اعجبتني اراء اخواني اللي عقبو على الموضوع قبلي

طبعا كل واحد فيهم القى برأيه وبين وجهت نظره وطبيعي تختلف الآراء

من شخص لآخر كلا ً حسب تفكيره وبيئته

بصراحه اني الاقي إن الامر محير .. ومحير جدا ً

المسأله ابعد وأكبر من اللي نشوفه

الاول كانو يتزوجو بعمر اصغر ولما يفشل الزواج يقولو صغار

مع ان نسبة الفشل الاول كانت اقل بكثير عن اللحين.. طيب اللحين يتزوجو بسن معقول

وبعد يفشلون ...!!!

بعد الاول كانو مايشوفون بعض بوقت الخطوبه ولايتكلمون حتى

واللحين طلعات وسهرات ومكالمات يعني المفروض فهمو بعض مزبوط

وقدر كل واحد فيهم يعرف شاللي يرضى الطرف الثاني..هذا اذا كانو ينشدون حياه اسريه سعيده

عكس قبل طبعا ً الناس تتزوج ماتدري عن شكل الشريك

(مسألة حظ .. بطيخه يعني تجربه وانت وحظك :d)

قبل مافي انفتاح مثل اللحين يعني الشاب كل همه يشتغل ويشوف له بنت الحلال

وينجب اطفال وبس.... بالمقابل البنت اول كان كل همها تتعلم تطبخ وتتزوج وتنجب..بس وانتهت السالفه(في تصوري على الاقل)


اللحين اتوقع نظرا ً لكل هالأنفتاح اللي حاصل امور كثير تغيرت واهمها (التفكير) وهذي هي الطامه الكبرى

الحكايه تحتاج لدراسه من قبل ناس مختصين بصراحه ..(اشعر ان مجتمعنا مهدد بمزيد من حالات الانفلات)

كلنا نعرف كيف ممكن يكون دور الفشل في حياتنا من تحطيم كاااامل وضعف شديد وعدم رغبه في الحياه

يعني تصورو خلال كم سنه كم شاب وشابه محطمين كليا ً في مجتمعنا قدام كل هالإنفتاح

سهل جدا ً ان شيطان يجي لشخص طالع من تجربه ومحطم ويغيره بأي شكل

(شكلي خرجت عن صلب الموضوع :s)

المهم اللي ابغى اقوله ..احنا عرفنا ان هالحاله في ازدياد طيب... وبعدين

يعني الواجب اننا نتكاتف ونتحرك نفكر على الاقل شنو ممكن نسوي

مارح اكون متفائله جدا ً واقول نقضي عليها انما رح اقول نقلل من النسبه ولو شوي

ياريت لو اذا فيه شخص حصلت له هالتجربه أو لأحد اقاربه يحكي عنهاحتى يستفيد الكل منها.

( اعرف طولت بالهذره..قايله ماباعقب على مواضيع للنقاش اعرف نفسي ازودها وما اخلص)

يعطيك الف عافيه اخوي وموفق

شمعه