أقصر طريق الى الرجل معدته ؟؟؟

[عيون لاتنام]

ويش ريكم بهالشي ؟
أكيد راح يكون غش إذا هي قالت في الخطوبة إنها تعرف تطبخ وبعدين يتضح في الزواج إنها عدم وإنها حتى البيض ماتعرف مصيبة والله
المرأة التي لا تعرف الطبخ ، وتورط زوجها ما رأيكم بها ؟
غير مؤيده طبعا لهذا النوع من الحريم
مصيرها بتتعلم وراح يتعود على اكلها حتى لو كان طبخ أمه أحلى من طبخها بوااااااايد
هل تصارحه ؟ هل تخفي عنه الأمر وتتعلم بمرور الأيام ؟
أكيد المصارحة أهم شيء إما إنها تخفي الموضوع عنه فما راح تلاقي نتيجة من هالموضوع الا المشاكل سواء من الزوج أو من أهل الزوج
على من يقع الخطأ في هذه الحالة ، الأم أم البنت ؟
الأثنين معا
الام لها تجارب وخبرة طويلة بالحياة الزوجية فضروري تكلم بنتها عن هالموضوع وتنصحها أو تعلمها على الأقل أساسيات الطبخ قبل لاتتزوج وتعرفها بالنتايج إذا ماتعلمت
والبنت المفروض تبادر من نفسها قبل الام وتكون على قد المسؤولية والحياة الجديدة المقبله عليها

وأنت أيها الشاب ، إذا كانت زوجتك لا تعرف الطبخ هل تلزما بهذا الأمر ؟
نشوف راي الشباب

هل تزعل وتعتبر أن أهلها غشوك بها أثناء الخطبة ؟
أيضا ننتظر راي الشباب
هل تتغاظى عن هذا الأمر وتقول أن .....المطاعم كثيره وأنها بمرور الأيام ستتعلم ؟؟
بدوري لا انصحه بها الطريقة أممممممم يشجعها بطريقة حلوة
مثلا يقول لها يلاااا شرايج اليوم نروح نشتري أغراض للطبخ حاولي مره ومرتين وأسألي أمي أو أمج عن كيف تسوين هالطبخة مثلا
وهو بعد بدوره يحاول يدخل معاها المطبخ إذا كان موجود ويساعدها
إما إذا كان دخوله معاها يربكها فما أنصح بهالشيء


0000000000000


يعني خيي واحد فاضي خذني مثل
ماعمرنا جبنا طاري طبخ في ايام الخطوبة أنا وزوجي
وفي الحقيقة ماكنت اعرف أطبخ
فلما تزوجت أول ماطبخت ( سويت كبسة لحم ) لانه طبخته المفضلة كبسه >>>>>>>
الناس تبدأ برز ابيض في بداية التعليم
فصارت النتيجة كبسة لحم هريسه من ليونة الرز >>>>>> ماعرفت كمية الماي زين وتنشف الرز بزياده
حتى لون الكبسه كان فاتح >>>>>> لكن الحين خلاص تمرست من زمان كله يجي من الممارسة




علشان كذا أقول لازم البنت تتعلم اساسيات الطبخ لون تحميص البصل للكبسة وكمية الماي ومستوى النار


وعلى طاري كمية الماي والنار
في مرة حطيت الدجاج يغلي مع الماي وماقصرت على النار
رحت بيت عمي قلت دقيقتين وراجعة الا وخالتي تدقها هذرة معاي
وبعد ماخلصت طلعت من بيت عمي
وشميت ريحة كأنها ريحة شوي من الجيران قلت لنفسي من اللي شاوي اليوم >>>>> الثقة زينه والله طلع من عندي
ومافتحت باب الشقة الا وكأن الدخان ماصدق يطلع من الباب واركض وأشيل الصفرية المحترقة وداخلها الدجاجة المتفحمة وفتحت النوافذ والهوايات




سويت الفنون ومايعلموووون
على العموم





عذرا على الاطااااااااااااله أخوي وماتقصر على الموضوع الطيب
جزااااااااااااك الف خير

خالص تحياتي