زي كذا:-
إنت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب...
ويقولك بتنام ؟!!
(لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :-
(هااا بتطلع !!
(لا بجرب الباب زين ولا لا
الصراحه سؤال خطير ) !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !!
(لا افرش اسناني !! يعني ماسك الكتاب شسوي اكيد ادرس)
-----------
انت دحين بالكافيه صدفه شفت واحد من الربع أو الأهل .. قالك..
هاا شتسوي هنا !!
(أبيع مويه) !! لا تعليق
--------------------
لا وتعالو شوفو قنواتنا العجيبة اهم واسئلتهم !!
مثلا بالعيد بيقابلوا واحد من الناس شوفوا الحوار :-
المذيع :- مرحبا عرفنا على اسمك ؟
المواطن :- فلان الفلاني . . . . .
المذيع :- اش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفة والمذيع ومعد البرنامج أتحف على هالسؤال
------------------------
والأسخف من هالبديهيات اللي تضيع وقتنا إذا قابلو الأطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت ووجهك)) سؤال غبي الصراحة !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن أشارك
(يعني إنت داق علشان تشارك ليش تستأذن !! من زود الأتكيت يعني)
--------------------
يعني اسئله غبيه مثل هالأسئلة ماشفت
يالله في أمان الله والله يحفظك من الأغبياء!
لحظة نسيت أسألك: قاعد تقرأ الموضوع الحين؟؟
ج: لا قاعد أخيط جزمتي!!
من بريدي ... بتصرف !!!!
رد مع اقتباس
المفضلات