كيف تحولنا من قطيف آمنة الى ....!!

[Princess]

مرحبا

يعطيش العافيه خيه على هالطرح الواقعي

بالنسبه لي استغرب من ردة فعل الناس على جريمه اذا زادت جرعتها لو كان المجرم من ديرتهم,,
احس الجريمه جريمه اينما كانت ... بغض النظر عن هوية المجرم..

واستغرب اذا قالو بأسى..
هذا وقطييييييفي...

اني استغرابي يكون فقط في المذاهب .. يعني ممكن استنكر عمل الحادي وهابي من شيعي واقول بكل اسى..
هذا وهو شييييعي. يازعم موالي..

بس على هويته .. لأ...

الخير مثل ما تفضلتي يخص
والشر يعم...

بس تسمحو لي على الجرأه كوجهة نظر وشي مسموع ومحسوس
والعذر والسموحه مقدما اذا احد بيتحسس من كلامي
راح اذكر موقف..

صار لي مع وحده من البنات نسولف وهيك..على مناطق قطيفنا وقراها
وصلنا العواميه
قالت اوووه وخرري عنهم.... الفلوجه..
استغربت صراحه وضحكت :: ليش هالمسمى...؟؟؟
قالت : ايه تسوي روحش ماتدري ومادري ويش مجرمين ويخوفو و و و و...
اني صراحه ماعرف احد من العواميه الا جيراننا (( حنا ساكنين في سيهات بس اصل قطيفي)) ورواد هالمنتدى الغالي اللي اغلبيتهم من هالمنطقه.. على عيني وراسي من فوق والله..

قلت ليها والله يشهد.. ــ صراحه.. ماشفت منهم الا كل خير .. حق ويه تعممي.. والمفروض تفخر للقطيف بالعواميه واهلها.. في عيني احسها منبع للأعمال الحسينيه و دوم هي السباقه في خدمة اهل البيت عليهم السلام.. اذا هم غيورين و راعيين حميه.. واذا كم واحد منهم بدر منه تصرف مشين احكم على الكل مجرم؟؟؟!!

قالت : ــ اهوو ويش عرفش ومادري ويش..
ونطت لي في العميق..
بسؤال محرج..

وقالت:

لو تقدم لش عوامي توافقي

ضحكت عليها من قلبي والله
وقلت ليها وبكل بساطه .. اذا جائكم من ترضون دينه وخلقه فزوجووه..
واني << ودي اكفخها ساعتها ماحب هالأسئله
قامت عني وهي مهي مقتنعه..
واني في داخلي صرت افكر..
اسكت احسن لي القهر لما تنفخ في قربه مفقوعه وتحس كلامك ما ينفع ويا عقول لأنها اساسا لا تعقل...

بالمختصر
اني ما اتأثر.. لأني مؤمنه ان كل نفس ما تتحمل اغلاط غيرها فليش اعمم..

(ولا تزر وازرة وزر اخرى)

والله يرحم المذنبين برحمته

تسلمي خيه عالطرح
دمتي بخير
وبحفظ الرحمن