لـــــــوحة رســـومــــات

[أمير العاشقين]

السلام عليكم ورحمة الله وبركاته

اول موضوع في قسم النقاش تلبيه لرغبة

الاخ الغالي أبــــو زين

ياهلا اخوي وامير عند وعده

اول موضوع عندي اكو ها لوحة رسومات كلكم مستغربين شنو

انا راح اقول ليكم شنو وبالصراحه ابي الكل يتفاعل


البنت <<< موضوع يرتكز على البنت اولاُ والاهل والازواج ثانياً


كلكم تبون شنو هالوحة في سمها لوحة رسومات هالوحه هي

العــــــــــــــــباء


عباه مليان رسومات من فراشه وورود

وصلت الى درجة كتــابةاول حرف من الاسم على هذه العباء

الحين سؤال

ليش البنت لابسه العباء

ليش البنت لابسه العباء


عشان تتستر ولاحد يكارشها ويتعيلف بها


شنو راح يصير لما تمر وتشوف بنت مسويه في عباتها العديد من الرسومات


مشيت في السوق مع الاهل

الا ثنتين بنات امامي

خالتي تقول جاسم شوف العباء

اقول ليها اي عباء تقصدي تقول الي قدامك

انصدمت بنت مع صديقتها ختها الله العالم

ماسكين ايد بعض ويتمشوا مع تمرجح الايدي

والعباء مرسوم عليها

حرفين في قلب

وهالقلب مكسوم نصفين بسهم

وحرف في اليمين وحرف في اليسار البنت الاول عكس البنت الثانيه

كيف

مثلا لما يكون جاسم في اليمين وامير العاشقين في اليسار

البنت الثانيه عكس أمير العاشقين في اليمين وجاسم في اليسار


هاذي مصخره وقلة ادب لو لا

بالله عليكم هذا تستر

هاذا حشمه وحشيمه

هذا فعل

والله واقسم بالله خلهم يقولوا متخلف

لو بنتي تلبس كذا اقسم بالله اذبحها قدام الناس واتبرى منها

ليش لان هاذي بساقه

والله بساقه

انتوا شنو رايكم بعباء الرسومات

وعباء الاشكال

فراشه مادري غزال مادري وطواط هالاسامي

بالله عليكم ذي عباء

قولوا ليي

ليش البنت تلجاء الى مثل هذا البس

وليش الاهالي ما يمنعوا

وليش الاب ما تكون كلمة وحده اليه

ليش وليش وليش وليش

سؤال اتمنى الكل يجاوب عليه

ليش شنو بتستفيد لما تلبس كذا

ابي اجابه طلبتكم


خالص تحياتي
أمير العاشقين
جاسم أحمد

[علويه و أفتخر]

الحين الأبو صار يأمر بنته تلبس كذا تدري ليش ؟؟؟؟


عشان بالسرعه يخطبوها و يفتك منها و من محاتهاها و من مصاريفها و من همها و من .........الخ

و الأم طبعاً تتفشل كل بنات صديقاتها يلبسون كذا و هيه بناتها متخلفات و الله ما أحد أحسن من أحد و مع القوم ياشقره تقليد أعمى و غيره ماليها فايده

الحين الإ تلبس العباه الزينبيه متخلفه و طايح حظها عند لرجال قبل النسوان و الي تلبس هالجلبيات و فساتين السهرة صارت المثقفة و المتطورة .....

من أكل الحرام أنعدمت الغيره الحين ما في أبو يذبح بنته عشان عباتها مزخرفه أو شعرها طالع ، و لا في أخو يعصب و يقلب الدنيا فوق تحت اذا أخته ما تتغطى ....

أنتشر الفساد و العياذ بالله

في النهاية ما يصح الا الصحيح و لو خليت لخربت

المشكلة أن البنات تقبلوا الغزو الفكري و صار الهندي أو الفلبيني إلا يخيط العباه هو الا يمشيهم على هواه

و الأعظم اذا راحت البنت مع أبوها و أخوها و قام الخياط يقيس على البنت العباه و ياخذ طولها و عرضها و مقاس صدرها و يلمس من و مناك بحجة القياس و ولي الأمر واقف يتفرج كأنه سواق لو ما أدري كيف يطلع بكل برود و لا كأنه شي صاير .......

أني بنت بس لما أروح السوق يضيع وقتي بس في الفرجه على البنات الكاسيات العاريات

في بنات يلبسوا كتف بس بالصراحه ما عليهم غبار محترمات

المشكلة أن البنات مو فاهمين يعني ويشوا حجاب ؟؟؟؟

ترى الحجاب لازم يكون من داخل صح حتى يكون الشكل الخارجي مصداق للإيمان الداخلي

و الله قهر شيعه و قدوتكم فخر المخدرات و تصيروا كذا

صيروا زيناً لنا و لا تصيروا شيناً علينا

[أمير العاشقين]

و الله قهر شيعه و قدوتكم فخر المخدرات و تصيروا كذا

صيروا زيناً لنا و لا تصيروا شيناً علينا

؟؟؟؟

ممكن تفهميني العباره

[ام باسم]

صدقت اخي امير
في كل كلمه نطقت بها
و في قوله تعالى (( ولا تبرجن تبرج الجاهليه الأولى))


كلامك صح 100%

هذي الفئة تلبس العبايات للزينة فقط ، للزينة لا غير ..

اجل في بنت تلبس العباة وتزيّنها كأنها ثوب عرس ؟؟؟!!
واللي تقول لك فري .. وتطور..

وش التطور .. اللي راح ينزل من مكانتي ..

الحين موديلات العبايات اشكال والوان

واكثر البنات يسونها سواء فيها كتابه او رسوم

لكن منو الي يشجعهم غير ابائهم وازواجهم الي مايقولون لهم حتى كلمت عيب

بعض الاباء صايرين ماعندهم حتى غيره على بناتهم ..

الله يهدي الجميع ان شاء الله

عاذنا الله و اياكم

اللهم لا تؤاخذنا بما فعل السفهاء منا

من حق اي بنت ترى هذا الحال المأساوي ان تشعر بما شعرت

لأنه ديننا يحفظ المرأه ويصونها لا يعرضها كالسلعه

ياااااااااااااااااااااااااااربي عجل ظهور سيدنا و مولانا و صاحب عصرنا

لينشر الحق و يحارب الظلم و الفساد

[واحد فاضي]

السلام عليكم ورحمة الله وبركاته
عليكم السلام ورحمة الله وبركاته

اول موضوع في قسم النقاش تلبيه لرغبة

الاخ الغالي أبــــو زين

تسلم والله يا خوك

ياهلا اخوي وامير عند وعده
أكييييييييييييييد يا خوك
يا هلا بملبي الدعوة أخوي أمير العاشقين

بعد الترحيب بأخونا أمير العاشقين
وله جزيل الشكر لتلبيته الدعوة
نعود لموضوع النقاش

موضوع لبس العباءة المزركشه
المشكلة يا خوك شائكة بجد بجد بجد
يعني كيف ؟؟؟؟؟
العباءة أصبحت في زمننا هذا مع الأسف الشديد عنوان للفتنة بغض النظر عن نوع العباءة هل هي عباءة رأس أم عباءة كتف
لكن تميزت عباءة الرأس بأنها أقل زينة وتشكيلاً من عباءة الرأس من حيث الموديلات والتطريز والتخصير وخلافه
وأحصر هنا موضوعي عن عباءة الكتف خصوصاً
فبض الأخوات تتفنن في إضهار زينة العباءة على حساب الحجاب المفروض عليها والمقر عليها أساساً من الشرع الحنيف
فترى وكما أسلفت أخي لوحة رسومات وليست عباءة
وفي منتهى السخف أن ترى البنت التي تلبس مثل هذه العباءة تتفنن أيضاً في مشيتها وتتمايل وتتمخطر مع رفيقتها
وكما يقول المثل ...التم المنحوس على خايب الرجاء

ففي السابق ترى الأخ لا يرضى لأخته أن تبرز شيء من جسدها أبداً واليوم مع الأسف هو أو الأب أو الأم أيضاً من يعلم البنت على مثل هذا اللباس
وترى الأخ يخرج مع أخته يف المجمعات ولا يشتعل فيه الغيرة والحمية لرؤيته أخته وبعض الشباب يضايقها بالغزل والكلام المعسول وأقصى ما يفعله أن يخرج مع أخته من هذا المكان الى مكان آخر بدون فقط لكي لا تتضايق أخته وليس بسبب أن ما تفعله فيه فتنة ؟؟؟؟؟؟
والأدهى والأمر أخي أمير العاشقين أن ترى البنت متحجبة في بلدها وبين من يعرفونها وعندما تخرج الى منطقة أخرى تلبس من هذه الملابس الفاتنة والتي تكشف أكثر مما تستر وتتسوق وكأن لا أحد يذهب الى المكان الذي تذهب اليه
وتحسب نفسها بمنأى عن اللوم


أشكرك أخي على تلبية الدعوة
موضوع شااااااااائك ولي رجعة ان شاء الله

[ملاك الورد ..~]

السلام عليكم
حي الله أمير
اشدعوة ما تجي الا بعزومة
زين منه ابو زين عزمك والا ما كنا شفناك ابد
معذور نعرف مشاغلك الله يكون في عونك
____________
موضوع العباءة الي صارة ثوب سهرة من كثر الزخارف والرسومات والحركات والقصات الي فيها موضوع من كثر ما تكلمنا فيه طاحت من السنتنا نتف
وكأننا نأذن في بلد صمخان
والظاهرة كلما جاها وتزيد
العلماء والشيوخ ينصحون على المنابر لكن ما فيه فايدة
امير
من هالموضوع نفسي أعرف شنو الحل عشان نحاصر هالظاهرة وما نخليها تنتشر أكثر
ياريت نتشارك في وضع حلول
يسلمو امير

[عماد علي]

شنو الحل عشان نحاصر هالظاهرة وما نخليها تنتشر أكثر

الوعي ثم الوعي ثم الوعي وهذا أبعد شيء عنا ... للاسف مجتمعاتنا هشة وتقليدية بدرجة ممتازة وسهلة الغزو من الثقافات الغربية ... وأول ما يبدأوا به المرأة ولاحظي الثقافة الآيتة من الخارج كيف تتعامل مع مجتمعاتنا من زاوية واحدة هي المرأة وهنا الخطر فإذا سقطت هذه سهل سقوط المجتمع ... نبحث عن حلول وأنا أجزم لكم أن ما نحن فيه ليس آخر المشوار ما زالت العباءة في طريقها نحو التطور فقط إنتظروا لتروا ذلك ودعونا نعيب ما نحن فيه ليأتينا ما هو أعظم فننسى ما كنا فيه وننشغل بما أتانا من جديد وهكذا حتى لا نرى عباءة ... ولو تخيلنا العباءة مستقبلا لما لونها فقط أسود هل مسموح لنا بتغيير اللون مستقبلاً ... أرجع وأقول نحن بحاجة للوعي ومن الخطأ أن نعالج مشكلة واحدة بمعزل عن بقية المشاكل فربما مشكلتنا نتيجة مشاكل أخرى لم نعالجها مما يؤدي لظهور المشكلة مجددا.

[زهور الامل]

انا اول مره ادخل في موضوع نقاش
بصراحه شفت الموضوع وعجبني
صحيح انا صغيره وكنت اتمنى البس مثل مايابلبسون بنات جيلي وخصوصا ان القطيف
منتشره فيها واكثر من المناطق الباقيه وما راح اعمم
طبعا انا من عائله من العائلات الكبيره في القطيف التي لها سمعتها ومكانتها في المنطقه ..
وكنت اتكلم مع امي طبعا مارضت اني البس زعلت وبشده بدون شرح طبعا ما
راح اقتنع وفي يوم كنت في السوق دخلت مع فرووح عند خياط العبي شفت اشكال
قلت الى فرووح اريد هذه طالعتني بحتقار مولي الى الى كوني راح البس مثل هذه العبايه يمكن نرفت وزعلت منها
بس مع الشرح والاقتناع وضرب الامثال الحلوه وبدون عصبيه عدلت عن راي
انا البس عباية كتف وافتح وجهي ولكوني عارفه ان الوجه موحرام وانما فتنه اذا كان البنت فيها شي من الزينه ..وعبايه مثل هذه المرسومه عليها وزركشات كبيره لافته للأنظار ما احبها
ليش البنت لابسه العباء
لاني البس عباية استر بها ما احرم الله ظهوره امام الاجانب
بدون ان تكون ضيقه وملفته للأنظار
شنو راح يصير لما تمر وتشوف بنت مسويه في عباتها العديد من الرسومات
بصراحه بدون شي الشباب ما اعمم لااروح فيها اعيونهم مفتوحه ع الاخر اذا يشوفوبنت تمشي بالشارع لاوبعد من من الحركات هذا وراها مايحتاج كلام تمشي البنت وهي تدعي ربها يسلمها لين ترجع بيتهم
بصراحه اخاف امشي بحالي
لو بنتي تلبس كذا اقسم بالله اذبحها قدام الناس واتبرى منها
يااارب ليش البنت ماتسوي شي بدون موافقه ابوها او امها اذا كانت
مربايه ع الدين الاسلامي ونهج اهل البيت عليهم السلام ..
وكل شي والتفاهم ياتقنعها او تقنعك والبنت كلمه الطيبه تغيرها
الى الافضل
يمكن اسلوبي مو okوماقدرت اتكلم بالشكل المطلوب بس
خلاصة الكلام العبايه المزركشه بكثره والرسومات
وحركات القلوب والاسهم ماتعجبني
وصدقني خيوو اميران البنت او الزوجه او الاخت
مستحيل تسوي اي شي بدون رضا اهلها
وياما الشيوخ في المنابر راحت اصواتهم من النصح
لمثل هؤلاء لاحياة لمن تنادي
مشكور خيوو ع الطرح ويعطيك العافيه
وبصراحه طرح راائع

[Malamh Cute]

هلا بصــــــراحهـ عجبني الموضوع تسلم أمير على طرح الموضوع الرائع

اني بالنسبهـ ليي اذا باقول الصراحهـ الحين مافي عبايات عند البنات الحين

صارو فســــــاتين سهره جد كل وحدهـ عبايتها من فوق الى تحت ألوان غير كشتها

الاطالعه الا ماادري والله وش هدفهــــم من كل هالحركات الاصارت زي المسابقه

الاتسويي عبايتها أكثــــــر ألوان أو الاكشتها طالعه أكثر

لو بنتي تلبس كذا اقسم بالله اذبحها قدام الناس واتبرى منها

أتوقع والله الذبـــــح فيهم عادي على قلة تفكيــــرهم

زين وين الأب وين الأم ؟؟

لما تروح البنت تسوي عبايتها مايقولو شي

الاب لما يطلع وعباءة بنتها كلها الوان وحجابها مو عدل مايستحي لما

يشوفه أحد بس أتوقع انه عادي عندهم ..

لي رجعهـ ان شـــــاء الله لأن جد هالموضوع مايخلص مع بنات هالأيام

والله لما أشـــــوف البنـــــات الاقدي والله أنقهر من قلة عقلهم وتقليدهم

الحمدلله على نعمة العقـــــل وأتمنى مااصير زيهم حتى وان كنت صغيرهـ ...

تحياتي

كرزهـ

[فرح]

بجدحياتنا كلها تقليد وللأسف تقليد اعمى كل ما تجددت موضه
حنا عليها سواء تناسب بيئتنا او لا ...ولايوجد فرق بين الشاب والفتاه
حتى لو خرجت عن اطار الموضوع الشاب تلاقيه يشبه بالبنات
من لباس وحركات الميوووعه الزاااايده عن حدها وللأسف
والفتاه تتابع الموضه وتطبقها بحذافيرها ..كان الاول الوالدين لهم السيطره
الكامله ع ابنائهم من حزم وقوة شخصيه لكن الآن القليل من يرشد ابنائه
داائما تسمع هذه الكلمه البنت لسى صغيره بكره تكبر وتفهم الحياه اتركها تعيش الحياه
اي حياه هذه الاتعيشها تعيش الضياع وللأسف بعيده عن الدين الزمن تغير
ابد الزمن لم يتغير الاتغير البشر بتباع الغرب وما يروجوووه لنا من خلاف ديننا
انتوا شنو رايكم بعباء الرسومات
وعباء الاشكال
لااؤيد ابد ومن المعااارضييين لها وبششششششده ..
لو بنتي تلبس كذا اقسم بالله اذبحها قدام الناس واتبرى منها
عاااااااد امير مو لدرجة الذبح اعوووذ بالله لاتخوووفني عليها من الحين
الموهييييم ..بجد امير وما احب احلف مافيه اترك البنت الزووجه ماتفعل شي وزوووجها موقاابل فيه
مستحيييييييل يعني هي مع مين طالعه اكيييد مع زووجها وللأسف انه يشووف ويسمع كلام
تشعر وكأن لاتوجد غيره لديه ع اهله ...
بجد كنت حاضره في مجلس في محرم السيد يقوول انا لااحب ان اتكلم ولااتطرق في اشياء
ولكن حراااره في قلبي ان ارى فتياتنا وفي القطيف انهن يلبسن مثل هذا اللباس هل هذا بعتقااادك اختي
هذا ساتر يابنات الزهراء بجد شله كانت جالسه بالقرب مني يطالعن في بعض ويضحكوو ا
وكأن السيد قاااايل نكتتتته ...
اللهم عجل بفرج امام زماننا الحجه المنتظر(عج) روحي فداء تراب قدميه الطاهره
اعتذر لقد اطلت في الحدييث
اخوووي امـــــــير
مشكوووور ويعطيك العاااافيه وننتظر المزيييييييييد دااائماَ
زييييييين انهم عزمووووووك بس موكل مررره عزييييييييمه هههههه
اجمل الامنيااات لك بالتوفيق

[علويه و أفتخر]

بسم الله الرحمن الرحيم

اللهم صلي على محمد و آل محمد

و الله قهر شيعه و قدوتكم فخر المخدرات و تصيروا كذا

قلبي و قلب كل وحده قدوتها السيده زينب عليها السلام التي سميت فخر المخدرات ( يعني كل مرأه مستوره في خدرها )

السيده زينب هي فخر لكل امرأه في كمال حجابها الداخلي و الخارجي


صيروا زيناً لنا و لا تصيروا شيناً علينا هذه المقوله للإمام عليه السلام ينصح فيها شيعته أن يكونوا سبباً في محبة مذهب أهل البيت و الأعجاب بالمذهب و لا يكونوا سبباً في بغض المذهب و الأئمه عليهم السلام بأفعالهم الشائنه

الحين كل واحد يبغض أهل البيت مثلاً جاء القطيف و شاف هالعبايات ويش بيقول ؟؟؟؟
راح يقول شيعه و شيعه و تاليتها هاذي بناتهم و هاذي عبايتهم ؟؟؟

هذا قصدي ..... إنشاء الله فهمت الحين المعنى

[تأبط بودره]

أمــير العاشقـين
أشكر لكم هذا الطرح الهادف

لنتفق أولا على شئ:
أن العباية المذكوره، أصبحت أصبحت مجرد إرث ثقافي أكثر من كونها حجاب..
فهي مجرد اللباس التقليدي للمنطقة، ولم يعد الغرض منها الحجاب والستر،
إلا من رحم ربي.

في رأيي الخاص،
من تقوم بمثل هذا العمل، قد لا تقوم به أصلا للفجور، فقد يكون لمجاراة الحداثه.

فما الذي إتجه بالعباية لهذا الإنحدار؟
قد يتضح لدينا السبب بالمثال التالي:
لو كنت لا أملك إلا الرز كطعام رئيسي، فسأضطر إلى أني أتفنن فيه بشكل عشوائي ومبالغ،
فسيكون هناك البخاري، المندي، الكبسه، المضغوط،... (جوعان ...حزت غذا)..
أما إذا كانت خياراتي منوعه، فحتى لو طورت، لن يكون بهذا الشكل.
الرابط: العبائه لباس موحّد، فلكسر حاجز الرتابة وللسعي وراء التميز، يقوم من يقوم بإضفاء هذه اللمسات للعباءه، خاصة في ظل عدم إقتناعه بها أصلا.
وقد لا يفهمها إلا من يفهمها، لأنها إضافات محدوده، فمثلا لا يستطيع الأجنبي التفريق بين هذه وتلك، كما لا أستطيع أنا ذلك!
بمثل أنواع الغتر والشماغ، فتعددت اللمسات والملبس واحد.

مع إحتراي للجميع، فهذه تفاهه،
لا أتكلم من ناحية شرعيه، فحسيبها و حسيب ولي أمرها الديوث عند خالقهما.
ولكن تفاهه وسطحيه فكريه، فكأنما تأكل (خبز رقاق) في أواني فضيه و بالشوكة والسكين!

أقول ما قلت
مع إحترامي لمن خالفت
وأكرر إمتناني لكم أمــير العاشقـين
لا عدمناكم

[soosah2]

بصراحة الجميع كلامه مقنع
وانا ولله الحمد ما احب هذي العبايات أبد !!

وشو يعني العباية من فوق لتحت شك
وتطريز وما ادري وشو بعد
وين قاعدين ؟!!!
والله اتذكر مرة رايحين السوق في لخنيزي ومرينا قاعدين كان عندنا مناسبة ندور فساتين
ووقفت امي وقالت لي شوفي هذا الفستان عجبني شكلي باخذه بس عيبه انه ابو اكمام
اني وافقت امي في الراي كان فستان اسود وفيه شك بالتركوازي !!
شوي الا ابوبي يضحك علينا ويقول امشوا هذي عباية كتف !!
والله انصعقت الشكل مو عباية الشكل شكل فستان !!
والله هذي حالة ؟؟
ما ابي اطول عليكم وتسلموا ع الطرح
مع تحياتي
soosah2

[إحساس و حكاية]

أمير العاشقين ..

تسلم ع الموضوع .. من جد هادف .. و لكن ..
ع العموم ربي يعطيك العافية ..
بصراحة بالبداية كنت اقرأ الموضوع عادي و لكنّي بعدها أخذت أضحك ..
صدق شر البليّة ما يُضحك ..
صدق يعني مو عارفة أرد لأن هذا الموضوع أحسّه متكرر عليّ ..
و الأجابات ربُما يسمعها البعض و يقطها بالبحر .. قليل قليل من تسمع و تستفسد ..
الأساس هو الأساس من البداية .. أنت شوف كيف الأم و بعدين ألقي النظر ع البنت ..
هذا بأغلب الأحيان ..
و أحياناً أخرى من المجتمع اللي تعيش فيه البنت خالاتها .. عماتها إذا كانوا لابسينها يعني ..
و هي مثل الأمّعة وراهم .. مع أحترمي ..
المهم الحمد لله.. الله انعم علينا بالعقل ..
يعني الشي الزين و اضح هالأيام و كذلك الشي الشين ..
و صدق العقل زينة ..
ما أحب أني الهدرة وايد .. و لكن بعد يمكن ما تلاقي جواب مقنع لأن أغلب اللي بِرّد عليك يا أمير
ما يؤيد هذا النوع من العباية ....

دمت بحفظ الباري تعالى ..
و عذراً للأطالة ..