٌ ۩۞۩ٌ


السعادة والفرح بلمسة يديك
وكل همي إني اسعد في لقاك
كل ذرة في كياني هي تبيك
الله اللي بلا والله اللي عطاك
بس تطمن مالك بقلبي شريك
الوفا طبعي وتستاهل غلاك


۩۞۩ٌ ۩۞۩ٌ


مهما نواجه من فراق وصعايب...
نبقى على عهد المحبه والاصحاب...
ومهما نشوف من الزمان العجايب...
تبقى المحبه بيننا ضد الاصعاب...
هذا كلامي بالرخا و الكرايب...
منساك لين ينحط فوقي التراب...!!!

۩۞۩ٌ ۩۞۩ٌ

تدري خطانا بالحياة!..
أنا زرعنا أحلامنا فوق السحاب
وقلنا متى نصبح شباب
ونقطف ورود أحلامنا والأمنيات
ولما كبرناوجينا نسأل حلمنا
وتدري وش لقينا ...؟
لقينا أجمل حلم مات...
وبعده درينا..

ان أجمل شيء فينا "الذكريات"


۩۞۩ٌ ۩۞۩ٌ

فيك لايمكن أغير موقفي
أنت محبوبي على كل الظروف
ثابت الرأي ومهما تختفي
لك مكانه فاقت كل الوصوف
ترجمي يادمعتي له وأوصفي
حالتي بالحب مكسور الكفوف
أظهري الخافي لعينه واحلفي
أن عيني غير عينه ماتشوف

۩۞۩ٌ ۩۞۩ٌ

قلبي قسمته ياهوى البال بالنص..
نصه بجوفي وأنت بهديك نصه..
لاغبت عني يبتدي الحال ينقص..
وأسهر وتبدي لي مع الحزن قصه..
ياليتني في لجنة التعليم مختص..
والله لحط لمنهج الحب حصه..


۩۞۩ٌ ۩۞۩ٌ
تعبنا نرسم البسمة ولو فينا حزن وهموم
ونضحك ضحكة التزييف ونكتم همنا فينا
شكينا الهم والحرمان ولكن القدر مقسوم
نصيح ونحترق نتعب لكن وش بيادينا
صبرنا والشقا واضح ترى بوجيهنا مرسوم
وهالدنيا من اللوعات نستنا أسامينا

۩۞۩ٌ ۩۞۩ٌ

في (غيابك)حزن هالعالم سكني
وانكسر قلبي وضاعت امسياته
(غيبتك) زادت بجرحن ممتحني
واثر بقلبي وزود في شتاته
تدري وش حالي بعد مارحت عني
كني اللي منتظر لحظة وفاته


۩۞۩ٌ ۩۞۩ٌ

ياللي تبي تعرف اسراري وعنواني..
الضيق والحزن واللوعه عناويني..
وان كان ودك تدورني وتلقاني
في كل لمه حزن يمكن تلاقيني
يكتبني الحزن والضيقات تقراني
والناس من زود احزاني تبكيني

۩۞۩ٌ ۩۞۩ٌ


خوفي يطول الليل والحلم ينساكـ
خوفي عيون الكون بالحيل تبكيكـ
مني لكـ الإخلاص لوطال فرقاكـ
مهما يطول البعد ماني بناسيكـ
تبقى على عهدي دام إني أهواكـ
وتبقى لك أحلامي رسايل تناااااااديكـ ..


۩۞۩ٌ ۩۞۩ٌ

القمر والكون لو تبغي عطيتك
من كثر ما اغليك اتباها بغلاك
افقد الادراك لو ساعه جفيتك
تسمح الزلات لو قولي خطاك
يا إله الكون من قلبي دعيتك
تحفظ المحبوب ياعالي ف سماك

۩۞۩ٌ ۩۞۩ٌ

ماعاش مخلوق يعرفك وينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه وطوله
اضرب بي الهامه وانا كف يمناك
أطول منهو عجز غيري يطوله


۩۞۩ٌ ۩۞۩ٌ

الحـب ماهو بالمتاجر يباعي
مشاعر بين النفوس محكومه
ماللزعل ومعاند النفس داعي
محد على كيفه يحقق حلومه
بلهون ياراعي العيون الوساعي
لاتجرح الغالي وعقبن تلومه
إن غبت عن عيني عشقت استماعي
أحرك الهاتف وأدور علومه

۩۞۩ٌ ۩۞۩ٌ

دق الجرس في هاتفي واستعديت
للي بعث لي بالرساله قصيده
يامرحبا ياصاحبي كل ماجييت
ياجعل يومك والليالي سعيده
افز لك ياعزوتي وافتخر فييك
حتى لو انك بالديار البعيده..&&


۩۞۩ٌ ۩۞۩ٌ

سر ياقلم واكتب عظيم اشتياقي ،،
اللي لهم بمجلس الطيب مجلاس،،
قدرك على راسي سوات الطواقي،،
مانلقا شبيهك مع الناس ،،
انت العطر دايم على الجو طاغي،،
وغيرك حطب دخانهم يوجع الرااس ؟..


۩۞۩ٌ ۩۞۩ٌ

يا للي جاي تهدد
تحسب إنك قدي
ولا عرفت من أبوي وجدي
بعدك يابا ماشفت
ولاعرفت التحدي
عهد علي
لأخليك تكلم نفسك
وأنت ماتدري


۩۞۩ٌ ۩۞۩ٌ


ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

۩۞۩ٌ ۩۞۩ٌ

طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره


۩۞۩ٌ ۩۞۩ٌ

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح


۩۞۩ٌ ۩۞۩ٌ

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!



۩۞۩ٌ ۩۞۩ٌ

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني



۩۞۩ٌ ۩۞۩ٌ

فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!

۩۞۩ٌ ۩۞۩ٌ

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

۩۞۩ٌ ۩۞۩ٌ

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه


۩۞۩ٌ ۩۞۩ٌ



ووووو بـــــــــس خلصوا

ان شاء الله ينالون اعجابكم

منقوووووووووووووول

تحياتي