دونات دنكن..

[شذى الزهراء]

السلام عليكم ورحمة الله وبركاتهـ ..
نبدأ بسم الله...
هذا المقدار كبير ويفضل يكون في أحد معاكم يساعدكم...
بالنسبة لي أسوي أحياناً نص المقدار او ربعه إذا لي أنا وزوجي بس...
المقادير :
كوب حليب دافي
1/3 كوب ماء دافي
3 ملعق كبيرة زبدة مذوبة
3/4 كوب سكر
1 ملعقة كبيرة خميرة فورية
رشة ملح
بيضة
ونخلطهم مع بعض ..




بعدين نضيف عليهم 2/1 4 كوب طحين بالتدريج، ونعجن لين تصير عجينة متماسكة





نغطي العجينة بورق نايلون ونخليها ترتاح بس 10 دقايق...

في هالوقت نجهز:
1- صينية فرن ونفرشها ورق زبدة أو ندهنها بالزبدة...
2- نجيب الحشوة المفضلة، وتكون حسب الذوق أنا استخدمت مربى فراولة وكاكاو نوتيللا...تقدرون تستخدمون مربى تفاح للتغير أو كاسترد أو أي حشوة تحبونها...
3- وطبعاً ما ننسى القطاعات، إذا استخدمتوا أكثر من حشوة يفضل تخلون كل حشوة شكل عشان يسهل الإختيار وقت الأكل...
يعني مثلاً، الدونت المحشي فراولة على شكل قلوب، والكاكاو على شكل دوائر وهكذا...
بس هنا أنا استخدمت قطاعة دائرية، وإذا ما عندكم عادي استخدموا فنجال القهوة... والحجم يرجع لكم...
4- نجيب كيس نايلون كبير ونحط فيه تقريباً كوب سكر بودرة عشان نغطي فيه الدونت...
***
نجهز المكان اللي بنشتغل عليه ونرشه بالطحين... نقسم العجينة نصفين...
نرق العجينة تقريباً بسمك نصف سم، ونقطعهاحسب الشكل اللي نبيه...


بعدين نوزع الحشوة على نص الدوائر مو كلها




ندهن أطراف العجينة بالماي عشان لما نسكرها تلزق وما تنفتح وقت القلي...




نجيب النص الثاني من الدوائر ونحطه فوق العجينة المحشية...


نكبس الأطراف مع بعض ونسكرها زين، و إذا تلاحظون أنا برمت اطرافها عشان ما تسيح الحشوة وقت القلي...
نصف الدوائر المحشية في صينية الفرن اللي جهزناها... ونكمل بنفس الخطوات مع النص الثاني من العجينة...
نغطي الصينية بفوطة مطبخ ونتركها ترتاح لمدة 45 دقيقة...

نجيب مقلى عميق ونحمي فيه الزيت...
ملاحظة هامة: لازم يكون الزيت غزير، لكن ما يكون حامي كثير... إذا كان حامي كثير بيتحمر الدونت من برا ومن داخل بيكون عجين، فلازم تكون حرارته وسط...
و أول ما تحطين قطعة قلبيها على طول عشان ما تنفش وتتشقق...

قلبي القطع لين تتحمر وارفعيها على ورق مطبخ عشان يمتص الزيت...
و أول ما تخلصين قلي، جيبي كيس السكر اللي جهزناه وحطي فيه كل مرة 4 قطع دونت وسكريه زين وهزي الكيس لين يتغطى الدونت بالسكر وصفيه في صحن التقديم...
وطبعاً حلاته تاكلونه في نفس اليوم، هذا إذا بقى شي لليوم الثاني...




وبالهناا والعاااافيهـ..
منقـــــــــــــــــــــــــول ..
تحيااتي لكم..

[فرح]

واااااااااو حـــــــــــركــــااااات روووعه
مشكوووره ياااقلبي شـــــــــذاااوي
ع الوصفه الزيييييييزه ليش تذوقتيها ههههه
تسلم يدينك يالغلا
ودووم ننتظر الجديييييييد
دمتِ برعاية المولى وحفظه

[شذى الزهراء]

الارووووع حضورج فرووحتي الغااليهـ ..
تسلميييين ياقلبي على حـلووو هالمرور ...
ماننعدم منج يااارب...
دمتي بـود...
[IMG]http://abeermahmoud2006.***********/443-wellcome.gif[/IMG]

[لحن الخلود]

يم يم يم
تسلمين شذاوي على الطبق الروعه
يعطيك الف عافية

[شذى الزهراء]

الله يسلمج عزيزتي لحووونه على التواجد الحلووو..
ماننحرم منج في صفحتي..
دمتي بخير..

[دنيا الأحلام]

ماشاء الله

شكلها لاتقاوم بصراحه

مشكوره حبيبتي شذاوي

يسلموووووووووووووو

[شذى الزهراء]

يسلمج ربي حبيبتي دنيا على هالحضور المميز بصفحتي ...
لاعدمتج يالغلالا..
دمتي بود.

[لحـ الوفاء ـن]

يسلمو على الطرح ويعطيك العافيه

[آمـ الجوآبر]

ماشاء الله

انا احبه دونكن لكن ماحب اسويه ياسبحان الله

اللي تسويه تشيل ل حبتين

[شذى الزهراء]

يسلمو على الطرح ويعطيك العافيه

يعافيج الله خيتو لحن عالمرور الطييب..

[شذى الزهراء]

ماشاء الله

انا احبه دونكن لكن ماحب اسويه ياسبحان الله

اللي تسويه تشيل ل حبتين

مشكوورهـ ام جبوري على التواجد الحلوو..