المشاركة الأصلية كتبت بواسطة soosah2
عفوا
بس حبيت ابدي رأيي
لو تسمحون طبعاً
لأني بكل صراحة امتلك جوال وأنا بحسب وجهة نظركم مفروض ما أمتلك عشان مرحلتي العمرية
بس حبيت اقول مو لازم الجوال اللي يكبرنا
انا بصراحة مو انا اللي قلت ابي جوال
بالعكس امي قالت لي ان هذا هدية نجاحي لأني طلعت الأولى على دفعتي
وبالأصح الجوال ما اتوقع اضراره اكثر من غيره كالنت مثلا
وبالصريح من البداية اللي يبي الخراب يلقاه بالجوال لو غيره
واللي يبي ينتفع فيه ينتفع ويستخدمه صح
وانتي طبعا ما راح تتأثري فيه واجد
لأنه مش اربعة وعشرين ساعة في أذنك
( والله انه مرمي ولا ادري عنه ما اشوفه الا لي جيت انام والاقي ذيك المكالمات اللي يمكن بـ 10 )
وطبعا يمكن اكثر شي استخدمه للمنبه
ادري راح تقولون تقدرين تستغني عنه
راح اقولك طبعا اقدر
لأنه مو شي اساسي في حياتي
بما اني صغيرة في نظركم وبما ان فيه شي يمكن انه يحل مكانه وهو التلفون
بس بعد احب ارسل الرسائل
القصيرة تباركين بمولد وغيره فيه ناس نستحي نكلمهم صراحة
عندي مثلا معلمتي حق ابتدائي مادة E
اراسلها بس لو اكلمها مستحيل ما اعرف !!
وما اقول بس انتو اللي تنتقدون
حتى في العائلة
لأني اول وحدة في العائلة امتلكت جوال من البنات
فالكل انتقض امي
بس ولله الحمد
انا عارفة نفسي وعارفة اني ما راح استخدمه في شي غلط
وامي واثقة فيني ولو فيه شي غلط ما كان مرمي في كل مكان !!
ادري طولت عليكم
بس ان شاء الله ما مليتون مني
عندي تكملة
بس خليها بعدين
راجعة لكم
ياليت نعامل الصغير كمعاملة الكبير
الصغير ما فرق عنك وعنه كثير
شاكرة حسن اصغائكم
تقبلوا مروري
ويا رب ما ازعجتكم
مع خالص احترامي وتقديري لكم
soosah2
اهلين حبيبتي ..
اني ماطرحت الموضوع وناقشته ووجهته لج شخصيا ..
اقصد الفئه العمريه الصغيره من 15 سنه و اقل , انتي عمرج كم الله اعلم بس يمكن تكوني واعيه
لامور معينه من ناحية الجوال امج اهدته لج ويمكن فهمتج شنو الصح اللي تستخدميه وشنو الغلط ..
يعني في النهايه بيكون شي راجع للاهل في اعطاء الجوال لاولادهم ومعظمهم غافلين مايدروا شنو يصير ويدور من حولهم في جوالات اولادهم فهمتي القصد..
حبابه اشكر تواجدج ومبروك عليج النجاح والجوال..
ومن حسن الى احسن ان شاء الله..
دمتي موفقه..
وبانتظار رجوعج..
صغار ولديهم..
رد مع اقتباس
رد: صغار ولديهم..
المفضلات